• Թրամփի՝ 5 միլիոն դոլար արժողությամբ «ոսկե» ձիերը թեժ վիճաբանություն են առաջացրել

  Վաշինգտոնում պաշտոնապես բացվեցին ԱՄՆ Ազգային պարկերի ծառայության կողմից վերականգնված «Պատերազմի արվեստ» և «Խաղաղության արվեստ» հուշարձանների վերականգնված բրոնզե քանդակները…

• Louis Vuitton աթոռ բնակարանի գնով. Կենդանացող քամելեոն՝ 167,000 դոլարով  

  Կարծում եք՝ արմատական կերպարային փոփոխությունները միայն մարդկանց համար են: Նայեք թարմացված Cocoon Dichroic աթոռին, որը ներկայացվել է Միլանի դիզայնի շաբաթ 2026-ում: Louis Vuitton-ի Objets Nomades ինտերիերի հավաքածուի հայտնի ստեղծագործության այս եթերային նոր մեկնաբանությունը վայրի, էքսցենտրիկ, հիշարժան և աներևակայելի շքեղ է...

• Բարձր նորաձևություն՝ 15 հազար մետր բարձրության վրա. Elie Saab-ն ու Bombardier-ը ներկայացրել են «հոթ կուտյուր» ոճով բիզնես-ջեթի սրահ

  Երկու պաշտամունքային ընկերություններ ներկայացրել են Global 8000 առաջատար մասնավոր ինքնաթիռի ուղևորասրահի էքսկլյուզիվ դիզայնը, գրում է WWD-ն...

• Շահան Մինասյանը վերաիմաստավորում է կոմսուհի Գոցիի լեգենդար վենետիկյան նստավայրը  

  Հայ-լիբանանյան ինտերիերի դիզայներ Շահան Մինասյանը ներկայացրել է Վենետիկի Պալացինա Ֆորտունի տարածքի իր երրորդ ինքնատիպ մեկնաբանությունը։ 1950-ականների պատմական շենքը, որը գտնվում է այժմ չգործող Ֆորտունի տեքստիլ գործարանի կողքին, համարվում է քաղաքի ամենաառեղծվածային ճարտարապետական տեսարժան վայրերից մեկը...

• Զատկի միտումներ 2026-ին. Ինչպես զարդարել տունը և սեղանը գարնանային ոճով

  Գարունը եկել է, և դրա հետ մեկտեղ ժամանակն է պատրաստվել Զատկին․․․

• «Քիմ Քարդաշյան» ոճի ինտերիերը հնացել է. մինիմալիզմը համարվում է ձանձրալի  

  Երբ Քարդաշյանը ամուսնացած էր Քանյե Ուեսթի հետ, նրանք միասին ստեղծեցին Լոս Անջելեսում մի առանձնատուն, որը Architectural Digest-ը անվանել է «մոլորակի ամենատարօրինակ, ամենաանսովոր և իսկապես ֆանտաստիկ տներից մեկը»...

• Hermès-ը բիլիարդը վերածում է շքեղ իրի՝ 265,400 դոլարով  

  Եթե կարծում էիք, որ բիլիարդը պարզապես խաղ է, Hermès-ը պատրաստ է կոտրել ձեր պատկերացումները: Ֆրանսիական նորաձևության տունը ներկայացրել է 8 ոտնաչափ երկարությամբ Off Piste ամերիկյան բիլիարդի սեղանը՝ ուղղահայաց անգլիական տարբերակով, որի գինը 265,400 դոլար է...

• Կոլիզեումից մինչև ժամանակակից առանձնատներ. տրավերտինի դիզայնի վերածնունդը

  Տրավերտինը՝ Կոլիզեյի և Սուրբ Պետրոսի տաճարի կառուցման համար օգտագործված քարը, վերադառնում է՝ ներծծված շքեղության և անժամանակ նրբագեղության մի աուրայով...

Խոհանոցը տան մեջ համարվում է այն վայրը, որտեղ մարդիկ (հատկապես՝ կանայք) օրվա զգալի մասն են անցկացնում: Այդ պատճառով տան այդ հատվածի դիզայնը կարեւոր դեր է կատարում, ինչը, իր հերթին, ազդում է այնտեղ գտնվողի տրամադրության վրա: NEWS.am STYLE-ը որոշեց խորհրդի համար դիմել երիտասարդ եւ հեռանկարային դիզայներ Ազատ Լոքմագյոզյանին:

«Խոհանոցային կահույք ընտրելիս պետք է հաշվի առնել դրա հարմարավետությունը եւ տեղադրումը. ժամանակակից դիզայնը պետք է լինի ֆունկցիոնալ եւ որակյալ:

Մեր օրերում ֆունկցիոնալությունը ոճ է հաղորդում: Խոհանոցային կահույքը հարկավոր է մանրակրկիտ ընտրել, քանի որ փորձը ցույց է տալիս, որ այն փոխում են 10-15 տարին մեկ անգամ: Խոհանոցային կահույքի ոճերի մեջ առաջատարը high-tech-ն է. գերնորաձեւ ոճ, որ ստեղծվում է ապակու, պլաստիկի եւ ալյումինի համադրությամբ: Այն համարվում է դասականի ճիշտ հակառակը:

High-tech-ի առանձնահատկություններից են ճիշտ ձեւերը՝ առանց ավելորդ նախշերի, ճակատային փայլուն վերնամասերի: Խորհուրդ է տրվում կահույքի արտաքին մասնիկների նվազագույն օգտագործումը՝ բռնակների բացակայություն, որակյալ լուսավորիչներ, բարձրացման եւ տեղաշարժման գերժամանակակից եւ ֆունկցիոնալ համակարգեր:

Այս ոճը ողջունում է վառ գույների համադրությունը. կարմիր, մանուշակագույն, նարնջագույն, ուլտրամարին (վառ կապույտ), ինդիգո, մուգ կարմիր գույները՝ սեւի, նաեւ՝ սպիտակի հետ:

Դասական ոճի խոհանոցն ամենից առաջ գծերի եւ ձեւերի նրբությունն է, ինչպես նաեւ հանգիստ երանգներով գունային լուծումները: Դասական ոճի անբաժանելի մասն է համարվում ճակատամասի ավանդական զարդանախշը:

Վառ ճակատամասերը կարելի է ընդգծել մուգ քիվերով, բաց գույնի փայտե դարակներով: Այս դեպքում անգամ ամենափոքր տարածության մեջ փայտից արված դասական խոհանոցը չի ճնշի այնտեղ գտնվողին:

Կարելի է կախովի պահարանների տակ ունենալ բաց դարակներ, որոնք ոչ միայն ֆունկցիոնալ կլինեն, այլեւ դեկորատիվություն կհաղորդեն»:

Հետևեք NEWS.am STYLE-ին Facebook-ում, Twitter-ում և Instagram-ում