Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Երեւանյան սոլյարիները՝ սեփական փորձով

15:32, 20 հոկտեմբերի

Կանանց համար մաշկի ճերմակությունը մշտապես գեղեցկության եւ ազնվազարմության նշան է եղել: Սակայն հաշվի առնելով, որ նորաձեւությունը փոփոխվում է, եւ արեւայրուքը դարձել է ճոխության ու հարստության խորհրդանիշ, Երեւանում բացվել են, թեկուզ եւ սակավաթիվ, բայց մի քանի արեւահարության ստուդիաներ, որտեղ կարելի է D վիտամինի չափաքանակ եւ գրավիչ շոկոլադե մաշկ ստանալ: Մենք հաճախեցինք մի քանի «արեւային» սրահներ՝ պարզելու սպասարկման մակարդակը, գները եւ տեղական սոլյարիների վերաբերյալ ամբողջ ճշմարտությունը:

Իրականում Երեւանում սոլյարիներն այնքան էլ շատ չեն, հավանաբար մի երկրում, որտեղ կես տարի լավ եղանակ է լինում, արեւայրուքի արհեստական մեթոդների կարիք չկա: Մենք եղանք ամենահանրահայտ սրահներում, որոնց մասին մեզ հաջողվեց տեղեկանալ: Բոլոր ստուդիաները գտնվում են քաղաքի կենտրոնում, որը հարմար է աշխատող մարդկանց: Կարելի է արեւահարվել ընդմիջմանը կամ հասցնել այնտեղ լինել աշխատանքից հետո: Անմիջապես նշեմ, որ Երեւանում հորիզոնական սոլյարին առանձնապես տարածված չէ, ես այդպիսի սոլյարիի հանդիպեցի միայն մեկ սրահում: Ինչպես նշեց ստուդիաներից մեկի ադմինիստրատորը, հորիզոնական սարքում «հարթ» արեւայրուք է առաջանում, չեն արեւահարվում մարմնի կողերը, եւ հաճախորդներից շատերը բողոքում էին, որ իրենց տակ գտնվող պլաստիկը սկսում է ճրթճրթալ, ինչը նրանցից ոմանց վախեցնում էր:

Sun Lux

Առաջին սոլյարին, որտեղ այցելեցինք, գտնվում է փոքրիկ նկուղային տարածքում: Չնայած աննշան չափերին, այնտեղ տեղավորվել էր սոլյարիի 3 խցիկ, փոքրիկ բազկաթոռ, ադմինիստրատորի սեղանիկը եւ նույնիսկ մինիբար, որտեղ հաճախորդների համար ֆրեշ էին պատրաստում: Անկեղծ ասած՝ ինձ վանեց հաստատության տհաճությունը, հանդերձարանի, փոքրիկ գորգի բացակայությունը եւ կեղտոտ հյութաքամիչը, եւ հասկանալի չէր, թե այն որտեղ եւ ինչպես են լվանում: Ես հաստատապես այստեղ ոչ մի բան չէի խմի եւ ուտի, եւ ձեզ էլ խորհուրդ չէի տա:

Այս ստուդիայում արեւահարվելու 1 րոպեն սովորական սոլյարիի դեպքում 200 դրամ արժե, Տուրբոյի դեպքում՝ 250 դրամ: Վերջինն ավելի հզոր եւ անվտանգ է համարվում, որը թույլ է տալիս նվազեցնել վառվելու հավանականությունը: Մնացած ատրիբուտները տրամադրվում են առանձին վճարի դիմաց՝ մազերի համար գլխարկը արժե 200 դրամ, հողաթափի փոխարեն առաջարկեցին անձեռոցիկ, որի վրա կարելի է կանգնել եւ սթիքերներ կրծքերի ու խալերի համար՝ 250 դրամ:

Ակնոցն անվճար են տրամադրում: Հարցին՝ որքա՞ն հաճախ են սարքերի լամպերը փոխում եւ երբ են վերջին անգամ փոխել, գրանցող աղջիկը չկարողացավ պատասխանել եւ միայն հստակեցրեց, որ լամպերն այնքան արագ են այրվում, որ մշտապես փոխելու կարիք է առաջանում: Աշխատակցի անտեղյակությունն ավելի վանեց, քան կեղտոտ հատակի փաստը: Ի դեպ, իմ ներկայությամբ խցիկում հաճախորդներից հետո մաքրություն չիրականացվեց, ինչը ստերիլության պահպանման խախտում է:

Avanta

Երկրորդ սոլյարին գտնվում էր վիթխարի բժշկական կլինիկայում, ինչը այս կամ այն չափով տրամադրում էր աշխատակիցներին եւ նրանց պրոֆեսիոնալիզմին վստահելուն: Avanta-ում առկա է հորիզոնական սարք, նույնիսկ 2 սարք: Դրանք բոլորովին վերջերս են բերել: Այս սոլյարիի առավելությունն այն է, որ կարելի է դեմքի վրա եղած լամպը հանգցնել: Մեկ ուղղաձիգ եւ 2 հորիզոնական խցիկներն առանձին սենյակում են տեղադրված, որտեղ զուգարան կա, աթոռներ, կախիչ, սրբիչ եւ անձեռոցիկներ, փոքրիկ գորգ, աչքերի պաշտպանիչ ակնոց եւ օդորակիչ: Մինչեւ ինձ սոլյարի մտնել թողնելը, իմ ներկայությամբ այն մաքրեցին եւ նախապատրաստեցին: 

Ինձ անմիջապես զգուշացրին, որ չի կարելի դիմահարդարմամբ արեւահարվել, միջամտությունից առաջ չօգտվել օծանելիքից ու տարբեր կրեմներից եւ խորհուրդ տվեցին արհեստական «արեւային լոգանքների» դիմել  տարեկան 10 հաճախումից ոչ ավելի: Անձնակազմի ուշադրությունը եւ հոգատարությունը ինչ-որ չափով օգնում է մտածել հակացուցումների եւ միջամտության «օգտագործման» խորհուրդների մասին, առավել եւս՝ եթե այս գործում սկսնակ ես: Կլինիկայում արեւայրուքի մեկ րոպեի գինը նույնպես 200 դրամ է, գլխարկը եւ հողաթափերը՝ 150 դրամ, իսկ սթիքերները՝ 200 դրամ: Քանի որ կենտրոնը տառացիորեն օրերս է բացվել, աշխատակիցն ինձ հավաստիացրեց, որ սարքերը բացարձակապես նոր են, լամպերը՝ նույնպես:

ID

Հաջորդ սոլյարին գտնվում է սովորական գեղեցկության սրահում: Ճերմակ խցիկը աչքի է զարնում ոճաբանի սենյակում, որտեղ չկա նույնիսկ տեղ, որտեղ կկարողանայիր պայուսակդ կախել:

Վարագույրի դեր են կատարում աթոռակները, որոնց վրա էիր ստիպված դնել հագուստդ: Ինձ առաջարկեցին խցիկ մտնել իմ կոշիկներով. սա հաճախ է կիրառվում որոշ հաճախորդների ցանկությամբ: Իհարկե, խցիկը լվացել էին, բայց, իմ կարծիքով, կանոնները պետք է բոլորի համար միատեսակ լինեն: Այստեղ տուրբոսոլյարիի մեկ րոպեն 400 դրամ արժե: Սակայն արժեքի մեջ է մտնում մազերի համար նախատեսված սրբիչը, որը, աշխատակիցների խոսքով, ավելի լավ է պաշտպանում, քան գլխարկը, հողաթափերը, սթիքերները եւ ակնոցը: Սարքը սրահում է մնում մեկ տարի, իսկ լամպը փոխում են 2 ամիսը մեկ: Լամպը շահագործվում է գրեթե 400 րոպե: Ի դեպ, բոլոր փորձառուները պնդում են, որ այս սրահի սոլյարիից հետո արեւայրուքն ավելի երկար է պահպանվում:

Մեր այցելած բոլոր սոլյարիներում ծառայությունը միանման է, գներն էլ գրեթե չեն տարբերվում: Ոչ մի ստուդիայում մարմնի համար կաթ չառաջարկեցին  եւ չհետաքրքրվեցին իմ առողջական վիճակով, խալերի առկայությամբ եւ խորհուրդ չտվեցին՝ արեւահարվելուց հետո մաշկն ինչպես խնամել: Այս պատճառով մինչ կորոշեք փոխել ձեր մաշկի գույնը, ուսումնասիրեք բոլոր «կողմ»-երն ու «դեմ»-երը, քանի որ խոսքը ձեր առողջության մասին է:

Խորհուրդներ՝ սկսնակների համար

Եթե առաջին անգամ եք սոլյարի հաճախում, անպայման անձնակազմին զգուշացրեք, որ սկսնակ եք: Շատ րոպերներ մի վերցրեք, առաջին անգամի համար բավական է 3-5 րոպեն.

  • ճշտեք՝ երբ են լամպերը փոխել: Դրանք որքան նոր են, լույսն այնքան ինտենսիվ է, ուստի ավելի լավ է 1-2 րոպե քիչ վերցնել: Սա վերաբերում է նաեւ այն դեպքերին, երբ սոլյարին «տաքացված» է, այսինքն՝ ինչ-որ մեկն այնտեղ է եղել ձեզանից առաջ, այս դեպքում նույնպես արագ ես արեւահարվում,
  • արեւայրուքը երեւան է գալիս մեկ օր հետո, այս պատճառով չարժի ավելի հաճախ այցելել, քան 2 օրը մեկ,
  • անպայման օգտվեք պաշտպանական միջոցներից՝ ակնոց, գլխարկ եւ պարտադիր կուրծքը պաշտպանեք,
  • ցնցուղ կամ լոգանք ընդունելուց անմիջապես հետո սոլյարի մի՛ հաճախեք, սոլյարիում սեանսից հետո պարտադիր մարմինը խոնավացնող կաթ օգտագործեք:

Սոլյարի հաճախելը հակացուցված է հիպերտոնիայով, մաստոպատիայով, դիաբետով տառապելու, ինչպես նաեւ վահանաձեւ գեղձի աշխատանքի խանգարման դեպքում: Սոլյարի հաճախել խորհուրդ չի տրվում նրանց, որոնք մարմնի վրա մեծ թվով բնածին բծեր, պեպեններ, պիգմենտային բծեր ունեն:

Մասնագետները խորհուրդ չեն տալիս սոլյարի հաճախել հորմոնալ դեղամիջոցներ, հակաբիոտիկներ, հակադեպրեսանտներ, հակաասթմատիկ միջոցներ, անոթները լայնացնող դեղամիջոցներ եւ հոգեմետ դեղեր  ընդունելիս:

 

Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել