• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• «Պատանի երաժիշտների Եվրատեսիլ»-ում Հայաստանն այս տարի կներկայացնի Հայկ Հեքեքյանը

  Հայկ Հեքեքյանը կներկայացնի Հայաստանը 2024 թ-ի «Պատանի երաժիշտների Եվրատեսիլ»-ում...

• Wine Story. Van Ardi գինիները Հայաստանի ժառանգության մասին են

  Van Ardi գինեգործարանը, որը գտնվում է Արագածոտնի հնագույն գինեգործական մարզում, առաջին բուտիկ գինեգործարանն է Հայաստանում և առանցքային դեր է խաղացել հայկական գինեգործության վերածննդի գործում...

• «Հայաստանը հրաշքների երկիր է». Յան Շենկմանը «Մեզ մոտ՝ Երեւանում» գրքի շնորհանդեսին

  «Ari» ստենդ-ափ ակումբում տեղի ունեցավ ռուս բանաստեղծ եւ լրագրող Յան Շենկմանի «Մեզ մոտ՝ Երեւանում» գրքի շնորհանդեսը․․․

• Անդրեյ Մակարեւիչ. «Ինտերնետը շատ շուտ է հասել մարդկությանը»

  Անդրեյ Մակարեւիչը եւ «Машина времени» խումբը շքեղ համերգ են տալիս Երեւանում՝ լեգենդար խմբի 55-ամյակի կապակցությամբ…

21-ամյա անգլիացի Վալ Իսմաիլին Հայաստան ժամանել է 4 ամիս առաջ: Մասնագիտությամբ ճարտարապետ Վալի սիրելի հոբին լեռնագնացությունն է: Հայաստանում լինելու ընթացքում երիտասարդն իրականացրել է մի յուրահատուկ ճանապարհորդությոն: Նա 9 ժամում մագլցել է Արագածի 4 գագաթները, իսկ հետո 8 շաբաթվա ընթացքում Հայաստանի հարավից ոտքով հասել է մինչեւ Բաթում:

Իր հետաքրքիր ու արկածային ճանասպարհորդության մասին համարձակ երիտասարդը պատմել է NEWS.am STYLE-ին.

Արագածի գագաթին

«Հայաստան եկել եմ 4 ամիս առաջ: Գալուս օրվանից սկսած՝ 8 շաբաթ զբաղվել եմ լեռնագնացությամբ: 1500 կմ եմ անցել Մեղրիից ամբողջ Հայաստանով մեկ, մինչեւ Բաթում: 5 շաբաթ եղել եմ Դիլիջանում, որտեղ օգնում էի կառուցել Հայաստանում առաջին լեռնագնացային արահետը՝ Դիլիջան-Պարզ լիճ-Գոշ-Գոշ լիճ»,-ասում է Վալը՝ հավելելով.

«Մինչ Հայաստան գալն արդեն որոշել էի, որ ցանկանում եմ մագլցել Արագածի 4 գագաթները: Հայ ընկերներիցս շատերն էին պատմել, թե ինչ գեղեցիկ տեսարան է բացվում այդ գագաթներից: Ես պարզապես դա պետք է անեի: Հյուսիսային եւ արեւելյան գագաթներին երկինքը կատարյալ կապույտ էր, ես կարողացա տեսնել ամբողջ Հայաստանը: Գիտակցելով, որ ամբողջ երկրով մեկ քայլել եմ՝ հրաշալի զգացում եմ ապրել: Մինչ հասա արեւմտյան գագաթին, եղանակն ամբողջությամբ փոխվեց, եւ ձյուն տեղաց: Աննկարագրելի մի բան է, երբ եղանակային կտրուկ փոփոխության ականատես ես դառնում ընդամենը մեկ օրում»:

Լեռնագնացությամբ տարված երիտասարդը նախկինում էլ մի քանի լեռներ է հաղթահարել.

«Լեռնագնացությունն իմ հոբբին է, երբ ազատ եմ լինում, հենց դրանով եմ զբաղվում: Երբեք չեմ ձանձրանում դրանից: Հայաստանում նաեւ մագլցել եմ Խուստուփը (3206 մ), Վրաստանում՝ Լաթրալդաշին (3370 մ)», լեռներ բարձրացել եմ նաեւ Ալբանիայում եւ Կոսովոյում»,- ասում է տղան, որն իր ճանապարհորդությունը սկսել է Մեղրիից.

«Հետո հասել եմ Կապան՝ մագլցելով Խուստուփ լեռը, շարունակելով ճանապարհս դեպի Տաթեւ, Սիսիան, հետո՝ Արտավան ու Նորավանք: Քայլել եմ ամբողջ Գեղամա լեռնաշղթայով՝ 4 օրում անցնելով 120 կմ, որից հետո գնացել եմ Դիլիջան, հետո ճանապարհս շարունակել եմ հյուսիսով՝ դեպի Ալավերդի ու Վրաստան՝ վերջապես հասնելով Բաթում»:

Դե, իհարկե, նման ճանապարհորդությունը չէր կարող զերծ մնալ արկածային դրվագներից.

«Ճանապարհորդությունը լի էր արկածներով, սկսած՝ լեռնային շներից, վերջացրած՝ ուժեղ կարկուտից, որին հանդիպել եմ Գեղամա լեռնաշղթան անցնելիս: Ամենից շատ իմ մեջ տպավորվել է այն, երբ լեռներում աշխատող հովիվներն ինձ հրավիրեցին իրենց տները, հյուրասիրեցին ուտելիքով, ինչպես նաեւ առաջարկեցին գիշերել իրենց տներում: Կարծում եմ՝ երբեք չեմ մոռանա այդ ամենը:

Ճանապարհին շատ տեղերում եմ կանգնել: Քանի որ միայն քայլելով էի անցնում այդ ուղին, ինձ բնականաբար հանգստանալ էր պետք: Կանգ եմ առել Կապանում, Սիսիանում, Արենիում, Դիլիջանում եւ Ալավերդիում: Շատ ու շատ այլ վայրերում էլ հասցրել եմ կանգ առնել եւ տեսնել Հայաստանի ողջ գեղեցկությունը: Ամենից շատ ինձ անտառային միջավայրն էր դուր գալիս: Հետաքրքիր մի բան կա լեռներում միայնակ լինելու մեջ»:

Որքան էլ Վալը տպավորված է Հայաստանի գեղեցկությամբ ու պատմությամբ՝ թերի կողմերը եւս հասցրել է նկատել.

«Հայաստանում ինձ միայն մի քանի բան դուր չի եկել: Կարծում եմ՝ դրանցից ամենաակնհայտն աղբն է, որը մարդիկ թափում են փողոցում: Հայաստանն այնքան գեղեցիկ երկիր է, ամոթ է այն ծուլության պատճառով աղտոտելը, որովհետեւ որոշ մարդիկ իսկապես ալարում են աղբն աղբամանը նետել: Գիտեմ, որ այժմ «Մաքուր Հայաստան» նախագիծ կա, որը զբաղվելու է նման հարցերով, ինչը, կարծում եմ, լավ սկիզբ կլինի խնդրի լուծման համար»,- ասում է երիտասարդը՝ հավելելով.

«Սա իմ առաջին այցն էր Հայաստան, բայց համոզված եմ՝ վերջինը չի լինի: Վաղն արդեն գնում եմ Հայաստանից: Կարծում եմ՝ այսօր հիմնականում համեղ ուտեստների վրա ժամանակս կծախսեմ:

Էլի որոշ հետաքրքիր մտքեր ունեմ հետագայի համար, բայց դեռ վերջանական ոչինչ չեմ ծրագրել: Բայց սկզբի համար ասեմ, որ սրա մեջ կրկին մտնում է երկար քայլելը...

Կցանկանայի հաջորդ տարի էլ գալ Հայաստան եւ օգնել կառուցել եւս մի քանի լեռնագնացային ճանապարհներ: Մի ծրագիր կա, որի շրջանակներում թե՛ տեղացիները, թե՛ արտասահմանցիները ցանկության դեպքում կարող են օժանդակել դրան: Այս ծրագրի շնորհիվ շատ ընկերներ ձեռք բերեցի ու էլի եմ ուզում վերադառնալ: Այս տարի մենք միասին կառուցեցինք 80 կմ լեռնագնացային ճանապարհ, պատկերացրեք, թե ինչքան երկար մենք կարող ենք կառուցել հաջորդ տարի, եթե մեզ միանան ավելի շատ մարդիկ»,- նշեց Վալը:

Սյունե Առաքելյան

Լուսանկարները՝ Վալի Instagram-ի էջից

Հետևեք NEWS.am STYLE-ին Facebook-ում, Twitter-ում և Instagram-ում