• «Холостяк»-ի հաղթող Կատյա Սաֆարովան լուսանկարվել է մերկ

  Ոչ բոլորին է դուր եկել այդ անկեղծությունը․․․

• Սիմոն Պորտ Ժակմյուսի շունը նկարահանվել է ֆրանսիական «Elle»-ի շապիկի համար

  Դիզայները շատ է սիրում շների…

• Դուա Լիպան եւ Անվար Հադիդը բաժանվել են

  Զույգը վաղուց էր մտածում բաժանվելու մասին…

• Fendi նորաձեւության տունը վերաթողարկել է «Սեքսը մեծ քաղաքում» սերիալից հայտնի դարձած պայուսակը

  Արժեքը 4300 դոլար է․․․

• Ինչպիսի պայուսակներ համադրել փքաբաճկոնների հետ․ ոճային տարբերակներ (ֆոտո)

  Իդեալական ընտրություն կլինի հարթ կամ ասեղնագործված պայուսակը․․․

• Միատոն զգեստը՝ կանանց համար Ամանորի թրենդ

  Միատոն հանդերձանքը Նոր տարվա նախաշեմին կանանց շրջանում թրենդ է դարձել․․․

• «Միսս Տիեզերք» մրցույթի հերթական փուլը․ Նանե Ավետիսյանը՝ Արարատյան թագավորության աստվածուհի Արուբանիին ներկայացնող տարազով (վիդեո)

  Նոր հրապարակում․․․

• Քրիստինե Գրիգորյանի նորաձեւության երեկոն եւ հայտնի հյուրերը (ֆոտո)

  Պպոդիումում ոչ միայն պրոֆեսիոնալ մոդելներ էին, այլեւ հայտնի մարդիկ․․․

«Թագի հետ կապված ամեն բան արդեն հարթվել է, ես նույնիսկ չհասկացա, թե ինչ կատարվեց, այնքան հուզված էի ու երջանիկ իմ հաղթանակով»,- NEWS.am STYLE-ի հետ զրույցում ասաց «Միսս Արմենիա 2017» մրցույթի հաղթող Լիլի Սարգսյանը: Նշանակու՞մ է սա, արդյոք, որ թագը պատրաստած ընկերությունը վերադարձնելու է մրցույթից հետո աղջկանից վերցրած գլխազարդը, Լիլին չմանրամասնեց, միայն ասաց, թե թագի վերաբերյալ այսօր լրացուցիչ հայտարարություն կարվի կազմակերպիչների կողմից:

Խոսելով իր հաղթանակի մասին, Լիլին նշեց. «Ես շատ հուզված էի, առաջին անգամ էի այդպիսի բեմում, ու հուզմունքս շատ մեծ էր, իսկ երբ հայտարարվեց, որ ես եմ հաղթել, այն կրկնապատկվեց: Երազի նման էր, նույնիսկ շատ բաներ չեմ հիշում: Ծնողներս են եղել դահլիճում, ովքեր նշում են, որ շատ լավ էր ամեն բան, եւ վայելել են շոուն: Իմ կյանքում սա շատ կարեւոր իրադարձություն էր: Շնորհակալ եմ բոլոր մարդկանց, ովքեր կազմակերպեցին այս շոուն, որի արդյունքում իմ կյանքը մի վայրկյանում փոխվեց»:

Լիլի Սարգսյանը համաձայն է, որ մրցույթը որոշ թերություններ է ունեցել.

«Պրոֆեսիոնալ ռեժիսոր է աշխատել իր թիմով, բայց նման մասշտաբի մրցույթ ուղիղ եթերով հեռարձակելը պատասխանատու աշխատանք է, ուստի հնարավոր էին վրիպումներ»,-ասաց նա:

Ինչ վերաբերում է իր հասցեին հնչած քննադատություններին, ապա 17-ամյա «Միսս Արմենիան» դրանց պատրաստ է եղել.

«Աղջիկներից յուրաքանչյուրը յուրովի գեղեցիկ է: Թե իմ, թե նրանց հասցեին լսում եմ քննադատություններ, բայց մենք դրանց պատրաստ էինք, բոլոր տարիների «Միսս Հայաստանների» ժամանակ դրանք եղել են, ուղղակի նրանցից ոմանք այդ քննադատություններից հուսահատվում են, ոմանք, հակառակը, ավելի ուժեղանում եւ, ի վերջո, վաստակում բոլորի սերը»:

Լիլի Սարգսյանն այժմ պատրաստվում է «Միսս աշխարհ» գեղեցկության մրցույթին, որը տեղի կունենա հոկտեմբերի 15-ից նոյեմբերի 20-ը՝ Չինաստանում:

«Տեսանյութ ենք նկարել, որտեղ ներկայացնում եմ ինքս ինձ՝ նախասիրություններս, հետաքրքրություններս, որը ուղարկելու ենք «Միսս աշխարհ» գեղեցկության մրցույթին, անգլերենս եմ ավելի զարգացնում, մրցույթի համար հագուստ են ընտրում, մարզվում եմ, շատ հագեցած է օրս անցնում: Մրցույթին հաշված օրեր են մնացել, մրցույթից մեկ ամիս առաջ պետք է մեկնեմ Չինաստանի Սանյա քաղաք, քանի որ նախապատրաստական աշխատանքները սկսվում են նախքան մրցույթը»։

Զրուցեց՝ Շ. Շուշան

Լուսանկարները՝ Նարեկ Տեր-Պողոսյանի

Հետևեք NEWS.am STYLE-ին Facebook-ում, Twitter-ում և Instagram-ում