Ասում են՝ աղջիկը կարող է ամուսնանալ երկու եւ նույնիսկ երեք անգամ: Իսկ ահա ավարտական երեկոն նրա կյանքում միայն մեկ անգամ է լինելու: Այդ պատճառով այդ անմոռանալի իրադարձությանը պետք է պատրաստվել հիմնավորապես եւ ամենայն լրջությամբ: Նորաձեւության փորձագետ Անժելիկա Մանուկյանը NEWS.am STYLE-ի հետ համատեղ ավարտական երեկոյի զգեստի ընտրության տարբերակներ է առաջարկում: Հուսով ենք՝ կօգնենք աղջիկներին այդ բարդ գործում, եւ յուրաքանչյուրը կկարողանա դառնալ պարահանդեսի թագուհին:
Մեր ոչ դյուրին առաքելությունը որոշեցինք սկսել հենց ապրիլի կեսից, որպեսզի մայիսի վերջին հնարավորություն ունենաք կիրառել մեր խորհուրդները. Հայաստանում տարվա հենց այդ ժամանակ են հրաժեշտ տալիս դպրոցին եւ, կարող է նաեւ՝ անհոգ մանկությանը:
Նախ հարկավոր է կողմնորոշվել ընդհանուր կերպարի ոճի հարցում: Առաջարկում ենք հետեւյալ տարբերակները:
Չհնացող դասական: Դասականը, ինչպես միշտ, անպարտելի ընտրություն է: Մինչեւ գետին հասնող երկար շրջազգեստ՝ բաց ուսերով. սա յուրաքանչյուր աղջկա երազանքն է: Մեզանից ո՞վ մանկության տարիներին չի երազել արքայադուստր լինել: Ժամանակը եկել է: Բաց կամ հակառակը՝ շքեղ ժանյակով փաթաթված ուսեր եւ ձեռքեր, գայթակղիչ դեկոլտե կամ մերկ մեջք, երկար հոսող կիսաշրջազգեստներ, բարձր կտրվածքներ, կազմվածքը գրկող զգեստ, կորսետ, անհամաչափություն. այս ամենը դասական երեկոյան զգեստների տարրերն են:
Կոկտեյլային շրջազգեստներ: Ժամանակակից հասարակությունում ամենից տարածված եւ ունիվերսալ զգեստները կոկտեյլային շրջազգեստներն են: Դա դասական շրջազգեստի կարճ տարբերակն է՝ տոնական առիթների համար, բայց՝ մի տարբերությամբ. այն ծնկից մի փոքր վերեւ է: Եվ եթե դասական ավարտական շրջազգեստը դժվար թե եւս մեկ անգամ հագնեք, ապա կոկտեյլայինը կարող եք կրել նաեւ հետագայում:
Ազգային կամ էթնիկ ոճ: Էթնիկ ոճով զգեստները հանրահայտության գագաթնակետին են, հատկապես այն բանից հետո, երբ շատ հայ աստղեր ուշադրություն հրավիրեցին վաղուց մոռացված նախշերին եւ մոտիվներին: Օրինակ՝ Սիրուշոն կամ Արշակյան քույրերը: Անսովոր եւ շատ գրավիչ են դիտվում ժամանակակից մշակմամբ ազգային տարազները: Դրանք կարող են լինել հունական ոճով շրջազգեստներ: Հրաշալի է դիտվում ազգային ասեղնագործությունը, հատկապես եթե դրանք ամբողջությամբ ձեռագործ են՝ թելերով եւ ուլունքներով:
Էքստրավագանտ զգեստ: Առանձնանալու միջոց: Եթե սիրում եք լինել ուշադրության կենտրոնում, իսկ երբեմն նաեւ ցնցել շրջապատին, ապա սա ձեզ համար է: Ձեր զգեստի ոճը սահմանափակվում է միայն ձեր երեւականությամբ: Կարող եք ընտրել կինոյի կամ հեքիաթի որեւէ հերոսուհու կերպար (օրինակ՝ կարմիր գլխարկ, ձյունե թագուհի), «բարբիի» կամ կին վամպիրի կերպար ստեղծել, ներկայանալ՝ հագուստը ձեւակերպելով ազգային դրոշի գույներով կամ առանձնանալ յուրահատուկ լայնեզր գլխարկով:
Հաջորդ անգամ մենք կպատմենք, թե ո՞ր ձեւը կսազի հենց ձեր կազմվածքին, այնուհետեւ կօգնենք կոշիկ եւ աքսեսուարներ ընտրել:
Հետևեք NEWS.am STYLE-ին Facebook-ում, Twitter-ում և Instagram-ում
20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն17:23, 4 մայիսի
Հյու Ջեքմանը եւ Ջոդի Քոմերը կնկարահանվեն «Ռոբին Հուդի մահը» ֆիլմի գլխավոր դերերում15:06, 4 մայիսի
Դերասանուհի Թիֆանի Հադիշը ցանկանում էր սեքսով զբաղվել Հենրի Քավիլի հետ, սակայն նրա հետ հանդիպելուց հետո մտափոխվել է13:29, 4 մայիսի
Քեւին Սփեյսի. նոր վավերագրական ֆիլմում 10 տղամարդ «անհոգի հրեշին» մեղադրում են սեռական ոտնձգության մեջ12:30, 4 մայիսի
Քլոե Քարդաշյանն ակնարկել է, որ բաց է կնոջ հետ հարաբերությունների համար12:08, 4 մայիսի
«Էթնո ջազ» խորագրով համերգը`նվիրված Սերգեյ Փարաջանովի 100-ամյա հոբելյանին (ֆոտո)11:13, 4 մայիսի
Սերենա Ուիլյամսը ծննդաբերությունից 9 ամիս անց անհավանական տեսք ունի սպիտակ լողազգեստով10:17, 4 մայիսի
Հղիության մասին լուրերի ֆոնին Քայլի Ջենները ցուցադրել է իր հարթ որովայնը09:00, 4 մայիսի
ՄԱՅԻՍԻ 4-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 3 մայիսի
Ֆորմուլա 1-ի լեգենդ Միխայել Շումախերի ութ շքեղ ժամացույցներ աճուրդի են հանվել22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին