Եթե դուք այսօր ցանկացած պահի միացնեք ֆրանսիական ցանկացած ռադիոկայան, մտնեք ֆրանսիական ցանկացած կայք, առաջինը, ինչ կլսեք եւ կտեսնեք ոչ թե քաղաքականություն կամ սպորտ կլինի, այլ Ջոնի Հոլիդեյի՝ ֆրանսիական ռոքի վերջին կուլտային աստղի անունը։
«Ֆրանսիան արթնացել է սգի մեջ, մենք դեռ չենք գիտակցել, թե ինչ է տեղի ունեցել, մենք կորցրել ենք մեր երկրի վերջին առասպելական ռոք երաժիշտին»,- տեղեկացրել է առավոտյան France Info ռադիոյի հաղորդավարուհին։
Ջոնին հայտնի է ամբողջ Ֆրանսիայում, նրան չի հաջողվել նվաճել մյուս երկրները, բայց Ֆրանսիայում նրա մեծությունը անհնար է բառերով նկարագրել։
Կուլտային երգիչը մահացել է 74 տարեկանում։ Արտիստը ամիսներ շարունակ պայքարել է թոքերի քաղցկեղի դեմ։
Ջոնի Հոլիդեյը (իսկական անունը ՝ Ժան Ֆիլիպ Լեո Սմեթ) ծնվել է 1943 թ․ հունիսի 15-ին Փարիզում, բելգիացու ու ֆրանսուհու ընտանիքում, ստացել է Բելգիայի քաղաքացիություն, իսկ 1961-ին Ֆրանսիայի քաղաքացի է դարձել։ Նրա ծնվելուց քիչ անց ծնողները բաժանվել են, իսկ Ջոնիին դաստիարակել է նրա հորաքույրը։
Իր կարիերայի ընթացքում նա ավելի քան 400 շրջագայություն է իրականացրել, որոնք ավելի քան 15 մլն հանդիսատես են հավաքել։ Այսօրվա դրությամբ վաճառվել է նրա 115 մլն ձայնասկավառակ, Հոլիդեյի 18 ալբոմները պլատինե են ճանաչվել։
Երաժշտական կարիերան նա սկսել է 1960-ականներին։ Նա ամերիկյան ռոք ստեղծագործությունները ադապտացրել է ֆրանսիացի ունկնդիրների համար։
Ի դեպ, Ջոնին 1965-ին ամուսնացել է Սիլվի Վարդանի հետ, որի հետ ապրել է մինչև 1980 թ․։ 1966 թ․ ծնվել է զույգի որդին՝ Դեւիդը։
1997-ին այն ժամանակվա նախագահ Ժակ Շիրակը երգչին շնորհել է Պատվո լեգիոնի օրդեն։
Հոլիդեյը, որին անվանում էին ֆրանսիացի Էլվիս Փրեսլի, ֆրանսիական ռոք-ն-ռոլլի առաջին կատարողն է եղել։
Ջոնին նաեւ մի շարք զուգերգեր է ձայնագրել Շառլ Ազնավուրի հետ։
«Մի քիչ Ջոնի կա մեզնից յուրաքանչյուրում»,- ասել է Ֆրանսիայի նախագահ Էմանուել Մակրոնը։
Հետևեք NEWS.am STYLE-ին Facebook-ում, Twitter-ում և Instagram-ում
23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է