• Սիրուշոյի եւ Իվետա Մուկուչյանի նոր տեսահոլովակները, Իվետայի 40-ամյակն ու սիրելիի շնորհավորանքը, Անդրեի ու Արթուր Խաչենցի ջերմ հոլովակները՝ դուստրերի հետ․ Instagram

  Instagram-ն այս շաբաթ էլ ջերմացրեց, հուզեց, նաև ժպիտ պարգևեց ու ուրախացրեց նորություններով։ Սկսենք՝ հերթով...

• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• «Մոսկվայի անամոթը»՝ Մկրտիչ Բալյան. Ինչպես նկուղային արկածախնդիրը հյուրերի նվաստացումը վերածեց թանկարժեք շոուի

  Օրվա ընթացքում Պրեչիստենսկայա ափին գտնվող Պերցովի տունը նման էր հարգված բնակարանային շենքի․․․

• «Ընթրիք հիմարի հետ»․ ներկայացում, որը ձեզ կստիպի մտածել՝ արդյոք արժե՞ ընդունել չորեքշաբթի օրերի ընթրիքի հրավերները

  Հոկտեմբերի 13-ին Կ. Ստանիսլավսկու անվան ռուսական պետական դրամատիկական թատրոնում տեղի ունեցավ Ֆրանսիս Վեբերի «Ընթրիք հիմարի հետ» հայտնի ստեղծագործության նոր բեմադրության պրեմիերան...

• Գոյ թատրոնի վերադարձը «Խելագարը» ներկայացմամբ

  Գոյ թատրոնն ապացուցում է, որ թատերախումբը կարող է գոյություն ունենալ նույնիսկ հարազատ պատերից դուրս...

• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

R&B ոճի հայ-բելգիական երգչուհի Kéyoh-ը (Կարինե Օհանյան) շարունակում է արտերկրում ավելի ու ավելի մեծ ճանաչում ձեռք բերել: NEWS.am STYLE-ը որոշեց իմանալ երիտասարդ եւ խոստումնալից երգչուհու ծրագրերի մասին: Համացանցում գտանք Կարինեի վերջին հարցազրույցը, որ նա տվել էր NEWS.am-ին՝ պատմելով վերջին տարվա ընթացքում ստեղծագործական հաջողությունների մասին:

Պարզվում է՝ Կարինեի դերասանական դեբյուտը եվրոպական արտադրության կենսագրական թրիլլերում անհայտ պատճառներով այդպես էլ չի կայացել: Սակայն սպասվում է այլ պրեմիերա. մայիսի 21-ին iTunes-ում կթողարկվի երգչուհու K.O. LOVE անվանումով երգը:

Կարինե, ավելի մանրամասն կպատմե՞ք Ձեր նոր երգի մասին:

Շունչս պահած սպասում եմ այն թողարկվելուն, քանի որ չգիտեմ՝ ինչպե՞ս կընդունի իմ դեբյուտն ունկնդիրը: Ինչո՞ւ: Որովհետեւ հենց այդ սինգլը կստիպի իմ մասին ամբողջական պատկերացում ձեւավորել. բառերն ու երաժշտությունը գրել եմ՝ հիմնվելով սեփական ապրումներիս եւ կենսափորձիս վրա: Այսինքն՝ ես ապրել եմ այդ ամենը, անցկացրել եմ իմ միջով:

Իհարկե, դեր ունի նաեւ իմ պրոդյուսեր Գայ Վակուն, ով իմ երգը վերածել է կատարելության:

Իսկ ինչպիսի՞ն կլինի հոլովակը: Ո՞վ է այն նկարահանել:

Հոլովակի ռեժիսուրան ամբողջությամբ իմ երեւակայության արգասիքն է: Իհարկե, կցանկանայի մանրամասներ ներկայացնել, սակայն դա կնմանվի մի իրավիճակի, երբ ցանկանում ես ֆիլմ դիտել, իսկ քեզ սկզբից մինչեւ վերջ պատմում են այն:

Միայն նշեմ, որ սյուժեն փոքր-ինչ ֆեմինիստական եւ հեգնական է: Քանի որ K.O. նշանակում է Knock Out (նոկաուտ), գլխավոր հերոսը բռնցքամարտիկ է: Հոլովակը նկարահանել է Բելգիայում հայտնի ռեժիսոր Ալեյն Յոնգենը:

Ինչպիսի՞ն են Ձեր նախորդ երգերը: Միայն R&B ոճո՞ւմ:

Իմ երգերն ուղղված են երիտասարդության այն հատվածին, ովքեր նախընտրում են POP/R&B/Dance: Հնարավոր է նաեւ այդ ոճերի համադրությունը:

NEWS.am-ին տված հարցազրույցում նշել եք, որ ծրագրում եք գրել որեւէ երգ, որում կհնչի հայերեն արտահայտություն կամ նախադասություն: Ի՞նչ նպատակով: Այդ մտահղացումն իրականացնել հաջողվե՞լ է:

Դեռեւս ոչ, չնայած գաղափարը գոյություն ունի բավական վաղուց: Անպայման իրականություն կդառնա: Բայց որպես գաղտնիք ասեմ, որ իմ նոր երգում արդեն կարելի է այդ մտադրության հիմքերը տեսնել, զգալ այդ գաղափարը:

Ձեր ծրագրերում Երեւանում համերգ նախատեսվո՞ւմ է:

Դեռեւս ոչ, քանի որ իմ բոլոր պայմանագրերը կնքված են կենտրոնական Եվրոպայի երկրների հետ: Սակայն բանակցություններ են տարվում նաեւ Հայաստանի հետ:

Որքան գիտեմ, ծրագրում էիք հագուստի սեփական շարքը ստեղծել: Ի՞նչ եք արել այդ ուղղությամբ:

Այս տարեսկզբից արդեն գոյություն ունի «My Dressing by Ohanian» շարքը, որի դիզայներն ու հեղինակը քույրս է՝ Աննա Օհանյանը: Իսկ ես միայն ընկերության դեմքն եմ եւ զբաղվում եմ մարքեթինգով:

Դուք խոսում եք մի քանի լեզուներով: Ամեն դեպքում, Ձեզ ո՞րն է ավելի հարազատ:

Եթե խոսքն ինձ հոգեհարազատ լեզվի մասին է, ապա այդ հայերենն է: Բայց, ցավոք, ես ավելի լավ տիրապետում եմ ֆլամանդերենին եւ անգլերենին:

Երբ հասնեք բարձունքի, ո՞ր երկրում կցանկանայիք ապրել:

Այդ մասին դեռեւս չեմ մտածել…

Ձեր ամենավառ երազանքը…

Երգել աշխարհի ամենահայտնի բեմերում եւ լավ օրինակ լինել ապագա սերունդների համար:

Պատրաստեց Մարինա Ադուլյանը

Հետևեք NEWS.am STYLE-ին Facebook-ում, Twitter-ում և Instagram-ում