• X օգտատերերն ամբողջ աշխարհում հիացած են «Եվրատեսիլ 2024»-ում «Լադանիվայի» դինամիկ և աշխույժ ելույթով

  Գանձ, ապշեցուցիչ է, անհավանական է. այսպես են արձագանքել X-ի օգտատերերը «Եվրատեսիլ 2024»-ում Հայաստանը ներկայացնող «Լադանիվա» խմբի դինամիկ և աշխույժ ելույթին...

• Ինչու՞ է Նիդերլանդների ներկայացուցիչը որակազրկվել «Եվրատեսիլ 2024»-ից

  «Եվրատեսիլ 2024» երգի մրցույթում Նիդերլանդների ներկայացուցիչ Յոսթ Քլայնը որակազրկվել է կին օպերատորի նկատմամբ «սպառնալից շարժումներ» անելու համար․․․

• Do good. Բրյունետը ելույթ ունեցավ Եվրատեսիլ 2023 երգի մրցույթի կիսաեզրափակչում

  Երգչուհին դուրս եկավ բեմ եւ կատարեց իր «Future lover» երգը․․.

• «Ոճերի մենամարտ». Brunett vs Իրու Խեչանովայի

  Առաջին հայացքից «Եվրատեսիլ 2023»-ի երկու մասնակիցների ոճերն առանձնապես չեն տարբերվում․․․

• «Եվրատեսիլ 2023»-ին Հայաստանը կներկայացնի Brunette-ը

  Ես այնքան հպարտ եմ, որ մենք եւս մեկ անգամ կարող ենք աշխարհին ցուցադրել անհավատալի երիտասարդ տաղանդներ...

• Մեծ Բրիտանիայի յոթ քաղաքներ «կմրցեն» «Եվրատեսիլ»-ն ընդունելու իրավունքի համար

  2023 թվականին մրցույթը կանցկացվի Բրիտանիայում՝ անվտանգության նկատառումներից ելնելով․․․

• Պրիգոժինը «Եվրատեսիլի» անցկացման վայրի տեղափոխումն անվանել է «ծաղր ուկրաինացիների նկատմամբ»

  Եվրատեսիլն անվանել է անցյալի մասունք...

• Ռումինիան մտադիր է դատական հայց ներկայացնել «Եվրատեսիլի» կազմակերպիչների դեմ

  Երկիրը մրցույթի կազմակերպիչներին մեղադրել է հանուն Ուկրաինայի հաղթանակի գնահատականները նենգափոխելու համար․․․

Երեկ՝ նոյեմբերի 26-ին, Թբիլիսիում կայացել է «Մանկական Եվրատեսիլ 2017» երգի մրցույթը, որում Հայաստանը ներկայացնող Միշան զբաղեցրել է 6-րդ հորիզոնականը։

Առաջին հորիզոնականը մրցույթում զբաղեցրել է Ռուսաստանը: Երկրորդ հորիզոնականում հայտնվել է Վրաստանը, իսկ երրորդում՝ Ավստրալիան:

Ուշագրավ է, որ այս տարի առաջին անգամ հանդիսատեսը հնարավորություն ուներ առցանց քվեարկելու «Մանկական Եվրատեսիլի» կայքում։ Օգտատերերը կարող էին նույնիսկ սեփական երկրի ներկայացուցչի օգտին քվեարկել։

Սակայն մրցույթն սկսվելուն պես՝ առցանց քվեարկության հետ խնդիրներ առաջացան։ NEWS.am STYLE-ի թղթակիցը նույնպես փորձել է համակարգչից քվեարկել Միշայի օգտին, սակայն մասնակիցների անվան վրա սեղմելիս ցուցադրվել է նրանց երգի հոլովակը, իսկ քվեարկելու կոճակն այդպես էլ չի երեւացել կայքում։

Քվեարկության հետ կապված խնդրի մասին Հանրային հեռուստատեսության ուղիղ եթերում հայտարարել է նաեւ մրցույթում մեր պատվիրակության ղեկավար Գոհար Գասպարյանը։ Սակայն քվեարկության հետ կապված խնդիրները չեն խանգարել Եվրոպական հեռարձակողների միությանը կատարել ձայների հաշվարկ։  Հաղթողը որոշվել է ժյուրիի եւ առցանց քվեարկության արդյունքների համադրմամբ՝ 50/50: Եվ ուշագրավ է, որ ժյուրիի քվեարկության արդյունքներով՝ Միշան 3-րդ հորիզոնականում է եղել։ Այս կապակցությամբ Գոհար Գասպարյանն իր Instagram-ում գրել է.

«Միշա, դու հիասքանչ էիր։ Մենք սիրում ենք քեզ։ Դու արժանացար 3-րդ հորիզոնականին՝ ժյուրիի կողմից։ Առցանց քվեարկությունը թերի էր եւ լուրջ հետաքննության կարիք ունի»։

Հիշեցնենք, որ բացի Հայաստանից, մրցույթին մասնակցում էին եւս 15 երկրների ներկայացուցիչներ՝ Ալբանիա, Ավստրալիա, Բելառուս, Կիպրոս, Իռլանդիա, Իտալիա, Մակեդոնիա, Մալթա, Նիդերլանդներ, Ուկրաինա, Ռուսաստան, Լեհաստան, Սերբիա, Պորտուգալիա եւ մրցույթը հյուրընկալող երկիրը՝ Վրաստան:

Հետևեք NEWS.am STYLE-ին Facebook-ում, Twitter-ում և Instagram-ում