Արդեն որերորդ օրն է՝ համաշխարհային մամուլը չի դադարում գրել 33-ամյա արքայազն Հարիի ու 36-ամյա ամերիկացի դերասանուհի Մեգան Մարքլի նշանադրության մասին։ Ու արդեն որերորդ օրն է՝ շատերին հետաքրքրում է, թե ով է այդ Մեգան Մարքլը, որ կարողացել է նվաճել բրիտանացի արքայազնի սիրտը։
Ու, ահա, բրիտանական Daily Mail պարբերականը կարողացել է փորփրել ու գտնել Մեգան Մարքլի տոհմածառը։
Ծագումնաբանները վստահեցնում են, որ արքայազն Հարիի հարսնացուն երկու հայտնի անգլիացիների հեռավոր ազգականուհին է։ Հետազոտողները հանգել են այն եզրակացության, որ Մեգանն ազգակցական կապեր ունի Ուինսթոն Չերչիլի ու Ուիլյամ Շեքսպիրի հետ։
Ամերիկուհու հայրը՝ պրոդյուսեր Թոմաս Մարքլը, կապիտան Քրիստոֆեր Հասսիի սերունդներից է, որը Մեծ Բրիտանիայից տեղափոխվել է Մասաչուսեթս 1632-ին։ Քրիստոֆեր Հասսին Ռալֆ Բոուզի՝ Դարեմի կոմսության շերիֆի ու Սթրիթլեմ ամրոցի սեփականատիրոջ ծոռներից է։ Իսկ Ռալֆ Բոուզի թոռան ծոռնուհին՝ Ջորջա Մերին, 1767-ին ամուսնացել է Ջոն Լայոնի՝ Սթրաթմորի ու Քինգհորնի կոմսի հետ։ Այսպես միավորվել են Բոուզ ու Լայոն տոհմերը։ Այսպիսով՝ Մեգանի տոհմածառի 15-րդ ճյուղում հայտնաբերվել է կապ Նորին Մեծության հետ։
Իսկ մոր կողմից Մեգանի նախնիները եղել են ստրուկներ բամբակի դաշտերում՝ մինչեւ ԱՄՆ-ում տեղի ունեցած քաղաքացիական պատերազմը ազատագրել է նրանց ստրկությունից, չնայած իրական ազատագրումն, իհարկե, տեղի է ունեցել դրանից մի քանի տասնամյակ հետո։
Մեգանի նախատատը՝ Կլաուդիա Ռիչին, ամուսնացել է Ջերեմի Ռագլանդի հետ, որը եղել է սպիտակամորթ ամերիկուհու ու սեւամորթ՝ արդեն ազատագրված ստրուկի որդի։ Այդ զույգը հող էր վարձակալում ու զբաղվում բամբակ աճեցնելով։ Կլաուդիան աշխատում էր Miller Bros խանութում։
Սակայն սոցիալական ոլորտում բեկում են մտցրել Ջերեմիի ու Կլաուդիայի երկու դուստրերը՝ Դորան ու Լինին։ Աղջիկները սկսել են հաճախել քոլեջ։ 1930-ին Դորան արդեն ուսուցչուհի էր, իսկ Լիլին սովորում էր Քալիֆորնիայի համալսարանում։ Հետո նա դարձել է անշարժ գույքի գործակալության ղեկավար։
Նրանց եղբայրը՝ Սթիվը, ամուսնացել է Լուիս Ռասսելի հետ, որը հյուրանոցի ընդունարանի աշխատողի դուստր էր, նրանց ամուսնությունից էլ հենց ծնվել է Մեգանի պապը՝ Ալվինը։ Ալվինը երկու անգամ է ամուսնացած եղել։ Առաջին կնոջ անունը հայտնի չէ, բայց նրանից ծնվել է Դորյան, որը 23 տարեկանում ամուսնացել է հեռուստաօպերատոր Թոմաս Մարքլի հետ։ Իսկ 1981-ի օգոստոսի 7-ին ծնվել է Ռեյչել Մեգան Մարքլը։
Հետևեք NEWS.am STYLE-ին Facebook-ում, Twitter-ում և Instagram-ում
15:16, 29 ապրիլի
Ժերար Դեպարդյեն կալանքի տակ է հայտնվել սեռական ոտնձգությունների մեղադրանքով14:26, 29 ապրիլի
Անգլիացու անպարկեշտ դաջվածքը զայրացրել է իսպանացի ոստիկաններին13:28, 29 ապրիլի
Լեգենդար դերասանուհի Շիրլի Մաքլեյնն իր 90-ամյակի առթիվ կիսվել է իր երկարակեցության գաղտնիքով12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ11:59, 29 ապրիլի
Քլոե Քարդաշյանի անձնական կյանքը հետին պլան է մղվել11:06, 29 ապրիլի
Բրիթնի Սփիրս. «Ընտանիքս ինձ ցավ է պատճառել»10:40, 29 ապրիլի
Քիմ Քարդաշյանը Lo Máximo Awards 2024 մրցանակաբաշխությանը ներկայացել է «mob wife aesthetic» ոճում10:11, 29 ապրիլի
«Եվրատեսիլ 2024»-ում Հայաստանի ներկայացուցիչներն արդեն Մալմյոյում են09:00, 29 ապրիլի
ԱՊՐԻԼԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ