Այսօր՝ հոկտեմբերի 21-ին, աշխարհահռչակ հայուհի, Keeping Up with The Kardashians ռեալիթի շոուի աստղ Քիմ Քարդաշյանը նշում է ծննդյան 37-ամյակը:
Քարդաշյանն աշխարհին հայտնի դարձավ ոչ միայն իր էկզոտիկ արտաքինի, այլեւ իրեն հատուկ գրավչության շնորհիվ, որը հաճախ դրսեւորվում է նաեւ նրա արտահայտած մտքերում: Դրանցից ամենահետաքրքիրները ներկայացնում ենք ձեր ուշադրությանը.
«Ես հասկացա, որ ես եւ Քանյեն իրար համար ենք ստեղծված այն ժամանակ, երբ մնացի նրա տանը, եւ նա միացրեց տաքացուցիչը»:
«Ես երբեք չեմ հարբել: Իսկ եթե երբեւէ պարել եմ սեղանի վրա, դա արել եմ, որպեսզի իմ լուսանկարները հայտնվեն մամուլում: Ես պարզապես իմ աշխատանքն եմ կատարում»:
«Եթե մենք նիհարակազմ մոդելներ լինեինք, մեր շոուն այդքան մասսայական չէր դառնա: Սեւ մազերն ու կանացի կառուցվածքն անփոխարինելի միաձուլում են»:
«Երբեք չեմ վախեցել մեղուներից: Ընդհակառակը՝ միշտ փորձել եմ բռնել դրանց»:
«Երբ լսում եմ, թե անտաղանդ եմ, ուզում եմ ասել՝ լավ, բայց գոնե ինձ հարգանքով վերաբերվեք: Եթե ես անտաղանդ եմ, եթե իրոք ոչիչ չեմ անում, ինչպե՞ս եմ ստեղծել այսպիսի կարիերա»:
«Չեմ սիրում սուրճի բաժակների համար նախատեսված այդ ստվարաթղթերը: Միշտ սենյակից դուրս եմ գալիս, որպեսզի չլսեմ, թե ինչպես են դրանք հանում: Ինձ համար դա նույն ազդեցությունն ունի, ինչ-որ եղունգներով քերծես գրատախտակը»:
«Երբ փողոց ես դուրս գալիս, միշտ պետք է աննկարագրելի տեսք ունենաս»:
«Ես եւ Քանյեն միմյանց ոչինչ չենք նվիրում: Ես, առհասարակ, չեմ սիրում նվերներ տալու այդ ավանդույթը: Մենք միմյանց ոչինչ չենք նվիրել անգամ ամուսնության տարեդարձի առթիվ: Պարզապես երկու օրով գնացել ենք Սանտա-Բարբարա, լավ քնել ենք ու ռեստորանում ճաշել»:
«Հղի լինելն իմ կյանքի վատագույն փորձն էր: Ես դրանից ոչ մի հաճույք չեմ ստացել, ու չեմ հասկանում այն կանանց, որոնք պնդում են, թե դա հաճելի է: Դու քրտնում ես միայն այն մտքից, որ մարմինդ փոխվելու է, եւ դրա արդյունքում ոչինչ չես կարողանում հագնել: Ես ինձ իմ մարմնում չեմ զգում: Մարդիկ պարզապես նախընտրում են չխոսել հղիության շրջանի մանրամասներից: Բայց այդ ամենն արժե ապրել, երբ հետո ծնվում է փոքրիկդ»:
«Եթե հայտնի չլինեի, աղախին կդառնայի: Սիրում եմ մաքրություն անել»:
«Կցանկանայի ընկերություն անել Լեդի Գագայի, Քեթի Հոլմսի եւ Ռիհանայի հետ»:
«Ես սիրում եմ խաղալ, բայց գիտեմ իմ սահմանները: Ես հաստատ Մերիլ Սթրիփը չեմ»:
«Ինչո՞ւ ես առաջին անգամ անուսնացա: Ամեն ինչ շատ պարզ է. ես մտածում էի, որ արդեն 30 տարեկան եմ, արդեն պետք է դառնամ ինչ-որ մեկի կինը: Կարծում եմ՝ շատ կանայք են այդ մտորումների միջով անցնում, երբ ավելի հասուն են դառնում»:
«Կեղծ ժպիտից ավելի վատ ոչիչ չկա: Եթե պետք է ժպտամ տեսախցիկի առջեւ, պարզապես ինչ-որ ծիծաղելի բանի մասին եմ մտածում»:
«Թրա՞մփը: Ախր, ցանկացած մեկն ավելի լավ կկառավարեր մեր երկիրը: Աղջիկս ավելի լավ դա կաներ»:
«Այո, ես ունեմ ցելյուլիտ, հետո ի՞նչ: Ես երբեք էլ չեմ ասել, թե իդեալական եմ ու երբեք այդպիսին չեմ եղել: Երբ շատ եմ ուտում, նայում եմ այդ ցելյուլիտին ու մտածում՝ այս պաղպաղակը հաստատ արժեր դրան»:
«Սեքսուալ զգալու համար ինձ պարտադիր անհրաժեշտ են մի զույգ բարձրակրունկներ ու փոքրիկ պայուսակ: Իմ հասակի պատճառով է այդպես: Կարծում եմ՝ ես շատ փոքրիկ եմ, իսկ բարձրակրունկներն ինձ բարձրահասակ են դարձնում: Իսկ պայուսակը…դե, այն, ասես, ինձ պաշտպանում է»:
Աղբյուրը՝ Elle.ru
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը