• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• «Դժոխք Երկրի վրա». դրախտային հունական լողափը վերածվել է մղձավանջի զբոսաշրջիկների բազմության պատճառով

  Հունաստանի գեղատեսիլ լողափը անվանվել է «դժոխք երկրի վրա», քանի որ այն լցվել է անթիվ զբոսաշրջիկների բազմությամբ...

• Փախուստ քաղաքակրթությունից. ինչու են մոլորակի ամենահարուստ մարդիկ հանգստավայրերի փոխարեն ընտրում անտառային խորքերն ու վայրի բնությունը

  Շվեդիայի ամենահյուսիսային դահուկային հանգստավայրը՝ ընդամենը 60 բնակիչ ունեցող Ռիկսգրենսենը, ձմռանն իսկական մագնիս է դառնում ադրենալինի սիրահարների համար։ Բևեռային շրջանից ընդամենը 200 կիլոմետր հեռավորության վրա գտնվող այս փոքրիկ ավանը վերածվել է ֆինանսիստների, տեխնոլոգիական հսկաների ու թոփ-մենեջերների թաքստոց-դրախտի։ Այստեղ սովորական ճոպանուղիներին փոխարինում են ուղղաթիռները, իսկ աղմկոտ զբոսաշրջիկների բազմությանը՝ անմարդաբնակ, վայրի լանջերը, գրում է Robb Report-ը...

Անհնար է Փարիզը պատկերացնել առանց Մոնմարտրի բարձունքի: Նախ՝ որովհետեւ այստեղ՝ բլրի գագաթին, ինչպես Փարիզի վրա բարձրացված թագ, տեղակայված է ճարտարապետության բացառիկ հուշարձան՝ Սակրե Կյոր եկեղեցին (թարգմանաբար՝ Սուրբ սիրտ): Երկրորդ՝ Մոնմարտրն ամբողջ աշխարհում հայտնի նկարիչների թաղամաս է: Եվ երրորդ՝ դա Փարիզի ամենաբարձր վայրն է, որտեղից բացվում է ամբողջ քաղաքի համայնապատկերը:

Դեպի Մոնմարտրի բարձունք տանող աստիճաններին մետրոյի ամենամոտ կայարանները մի քանի րոպե քայլելու հեռավորությամբ են. Chateau Rouge (Շատո Ռուժ)՝ «4» գծում, Anvers (Անվերս) կամ Pigalle (Պիգալ) «2» գծում: Դա քաղաքի հյուսիսային կողմում է: Ի դեպ, Պիգալ կայարանից ոչ հեռու տեղակայված են նաեւ հայտնի Մուլեն Ռուժ կաբարեն, ինչպես նաեւ Պիգալ հրապարակը՝ փարիզյան մարմնավաճառների եւ կավատների հայտնի զվարճավայրը: Երեկոյան ժամերին այս թաղամասը վտանգավոր է համարվում:

Դեպի Սակրե Կյոր կարելի է բարձրանալ գլխավոր աստիճաններով: Այն մեզ լավ ծանոթ է ֆրանսիական «Ամելի» ֆիլմից: Հենց այնտեղ՝ տաճարի առջեւ գտնվող հրապարակում գրեթե պետք է կայանար Ամելիի եւ նրա սիրեցյալի առաջին ժամադրությունը. կենտրոնական աստիճաններով նրա հերոսը բարձրանում է աղջկա հետ հանդիպման հույսով: Մոնմարտրի աստիճանը փարիզյան երիտասարդության պաշտելի վայրն է: Տարվա ցանկացած եղանակին այստեղ երիտասարդների բազմություն է հավաքվում, անցկացվում են համերգներ եւ ռոք երաժիշտների հանպատրաստից ելույթներ:

Մոնմարտրի ոչ մեծ, համեստ տնակներում ապրել եւ ստեղծագործել են ֆրանսիական հայտնի նկարիչներ: Այստեղ յուրաքանչյուր տուն իր պատմությունն ունի: Շենքերի առաջին հարկերում տեղակայված բազմաթիվ խանութներում կարելի է գտնել բուկինիստական կրպակներ, գեղանկարչության վարպետների կտավների որակյալ վերարտադրություններ, որոնք ապրել եւ ստեղծագործել են այստեղ՝ Մոնմարտրում, բացիկներ, պաստառներ եւ գրքեր: Փարիզից որպես հիշատակ իրենց դիմանկարը տանել ցանկացող զբոսաշրջիկները գալիս են այստեղ՝ Մոնմարտր: Այստեղ է գտնվում նաեւ Սալվադոր Դալիի թանգարանը:

Լուվրը Փարիզի հայտնի վայրերից մեկն է, հսկայական՝ մեծությամբ եւ ցուցանմուշների քանակով, համաշխարհային մշակույթի գլուխգործոցների բացառիկ պահոց, որին հավասարը աշխարհում չկա: Հին Հունաստանի եւ Հռոմի, Հին Եգիպտոսի գանձերը, Եվրոպայի գեղանկարներն ու քանդակները՝ սկսած միջնադարից, կենցաղի առարկաների եւ թանկարժեք զարդերի հավաքածուներ. այս ամենը հավաքված են հսկայական պալատում, որը նախկինում ֆրանսիական թագավորների գլխավոր նստավայրն էր: Այստեղ են գտնվում ամենահայտնի գլուխգործոցները՝ Նիկա Սամոֆրակիյսկայայի, Վեներա Միլոսսկայայի քանդակները, այստեղ է «բնակվում» լեգենդար Մոնա Լիզան:

Պատրաստվելով այցելել Լուվր, NEWS.am STYLE-ը խորհուրդ կտար նախապես ձեզ համար որոշել այցելության գլխավոր նպատակը: Եթե ցանկանում եք Լուվրում էքսկուրսիայի համար քիչ ժամանակ ծախսել՝ կարճ ծանոթանալով հիմնական տեսարժան վայրերին, եթե, դրա հետ մեկտեղ, գեղանկարչության մեծ սիրահար չեք, ապա ավելի լավ է ուղեկցորդի հետ էքսկուրսիայի տոմս գնեք: Այդ ժամանակ այցելությունն ընդամենը 3 ժամ կտեւի, փորձառու ուղեկցորդը ձեզ ցույց կտա թանգարանի հայտնի ցուցանմուշները եւ կներկայացնի ամենագլխավոր տեղեկությունները:

Բայց եթե սիրում եք թափառել թանգարաններում եւ վայելել նկարների ու քանդակների գեղեցկությունը, սիրում եք արվեստը, այդ դեպքում ձեզ անհրաժեշտ է Լուվր այցելել ինքնուրույն, դրա համար մի ամբողջ օր տրամադրել, եւ հսկայական քանակությամբ դրական լիցքեր կստանաք:

Եվ այսպես՝ գնում ենք Լուվր: Ձեզ անհրաժեշտ է հասնել մինչեւ մետրոյի Palais Royal Musee du Louvre կայարան՝ «1» եւ «7» գծերի հատման կետում, կամ Louvre Rivoli՝ «1» գծում: Իսկ մետրոյի կայարանից զբոսնելով հասնում եք մինչեւ Լուվրի մուտքը: Ամբողջությամբ թանգարանն իրենից ներկայացնում է միմյանց միացված շինությունների հսկայական համալիր, որը նախագծում կենտրոնական «քառակուսու» եւ դրան կցված աջ եւ ձախ թեւերի ներդաշնակ կոմպոզիցիայի տեսք ունի: Իսկ ներսում ամեն ինչ հարմարեցված է յուրաքանչյուր հատվածում թեմատիկ բաժանմամբ:

Ներս մտնելուց առաջ անցեք Լուվրի շենքի ճակատային մասով, հիացեք գեղեցիկ պատերով եւ պատուհաններով, դիտեք մեծաքանակ քանդակներն եւ ճակատամասի խորաքանդակները: Հավատացեք, Լուվրի շենքն արժե, որ ժամանակ տրամադրեք: Կարող եք այստեղ բազմաթիվ գեղեցիկ լուսանկարներ անել:

Ի դեպ, վերջում եւս մեկ խորհուրդ. Փարիզի կենտրոնական փողոցներում ամենուր թերթի կրպակներ կան: Դրանցում կարող եք Փարիզի ուղեցույց գտնել: Այն կօգնի ձեզ որոշել, թե ուրիշ ինչ տեսարժան վայրեր կան Փարիզում եւ ինչպես հասնել այդտեղ: Այստեղ կկարդաք նաեւ շինությունների եւ տեսարժան վայրերի հիմնական պատմական վկայությունները, կիմանաք Փարիզի թանգարանների, համեգային ու ցուցասրահների աշխատանքային ժամերը, տոմսերի արժեքը, այն մասին, թե որտեղ կարելի է էքսկուրսիաների, այլ քաղաքներ եւ Ֆրանսիայի տեսարժան վայրեր ուղեւորությունների տոմսեր գնել:

Հետևեք NEWS.am STYLE-ին Facebook-ում, Twitter-ում և Instagram-ում