• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• «Դժոխք Երկրի վրա». դրախտային հունական լողափը վերածվել է մղձավանջի զբոսաշրջիկների բազմության պատճառով

  Հունաստանի գեղատեսիլ լողափը անվանվել է «դժոխք երկրի վրա», քանի որ այն լցվել է անթիվ զբոսաշրջիկների բազմությամբ...

• Փախուստ քաղաքակրթությունից. ինչու են մոլորակի ամենահարուստ մարդիկ հանգստավայրերի փոխարեն ընտրում անտառային խորքերն ու վայրի բնությունը

  Շվեդիայի ամենահյուսիսային դահուկային հանգստավայրը՝ ընդամենը 60 բնակիչ ունեցող Ռիկսգրենսենը, ձմռանն իսկական մագնիս է դառնում ադրենալինի սիրահարների համար։ Բևեռային շրջանից ընդամենը 200 կիլոմետր հեռավորության վրա գտնվող այս փոքրիկ ավանը վերածվել է ֆինանսիստների, տեխնոլոգիական հսկաների ու թոփ-մենեջերների թաքստոց-դրախտի։ Այստեղ սովորական ճոպանուղիներին փոխարինում են ուղղաթիռները, իսկ աղմկոտ զբոսաշրջիկների բազմությանը՝ անմարդաբնակ, վայրի լանջերը, գրում է Robb Report-ը...

• Հայաստանի զբոսաշրջային բումը. Ինչպես է երկիրը գրավում ճանապարհորդներին 2026 թվականին

  2026 թվականը ռեկորդային տարի էր հայկական զբոսաշրջության համար. երկիրն ունեցավ զբոսաշրջիկների աննախադեպ աճ՝ գրանցելով անկախությունից ի վեր լավագույն ցուցանիշները…

• Գաստրոնոմիկ տուրիզմը ժողովրդականություն է վայելում. ո՞ւր գնալ համեղ փորձառություն վայելելու համար

  Սնունդը վաղուց ի վեր եղել է ճանապարհորդական ուղղությունների վրա ազդող հիմնական գործոն․․․

• Ամերիկացի զբոսաշրջիկները պատահաբար խախտել են Վենետիկի անսովոր օրենքը

  Վենետիկում վազող ամերիկացի զույգը պատահաբար խախտել է տեղական օրենք, որի մասին շատ զբոսաշրջիկներ նույնիսկ տեղյակ չեն․․․

Աշխարհում շատ են քաղաքները, որոնք հաճախ անվանում են գեղեցիկ, հրաշալի կամ հիասքանչ: Ճաշակի հարցում չեն վիճում, բայց ամեն դեպքում քաղաքները, որոնք կարող են անտարբեր չթողնել նույնիսկ ամենափորձառու եւ քմահաճ ճանապարհորդներին, մեր մոլորակում այդքան էլ քիչ չեն: Ստոքհոլմը, անկասկած, դրանցից մեկն է: Ես նույնիսկ կնախազգուշացնեի այնտեղ մեկնել պատրաստվող անփորձ ճանապարհորդներին, քանի որ այս քաղաքի հիասքանչությունը կարող է ձեզ ապշահար անել:

Մարդիկ

Շվեդները, հատկապես շվեդական մայրաքաղաքի բնակիչները, ամենեւին չեն համապատասխանում նրանց մասին մեր կարծրատիպային պատկերացումներին: Եվ հիշեք. այստեղ բծախնդրություն, սառնություն եւ անտարբերություն գոյություն չունի: Եթե դուք շվեդից ճանապարհ հարցնեք, իսկ նա հանկարծ չիմանա, ապա միանգամից ձեզ հետ կսկսի հարցնել այլ անցորդների կամ զանգահարել ընկերներին, որպեսզի օգնի պարզել ձեզ հետաքրքրող տեղեկությունը: Դե, եթե հրաժարվեք նրա օգնությունից, շվեդը չի պնդի. հաջողություն կմաղթի եւ կգնա իր ճանապարհով:

Եթե ցանկացած մեկը հնարավորություն ունի ձեզ օգնել՝ մուտքի տոմսի զեղչ ստանալ կամ ինչ-որ բան ընտրել (լինի դա էքսկուրսիա, պաղպաղակ կամ որեւէ իր խանութում), վստահ եղեք, անպայման այդ օգնության տեսքով հաճելի անակնկալ կստանաք: Ամեն դեպքում, շվեդներին հատուկ չեն ավելորդ անկեղծությունն ու զգացմունքայնությունը, ինչը նրանց շատ հաճելի եւ ոչ պնդերես զրուցակից է դարձնում:

Եթե անգլերեն գիտեք, շփման հարցում ոչ մի խնդիր չեք ունենա. շվեդների 95%-ը եւ մայրաքաղաքի բնակիչների 100%-ը բավական լավ է բացատրվում այդ լեզվով:

Ստոքհոլմ – քաղաք ջրի վրա

Ստոքհոլմի հրաշալի գիծը եւ նրա գլխավոր տեսարժան վայրը ջուրն է: Տեղակայված լինելով 14 կղզիների վրա, քաղաքը միավորում է Բալթիկ ծովի եւ հիասքանչ Մելարեն լճի ջրերը: Շվեդերենից օրհներգի տողերից մեկի թարգմանությունը գեղեցիկ է հնչում. «…ուր միավորվում են Մելարենի քաղցր եւ Բալթիկի աղի ջրերը»:

Անկասկած, ջուրը քաղաքի գլխավոր զարդն է: Բազմաթիվ ջրանցքներն ու Ստոքհոլմի ամբողջ ջրային տարածքը ջրային զբոսանքների համար հրաշալի պայմաններ են ստեղծում: Կարող եք զբոսնել աուդիոուղեկցորդով տուրիստական զբոսանավերով (նման զբոսանքի արժեքը 80-500 կրոն է), որը մի քանի լեզու գիտի, այդ թվում՝ ռուսերեն: Գոյություն ունեն նման բազմաթիվ զբոսանքներ. 40 րոպե տեւողությամբ էքսկուրսիա, Ստոքհոլմի 15 կամուրջների տակով անցնող երթուղի, պատմական Ստոքհոլմ, այս կամ այն կղզին ընդգրկող երթուղիներ: Առավոտյան թռչնակներին այստեղ առաջարկվում են մոտակա արվարձանների գեղեցիկ կղզյակներում էքսկուրսիաներ, երկարատեւ ճամփորդությունների սիրահարների համար էլ գործում են 2-3 ժամ տեւողությամբ մոտորանավակներով զբոսանքներ դեպի ստոքհոլմյան արշիպելագի խորքերը: Արշիպելագում շուրջ 20.000 կղզի կա, եւ դրանց բազմազանությամբ հիանալ արժե:

Զբոսանավերի երկու խոշոր կետերը քաղաքապետարանի եւ թագավորական պալատի մոտ են: Ես, որպես ծովային ճամփորդությունների սիրահար, հաճախեցի առաջարկվող զբոսանքների գրեթե կեսը, եւ ոչ դրանցից ոչ մեկն ինձ չհիասթափեցրեց:

Հին քաղաք

Քանի որ անցյալ հարյուրամյակի կեսերին Ստոքհոլմը զգալիորեն փոխակերպվել է, հին թաղամասեր շատ քիչ են մնացել, բայց հենց այդ պատճառով դրանք ավելի արժեքավոր եւ բացառիկ են:

Գամլա Սթան. շվեդերեն այսպես է կոչվում կղզին, որի վրա տեղակայված է հին քաղաքի սիրտը՝ թագավորական պալատի հետ միասին: Գազային լապտերներով նեղ փողոցներ, հին տներ եւ շվեդական խոհանոցով ռեստորաններ. ինչպես տեսնում եք՝ Գամլա Սթանն այնքան էլ չի տարբերվում զբոսաշրջիկների սիրելի եվրոպական քաղաքների հին կենտրոններից:

Հին քաղաքում կարելի է լավ ճաշել՝ ճաշակելով շվեդական ուտեստները: Բայց այստեղ այդ էժան չի լինի: Մեկ գավաթ գինին կարող է արժենալ շուրջ 100 կրոն, տաք ուտեստը՝ 500: Միս պատվիրելիս անպայման անհրաժեշտ է նշել, թե որքան տապակած եք այն ցանկանում, հակառակ դեպքում, ինչպես ես, կստանաք արյունով բիֆշտեքս. քիչ տապակած միսն այստեղ շատ հարգի է: Չեք սխալվի՝ ցանկացած ձուկ համտեսելով, շվեդները դրանից լավ են հասկանում:

Ավելի համեստ կարող եք ուտել «7-eleven» անվանումով փոքրիկ սրճարաններում կամ «Burger King» արագ սննդի կետերում, որտեղ ճաշի համար կվճարեք առավելագույնը 100 կրոն: Հոթ-դոգերի կրպակների կողքով անտարբեր մի անցեք. տարբեր տեսակի նրբերշիկներով հոթ-դոգերն ու տաք կարտոֆիլը չափազանց համեղ են, հատկապես եթե այն մաքուր օդում ուտեք:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում