Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Հարսանեկան սեղանի դիզայն եւ ձեւավորում

20:37, 19 ապրիլի

Արարողության ամբողջ ընթացքում բոլոր հյուրերի հայացքներն ուղղված են հարսանեկան սեղանին: Այդ պատճառով, հարսանեկան սեղանի յուրահատուկ ձեւավորումից է կախված հրավիրյալների եւ, իհարկե, հենց նորապսակների ուրախ տրամադրությունը: Հարսանեկան սեղանների յուրահատկությունների մասին կպատմի միջոցառումների կազմակերպման Event Service կազմակերպության տնօրեն Սոֆյա Սարգսյանը:

«Հարսանեկան սեղանը, որի շուրջ պետք է նստեն երիտասարդներն ու նրանց հյուրերը, ոչ մի կերպ չի կարելի մանրուք անվանել: Հենց այդ պատճառով ե՛ւ փեսացուն, ե՛ւ հարսնացուն ցանկանում են հարսանեկան խնջույքն անցկացնել բացառիկ ձեւավորմամբ հարսանեկան սեղանի շուրջ: Կարելի է փորձել նաեւ ինքնուրույն ձեւավորել հարսանեկան սեղանը, սակայն, որպես կանոն, առանց հատուկ գիտելիքների եւ որոշակի փորձի դա որակով եւ ներդաշնակ անել դժվար թե ստացվի:

Պրոֆեսիոնալ ձեւավորման համար ամենից առաջ անհրաժեշտ է որոշել հարսանեկան արարողության գունային ձեւավորման ընդհանուր ոճը: Անկասկած, հարսանեկան սիրելի գույներն են արծաթագույնը, վարդագույնը, ոսկեգույնն ու ճերմակը: Սակայն նորաձեւության վերջին միտումները նախատեսում են նաեւ մանուշակագույնի, գունատ փիրուզի, կանաչի, նարնջագույնի եւ կարմիրի  օգտագործումը: Այս գույներն օգտագործվում են ե՛ւ հարսանեկան զգեստների, ե՛ւ հրավիրատոմսերի, ե՛ւ ընդհանուր դահլիճի ու, մասնավորապես, հարսանեկան սեղանների ձեւավորման համար: Հիասքանչ է դիտվում լողացող փոքրիկ մոմերի տեսքով արված հարսանեկան սեղանների զարդարանքը՝ տեղադրված սեղանի կենտրոնում, ծաղիկների կոմպոզիցիայի համադրությամբ: Երկար ուղղանկյուն սեղաններին սովորաբար դրվում են մի քանի ծաղկային կոմպոզիցիաներ, իսկ օվալ կամ կլոր սեղաններին՝ միայն մեկը, կենտրոնում: Ընդ որում, կարող եք սեղանը զարդարել ոչ թե փնջերով ծաղկամաններով, այլ ծաղիկների զամբյուղներով կամ ծաղիկների կոկոններով ու թերթիկներով լի ափսեներով:

Մրգերի զամբյուղների յուրօրինակ ձեւավորումը նույնպես կարող է հարսանեկան սեղանի գլխավոր զարդը դառնալ եւ շահավետ է ճաշացանկով նախատեսված սովորական մրգամանը դրանով փոխարինելը:

Ծաղիկների փոխարեն որպես հարսանեկան սեղանի զարդարանք կարող եք օգտագործել փեսացուի եւ հարսնացուի լուսանկարները: Թող դրանք հյուրերին պատմեն նորապսակների կյանքի պատմությունը նորածին տարիքից (նորապսակներից հեռու գտնվող սեղանին դրված լուսանկար) մինչեւ հարսանիք (նորապսակներին մոտ սեղանի լուսանկար):

Իսկ հիմա պատկերացրեք, որքան անսովոր եւ յուրօրինակ կդիտվեն հարսանեկան սեղանները, եթե դրանք համարակալված չեն, ինչպես սովորաբար ընդունված է, այլ կոչված են որեւէ հատուկ անունով: Օրինակ՝ կարող եք հարսանեկան սեղանները կոչել նորապսակների համար հետաքրքիր վայրերի պատվին, որտեղ նրանք հանդիպել են եւ իրենց համատեղ երջանկության առաջին քայլերն արել: Հարսանեկան սեղանների ձեւավորման նման մոտեցումը ստեղծագործության մեջ ռոմանտիկայի հավելյալ երանգի երաշխիք կդառնա»:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել