NEWS.am STYLE-ի խմբագրությունն ընթերցողներից բազմիցս նամակներ էր ստանում, ովքեր առաջարկում էին բացել նոր խորագիր, որտեղ յուրաքանչյուր ցանկացող անորոշ հասցեատերերի շրջանակին ուղղված կարճ էսսեի, նամակի միջոցով կարող է ինքնարտահայտվել, ներկայացնել կյանքի մասին փիլիսոփայական մտորումները եւ այլն:
Կայքի խմբագրությունն անսաց այդ բազմաթիվ խնդրանքներին եւ սկսեց աշխատել նոր խորագրի ստեղծման ուղղությամբ, որը որոշվեց վերնագրել «Իմ պատմությունը»: Այսուհետ ձեզանից յուրաքանչյուրը կարող է մեզ ուղարկել սեփական պատմությունը, իսկ մենք անպայման այն կտեղադրենք մեր կայքում: Ամենից պատկերավոր, հուզիչ կամ արձագանք ստացած շարադրանքը խմբագրության կողմից մրցանակ կստանա:
Երբ մենք այս տեքստը հրապարակեցին Facebook-ի մեր էջում, սկսեցին խմբագրություն նորանոր պատմություններ ուղարկել: Եվ, ինչպես պարզվեց, ոչ միայն իրական, այլեւ երեւակայական, հեքիաթային: Ահա պատմություն, որ մեզ ուղարկել է Լիանա անունով մի աղջիկ:
«Թանկագին NEWS.am STYLE-ի խմբագրություն:
Ինչպես հոգեբաններն են պնդում, երկու սիրելի մարդկանց միջեւ զրույցները, հատկապես՝ քնելուց առաջ եւ ինտիմ հարաբերություններից հետո, նպաստում են հարաբերությունների ամրապնդմանն ու ներդաշնակություն են մտցնում դրանցում: Ի դեպ, օրինակ՝ գիշերվա հեքիաթի տեսքով սիրելի տղայի համար նման զրույցը կարող է լինել նաեւ ինտիմ հարաբերություններից առաջ, եւ նույնիսկ դրա հետ ոչ մի առնչություն չունեցող, քանի որ հենց այդ ռոմանտիկության ու հեքիաթայնության մեջ է պահի ինտիմությունը: Սա իմ պատմությունը չէ, այլ հեքիաթ է ցավի մասին: Ես ձեզ կպատմեմ հեքիաթ, որն ինքս եմ հորինել:
Մի ժամանակ մի արքայադուստր էր ապրում, եւ նա ամեն ինչ ուներ. ե՛ւ գեղեցկություն, ե՛ւ քնքշություն, ե՛ւ խելք: Եվ ծնողները որոշեցին նրան ամուսնացնել: Իսկ ահա ինչպիսինն էին այն ժամանակ փեսացուները… Նրանց հետաքրքրում էր միայն թագավորության այն կեսը, որ արքայադստեր հայրը խոստացել էր որպես օժիտ տալ: Իհարկե, արքայադուստրն այդ հասկանում էր, եւ չէր էլ ցանկանում ապրել մեկի հետ, ով իր մեջ չէր տեսնում իսկական կնոջը, ում նա կարող էր նվիրել իր քնքշանքն ու սերը, ով պարզապես չէր կարողանա գնահատել իր զգացմունքների ամբողջ լրջությունը: Չի կարելի չասել, որ նրա ընկերուհիները՝ հարեւան թագավորությունների արքայադուստրերը, նրան չէին նախանձում: Բայց դա արքայադստերը երջանկություն չէր բերում:
Արքադստեր միակ երազանքն էր՝ հանդիպել արքայազնին, ում տեսել էր իր երազներում: Հենց նրա հետ էր նա իսկապես երջանիկ, միայն նրա գրկում էր հալչում եւ մոռանում աշխարհում ամեն ինչ: Հնարավոր է՝ ինչ-որ ժամանակ արդեն տեսել էր նրան, հնարավոր է նաեւ՝ պարզապես հորինել էր նրան իր համար՝ գիշերը հեքիաթներ եւ ռոմանտիկ պատմություններ կարդալով, բայց միայն նրա աչքերն էին բոլորից ջերմ, նրա ձեռքերը թվում էին ավելի քնքուշ, իսկ շուրթերը՝ ամենից զգայուն եւ հարազատ: Ամեն անգամ արթնանալով եւ վերադառնալով իրականություն՝ արքայադուստրը վախենում էր իր երջանկությունը հավիտյան կորցնել:
Մի անգամ նրա հայրը պարահանդես կազմակերպեց: Արքայադուստրը չէր ցանկանում դրան ներկա գտնվել, բայց այդ միջոցառումն առիթ էր՝ աղջկան «ցուցադրելու» կարգավիճակ ունեցող շահավետ փեսացուներին: Երեկոյի ավարտին արքայադուստրը վերջնականապես տխրեց. այս ամբողջ զվարճությունն իրենը չէր, նա իրեն հյուր էր զգում, ում անընդհատ մեջքի հետեւում գնահատում եւ քննարկում էին: Արքայադուստրը դուրս եկավ պատշգամբ եւ տեսավ ձանձրացող պատանու, ով նույնպես, թերեւս, տխրում էր: Նա վախեցավ մոտենալ, բայց նույն պահին կարծես անտեսանելի մի ուժ նրան մղեց դեպի պատանին: Նրանք կանգնել եւ նայում էին միմյանց աչքերին, թվում էր՝ շուրջը ոչինչ այլեւս գոյություն չունի: Այդ նա էր, իր երազի սիրելի արքայազնը: Արքայադուստրը չէր հավատում այս ամենին, վախենում էր նորից արթնանալ: Սակայն սիրելի արքայազնն ամուր գրկեց նրան եւ այլեւս ոչ մի տեղ չթողեց:
Հուսով եմ՝ իմ արքայազնն այլեւս երբեք չի լքի ինձ: Նույնիսկ չնայած նրան, որ արքան դեմ է»:
Հետևեք NEWS.am STYLE-ին Facebook-ում, Twitter-ում և Instagram-ում
19:23, 21 նոյեմբերի
Երկրպագուն 2000 կիլոմետր ճանապարհ է անցել՝ հնդիկ բլոգերի հետ ամուսնանալու համար. աղջկա հայրն ու հարևանները ծեծելով սպանել են նրան19:10, 21 նոյեմբերի
Մահացել է լեգենդար ոսկերիչ Պաոլո Բուլգարին, ով ընտանեկան բիզնեսը վերածել էր համաշխարհային շքեղության18:17, 21 նոյեմբերի
Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով17:29, 21 նոյեմբերի
Բացահայտվել է արքայազն Հարիի և Մեգան Մարքլի՝ Մեծ Բրիտանիա հանկարծակի վերադարձի անսպասելի պատճառը16:19, 21 նոյեմբերի
Մելանիա Թրամփը քննադատել է ամուսնու շրջապատին. առաջին տիկնոջ խոսքով՝ Դոնալդին շրջապատել են միայն քծնողների15:22, 21 նոյեմբերի
Մաքոլեյ Կալկինը վերադառնում է «Տանը մենակ» ֆիլմին. պաշտամունքային ֆիլմն անսպասելի շարունակություն կունենա14:18, 21 նոյեմբերի
Քիմ Քարդաշյանը մի հարսնացուի համար կվերադարձնի անցյալի բույրը. հուզիչ պատմությունը գրավել է TikTok-ը13:12, 21 նոյեմբերի
«Նա հետ ուղարկեց իմ պաստան». Ջեյմի Օլիվերը 30 տարի անց հիշել է Ռոբերտ Դե Նիրոյի հետ կապված նվաստացուցիչ դեպքը12:01, 21 նոյեմբերի
Երբեմն մի ամբողջ կյանք է անցնում հինգ կանգառի արանքում, իսկ ամենակարևոր խոսքերը մնում են չասված. Քրիստ Մանարյանի «Հինգ կանգառ» դրաման11:12, 21 նոյեմբերի
Քրիս Փրատը բոլորից վա՞տ է համբուրվում. Ջենիֆեր Լոուրենսը կազմել է հոլիվուդյան աստղերի անսպասելի վարկանիշ10:30, 21 նոյեմբերի
«Պենելոպե, օ՜, Պենելոպե…». երբ սպասումը դառնում է ճակատագիր, իսկ հավատարմությունը՝ ընտրություն09:00, 21 նոյեմբերի
ՆՈՅԵՄԲԵՐԻ 21-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ