Shine&Food: Պարզիր՝ սունկ ուտելուց հետո չթունավորվելու ի՞նչ շանս ունես

Բլոգ Լի. Գառնու տաճարը, Գեղարդի վանքը, Քարերի սիմֆոնիան ու Կոտայքի այլ գողտրիկ անկյունները

POPcorn blog. 10 հայ բլոգեր, որոնց արժե հետեւել համացանցում

Դասթին Հոֆմանը նշում է 81-ամյակը

PROFFY. Կենդանաբանական այգու աշխատակից

Բլոգ Լի. Երեւանյան տրանսպորտը՝ զբոսաշրջիկների աչքերով

«Տարազ ֆեստ»

Shine&Food. Յոգան նիհարեցնում է. առասպել, թե՞ իրականություն

POPcorn blog. Հին իրերից`նոր հագուստ

Եվա Ռիվասը զվարճանում է Մի գնա երգի հնչյունների ներքո

Եվա Ռիվասի կրքոտ պարը

Street Style. Ի՞նչ են կրում հայ հայտնիները

Քիմ Քարդաշյանն ամբողջովին մերկ է եղել, երբ Թրամփը զանգահարել է իրեն

Բլոգ Լի. կանաչազարդ ու ծաղկող Հայաստան՝ Ծաղկաձորն ու Կեչառիսի վանական համալիրը

Բլոգեր Վլադ Մագան Հայաստանի, իր եւ խոսքի ազատության մասին

Shine&Food: Ինչպիսի՞ կյանք են վարում մեր քաղաքացիները՝ նստակյաց, թե՞ ակտիվ (հարցում)

VARDA-ն ցույց է տվել իր ակումբի աղջիկների մարզումները

POPcorn blog. 10 բան, որ չարժե անել, եթե չեք ուզում փչացնել Ձեր հարաբերությունները

Փայլեր, հուլունքներ ու քաոսային միքսեր. դիմահարդար Դիանա Տոնոյանը՝ 2018 թ-ի թրենդների մասին (ֆոտո)

14:05, 21 դեկտեմբերի

Դրսում ձմեռ է, ինչը նշանակում է, որ Ամանորը մոտ է, ինչով էլ կազդարարվի 2018 թ-ը, որը լի է լինելու նորություններով եւ հետաքրքիր թրենդներով: Որո՞նք են լինելու գալիք տարվա ակտուալ երանգները դիմահարդարման մեջ: Հարցի պատասխանը ստանալու համար NEWS.am STYLE-ը զրուցել է դիմահարդար Դիանա Տոնոյանի հետ.

«Ձմռանը շպարը պետք է առանձնահատուկ լինի, քանի որ մաշկը փոխում է իր գույնն ու թեփոտում: Խորհուրդ եմ տալիս օգտվել անփայլ տոներից եւ խուսափել խոնավեցնող քսուքների եւ նմանատիպ շրթներկի օգտագործումից, քանի որ դրանցից մաշկն ու շուրթերը կարող են ճաքչքել»,-ասում է Դիանան՝ հավելելով, որ ինչպես նախկինում՝ հիմա եւս արդիական է «շպար առանց շպարի» հասկացությունը.

«Ինչպես նաեւ նորաձեւություն է վերադարձել nude ոճի շպարը, որի հետ կիրառում են զանազան գեղեցկության միջոցներ:

2018 թ-ի ձմռանն ակտուալ են մետալիկ ստվերաներկերի միանգանմից մի քանի գույներ, մուգ կարմիր շուրթեր եւ «տիկնիկային թարթիչներ»: Թրենդային են լինելու նաեւ գրաֆիկական սուրմաները, հուլունքներն ու քարերով շպարը, որը կարծում եմ՝ հայուհիներին այնքան էլ դուր չի գա:

Աչքերի շպարի մեջ չի կարելի առանձնացնել որեւէ դոմինանտ գույն, միայն կարող եմ ասել, որ մետալիկ տեքստուրան կխավարեցնի մնացած ամեն ինը: Խոսքը միայն թեթեւ արծաթագույն շպարի մասին չէ, որին բոլորն արդեն ընտելացել են: Դիմահարդարները մետալիկ ստվերաներկերն օգտագործել են՝ միքսելով ամենաանսպասելի երանգները: Օրինակ՝ Ալբերտա Ֆերետիի ցուցադրության ժամանակ մոդելների կոպերը ներկել էին միաժամանակ ոսկեգույն, սեւ, կարմիր եւ մոխրագույն երանգներով»:

Դիմահարդարը չմոռացավ խոսել նաեւ Ամանորի գիշերվա շպարի մասին.

«Չինական օրացույցի համաձայն՝ 2018-ը դեղին շան տարի է: Վառ արեւային երանգները գերակշռում էին նաեւ 2017 թ-ին: Իհարկե, այնքան էլ լավ միտք չէ ձմռանն աչքերին դեղին գույն քսելը, հետեւաբար առաջարկում եմ հիմնվել թրենդների վրա եւ օգտագործել դեղինի եւ ոսկեգույնի համադրությունը:

Օրինակ՝ Բրենդոն Մաքսվելի շոուի ժամանակ դեղին եւ ոսկեգույն երանգները քսել էին սեւ ստվերաներկի վրայից՝ կոպի մեջտեղի հատվածում, ինչն աչքերին կոնտրաստ էր հաղորդել: Իսկ եթե մեր գեղեցկուհիները ցանկանում են առավելագույնս փայլել Ամանորի գիշերը, կարելի է օրինակ վերցնել Ալեքսիս Բեբելիի շոուի մոդելներից, որոնք կրում էին գելային փայլ, իսկ ոսկեգույն ստվերաներկերը տարածված էին ոչ հավասար շտրիխներով: Հենց այդ անփությությունն էլ կերպարը դարձրել էր մոդայիկ»,-ասում է Դիանան, նաեւ հավելում.

«Ինձ շատ են դուր եկել 2018 թ-ի թրենդները, եւ ես համոզված եմ, որ կգտնվեն այնպիսի համարձակ գեղեցկուհիներ, որոնք կօգտվեն այդպիսի շպարից: Հուսով եմ՝ իմ խորհուրդներն օգտակար կլինեն հայուհիների համար»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության