• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ

  Միլանի դիզայնի շաբաթվա ընթացքում Bugatti Home-ը ներկայացրել է կահույքի նոր հավաքածու․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

Նրբագեղ, կանացի եւ ինքնավստահ. ահա աղջկա կերպարը, ում համար զգեստներ է ստեղծում հաջողակ դիզայներ Ֆաինա Հարությունյանը: NEWS.am STYLE-ը որոշեց դիզայների հետ ավելի մոտ ծանոթանալ նրա արվեստանոցում:

Ֆաինա, ի՞նչ է առաջարկում Ձեր անունը կրող ապրանքանիշը եւ ինչպե՞ս այն կբնութագրեիք:

Ֆաինայից զգեստները որակյալ են, հարմար եւ մատչելի: Սա ինքնավստահ կնոջ հագուստ է, ով գնահատում է որակն ու ճաշակը, միաժամանակ՝ առանց բարձր գների, եւ հաճախորդը գիտե, թե ինչի համար է վճարում: Չնայած հագուստը դիզայներական է եւ յուրաքանչյուր զգեստը՝ բացառիկ (կարվում եւ վաճառվում է միայն երկու օրինակով), Ֆաինայից զգեստ գնել կարող են շատերը:

Դուք շատ հավատարիմ հաճախորդներ ունեք, որոնց մեծ մասը հայկական էստրադայի աստղերն են: Ի՞նչ եք կարծում, ինչո՞ւ են նրանք Ֆաինայից հագուստ ընտրում:

Կրկնվեմ, մեր հագուստը բացառիկ է եւ բարձրորակ: Շատերին դուր է գալիս, որ իմ հագուստները կանացի են եւ նրբագեղ: Հաճախորդներ եմ ունենում, ովքեր խնդրում են իրենց համար զգեստ կարել, որը գտել են համացանցում: Եթե անկեղծ լինենք, արդյունքում մարդիկ գալիս են քո փիլիսոփայության համար, այն կերպարի համար, որ մենք ստեղծում ենք, այն հագուստի համար, որն իր տեսակի մեջ դարձել է «Ֆաինա» ապրանքանիշի ինքնագիրը:

Իսկ ինչպե՞ս եք յուրաքանչյուր հաճախորդի հետ ընդհանուր լեզու գտնում:

Միշտ ուշադիր լսում եմ պատվիրատուին եւ փորձում հաշվի առնել մարդկանց կարծիքն եւ ճաշակը: Հաջողության գրավականն ազնվությունն է: Ձգտում եմ հաճախորդի հետ ազնիվ լինել բոլոր առումներով:

Ի՞նչն է Ձեզ ոգեշնչում նոր զգեստ ստեղծելիս:

Հաճախ ոգեշնչվում եմ ռետրո-ֆիլմերից, անցյալ դարի 50-60-ական թվականների դասական կերպարներից: Ոգեշնչման աղբյուր կարող է հանդիսանալ նաեւ ինչ-որ ժամանակակից բան: Սիրում եմ ժամանակ անցկացնել՝ հետեւելով քաղաքին եւ մարդկանց: Երբեմն գեղեցիկ աղջկա հագին վառ դեղին վերարկուն նույնպես կարող է ինձ դրդել նույն երանգներով նոր զգեստ ստեղծել:

Չի կարելի չհիշել «Բացառիկ, ինչպես թռչունը» ցուցադրությունը, որը կայացավ անցյալ տարի աշնանը եւ բազմաթիվ դրական արձագանքների արժանացավ: Ինչպե՞ս ծնվեց այդ հավաքածուն ստեղծելու գաղափարը:

Դա Absolute ընկերության կողմից կազմակերպված ցուցահանդես էր, որից ես բացառիկ զգեստներ ստեղծելու պատվեր էի ստացել: Ոգեշնչման աղբյուր էին հանդիսացել թռչունների 7 տեսակ. մանդարինկան, կոլիբրին, երջանկության թռչունը, սիրամարգը, քվեզալը, թութակը եւ հենց թռչունը՝ որպես ազատության խորհրդանիշ: Որոշակի թռչունի անվամբ յուրաքանչյուր հավաքածուում ներառված էր մեկից վեց մոդել: Հավաքածուներն իրենց տեսակի մեջ եզակի էին եւ ցուցադրում էին յուրաքանչյուր առանձին թռչնի պատմությունը: Արդյունքում ստացվեց 30 կերպար, որոնց ստեղծման համար օգտագործվել էին տարբեր կտորներ. կոպիտ գործվածքներից եւ թավշից մինչեւ թեթեւ ժանյակը, քարերն ու փետուրները:

Ինչո՞ւ որոշեցիք հավաքածուն կոչել «Բացառիկ, ինչպես թռչունը»:

Ես սիրում եմ թռչուններին, եւ նրանց գեղեցկությունն ինձ համար մեծ ոգեշնչում է ծառայում: Մեր ապրանքանիշի լոգոտիպը նույնպես թռչուն է: «Բացառիկ, ինչպես թռչունը» հայացքս ուղղեց դեպի վառ գույները: Եթե մի քանի տարի առաջ ես նախապատվությունը տալիս էի մուգ երանգներին, ապա հիմա իմ հավաքածուներում գերակշռում են վառ գույները, ինչի համար ուրախ եմ:

Ի՞նչն է նորաձեւ համարվում գարուն-ամառ 2013-ին:

Այս սեզոնին արդիական են մեղմ գույները, երկրաչափական պատկերները եւ հնարավոր բոլոր զարդանախշերը: Ես շատ եմ սիրում շրջազգեստ հագնել նույնիսկ աշխատանքի ժամանակ: Ամեն օր ավելի ու ավելի տաք է դառնում, այդ պատճառով բոլոր կանանց կոչ եմ անում հագնել թեթեւ, վառ զգեստներ, որոնք ուրախություն եւ գեղեցկություն կմտցնեն մեր առօրյայում:

Ի՞նչ խորհուրդ կտայիք մեր կանանց, ովքեր ցանկանում են միշտ գեղեցիկ տեսք ունենալ եւ հետ չմնալ նորաձեւությունից:

Ավելի շատ ժպտալ եւ առավել ինքնավստահ լինել: Նույնիսկ հին ջինսերը կամ մուգ բարձր օձիքով սվիտերն արդյունավետ կդիտվեն, եթե կինն ինքնավստահ է եւ ժպտում է կյանքին: Ֆինանսական դրությունը ոչ մի կապ չունի լավ ճաշակի հետ: Յուրաքանչյուր աղջիկ կարող է ընտրել դերձակուհու եւ իր համար կարել զգեստ, որի մասին երազում է: Գլխավորը՝ գտնել սեփական ոճը, հմտորեն թաքցնել թերությունները եւ հպարտորեն կրել այն, ինչ սիրում ես:

Հ.Գ. Ապրիլի 26-ի երեկոյան կկայանա Ֆաինա Հարությունյանի նոր հավաքածուի ցուցադրությունը:

Տեքստը՝ Գրիգոր Ավետիսյանի

Լուսանկարները վերցված են Ֆաինա Հարությունյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում