Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

Ձեւավորում ենք տունը. վարագույրների դիզայն

17:23, 19 ապրիլի

Տան ձեւավորման գործում կարեւոր է վարագույրների ճիշտ ընտրությունը, որոնք ոչ միայն ծածկում են բոլոր թերությունները, այլեւ ամբողջությամբ կերպարանափոխում են պատուհանն եւ բնակարանն ընդհանրապես: Այստեղ հարկավոր է հաշվի առնել ամեն ինչ. առաստաղի բարձրությունը, պատուհանների դիրքն ու չափերը, եւ, իհարկե, հենց սենյակների ինտերիերը: Բացի այդ, հարկավոր է միանգամից կողմնորոշվել, թե ի՞նչ դեր են կատարելու վարագույրները: Չէ՞ որ վառ լույսից եւ փոշուց, իսկ ձմռանը՝ ցրտից պաշտպանությունն անխոս անհրաժեշտ են, բայց երբեմն դրա համար անհրաժեշտ է լինում զոհաբերել դիզայնը: Այդ՝ ոչ դյուրին գործում կօգնի ներքին հարդարման դիզայներ Հերմինե Պետրոսյանը:

Վարագույրների դիզայն

Վարագույրների ձեւավորման տարածված տարբերակը երկու տարբեր կտորների համադրությունն է. ազատ կախված վարագույն՝ բարակ եւ թափանցիկ, որը սովորաբար փակում է ամբողջ պատուհանը, եւ երկրորդ շերտը՝ ամուր եւ ծանր կտորից, որոնք շրջանակում եւ զարդարում են պատուհանները երկու կողմից: Մի մոռացեք նաեւ, որ լայնակի գծերով կտորները տեղին կլինեն նեղ սենյակում, քանի որ տեսողականորեն «լայնացնում» են այն, իսկ ուղղահայաց գծերովը հարմար են ցածր առաստաղով սենյակիների համար:

Որպեսզի վարագույրները չտարրալուծվեն սենյակի ներքին հարդարման հետ, խորհուրդ է տրվում դրանք ընտրել պատերից ավելի բաց կամ մուգ երանգներով: Դեղին, կարմիր գույները ջերմության տպավորություն են ստեղծում, իսկ կապույտն ու մոխրագույնը սառը երանգներ են համարվում: Լրացուցիչ ջերմություն են հաղորդում ամուր, ծանր կտորներից վարագույրները:

Լամբրեկենը (բոլորածալք, որը տեղակայված է վարագույրի վրա) պատուհանի լրացուցիչ ձեւավորում եւ ավարտունության որոշակի զգացողություն է ստեղծում: Բայց ոչ բարձր առաստաղի պարագայում դժվար կլինի համապատասխան դիզայն ընտրել: Այդ դեպքում ավելի լավ է փորձեր չանել, որպեսզի կառույցը հսկայական չստացվի:

Կտորի ընտրություն

Վարագույրների համար կտորի ընտրության ժամանակ հստակ պետք է իմանաք, թե ինչպիսի՞ գործառույթ են դրանք իրականացնելու: Բնակարանն արեւի լույսից պաշտպանելու պարագայում խորհուրդ է տրվում օգտագործել հատուկ բաղադրությամբ ներծծված կտոր, ինչի հաշվին այն ավելի քիչ է վառվում արեւի տակ: Եթե վարագույրները պետք է հաճախ լվանաք (այսինքն դրանք փոշեկուլի դեր պետք է կատարեն), ապա ավելի լավ է ընտրել ամուր կտոր:

Գործնական տեսանկյունից վարագույրի կտոր ընտրելիս լավագույն տարբերակը կլինի պոլիէսթերը կամ բամբակի հետ դրա համադրությունը: Այդ կտորները հեշտ է տնային պայմաններում լվանալ, բայց 30-40 աստիճան ջերմաստիճանում: Թավշյա, լիոնի կամ բամբակե կտորներին հարկավոր է չոր մաքրում: Մաքուր բամբակից կտորները հարմար չեն այնպիսի տարածքների համար, որոնք օրվա մեծ մասը լուսավորված են արեւով, քանի որ դրանք շատ արագ վառվում են եւ կորցնում նախնական գեղեցիկ տեսքը:

Եվ հիշեք. վարագույները ներքին հարդարման գործում կարեւորագույն դերակատարությունն ունեն, այդ պատճառով դրանց պետք է հատուկ ուշադրություն դարձնել:


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search