«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

«Ինձ հետաքրքրում են Թավշյա հեղափոխությունն ու «պուլպուլակները»». հայտնի բլոգերը Հայաստանի մասին տեսանյութ կնկարահանի

11:04, 17 հուլիսի

Սոցիալական ցանցերից հայտնի բլոգեր Nas Daily-ն այս օրերին Հայաստանում է: Նուսեիր Յասինն այստեղ է մնալու մի ամբողջ շաբաթ՝ Հայաստանն ուսումնասիրելու եւ այստեղ հայտնաբերած հետաքրքիր մարդկանց ու վայրերն իր բլոգում ներառելու համար: Ծագումով Իսրայելից Նուսեիրն Instagram-ում ունի ավելի քան 158 հազար հետեւորդ, իսկ Facebook-ում` 7 միլիոնից ավել Like: Երիտասարդ բլոգերն իր հետեւորդներին գրավում է 1 րոպե տեւողությամբ իր տեսանյութերով, որոնք պատմում են տարբեր երկրների, մշակույթների եւ այնտեղ հանդիպած հետաքրքիր ու տարբերվող մարդկանց մասին: Նա ասում է՝ չի սիրում անել մեկը մյուսին կրկնօրինակող տեսանյութեր, որովհետեւ հասկացել է՝ իր հոլովակների հաջողության գաղտնիքը յուրահատկության մեջ է:

Երեկ բլոգերը Գաֆէսճեան քանդակների պարտեզում հանդիպում ունեցավ բլոգինգով ու ճանապարհարդություններով հետաքրքրված իր երկրպագուների հետ: Անկեղծ եւ անմիջական հանդիպմանը ներկա էր նաեւ NEWS.am STYLE-ը, որը ֆիքսել է մոտ երկու ժամ տեւած զրույցի հետաքրքիր մանրամասները:

Հանդիպման առաջին մասում բլոգերը պատասխանեց հավաքվածներին հետաքրքրող հարցերին, որոնք հիմնականում բլոգ ստեղծելու եւ այն հաջողությամբ վարելու մասին էին: Նուսեիրը բացահայտեց, թե ինչպես են ընտրվում իր տեսանյութերի թեմաները.

«Ամեն երկրում, որտեղ լինում եմ, նմանատիպ հանդիպումներ ենք կազմակերպում եւ ես հարցնում եմ տեղի մարդկանց, թե ինչի մասին կարող եմ տեսանյութեր նկարահանել իրենց երկրում: Ինձ շատ մտքեր են առաջարկում, եւ ես տեսանյութեր եմ նկարահանում այն բոլոր թեմաներով, որոնք ինձ հետաքրքրում են: Օրինակ՝ երբեք երաժշտության մասին հոլովակներ չեմ նկարահանում, քանի որ այդ ոլորտի գիտելիքներս մեծ չեն: Բայց դրան հակառակ՝ ինձ շատ են հետաքրքրում այնպիսի թեմաներ, ինչպիսին օրինակ՝ ձեր երկրի «պուլպուլակ»-ներն են»,-նշեց նա՝ դժվարանալով հիշել, թե որքան տեսանյութեր է հասցրել նկարահանել այս տարիների ընթացքում, բայց իր կյանքն այլեւս չի պատկերացնում առանց իր բլոգի.

«Կարծում եմ՝ եթե մի օր դադարեմ նկարել տեանյութեր, կյանքը ձանձրալի կդառնա, բայց մյուս կողմից՝ հանգստի ժամանակ կունենամ եւ կարգի կբերեմ թե´ մտավոր, թե´ ֆիզակական վիճակս, քանի որ իսկապես ջախջախված եմ: Այս աշխատանքն ինձանից շատ էներգիա է տանում»:

Նա նաեւ պատմեց, թե ինչպես է քայլ առ քայլ սկսել իր բլոգը.

«Առաջին հերթին՝ ասացի  «ոչ» YouTube-ին, քանի որ այն արդեն «մեռած» հարթակ է: Հետո սկսեցի իմ մասին տեսանյութեր նկարահանել, դրանք տեղադրում էի Facebook-ում, բայց շատ մարդիկ չէին դիտում, ու ես հասկացա, որ ոչ բոլորին է դա հետաքրքիր: Իսկ օրերից մի օր գնացի Թաիլանդ ու ցուցադրեցի, թե որքան էժան է այնտեղ ամեն ինչ: Մարդկանց հենց այդ տեսանյութն ավելի շատ հետաքրքրեց: Ես հասկացա, թե ինչպիսի տեսանյութեր են հետաքրքրում մարդկանց՝ իմ մասին հնարավորինս քիչ, իսկ տվյալ երկրի եւ մարդկանց մասին հնարավորինս շատ պետք է ներկայացնեի»:

Հանդիպման երկրորդ հատվածում բլոգերը հետաքրքրվեց հայ երկրպագուներից, թե ինչ թեմաներով տեսանյութեր կցանկանային տեսնել Հայաստանի մասին: Ինչպես միշտ՝ սեփական նախասիրություններից ելնելով՝ որոշ թեմաների հրաժարվեց անդրադառնալ, ինչպիսիք են, օրինակ, երաժշտությունն ու ազգային կերակուրը, քանի որ իրեն այդ ոլորտների գիտակ չի համարում, փոխարենը նշեց այն թեմաները, որոնց անպայման անդրադառնալու է Հայաստանում եղած ժամանակահատվածում.

«Հայաստանում մի շարք թեմաներ կան, որոնք ինձ հետաքրքրում են: Ինչպես նշեցի՝ «պուլպուլակն» ինձ համար շատ հետաքրքիր թեմա է: Հայաստանում կարելի է անվճար ջուր խմել, ինչը հրաշալի է… Ինձ հետաքրքրում են նաեւ Թավշյա հեղափոխությունը, շախմատն ու Հայաստանի եւ Ադրբեջանի եւ Հայաստանի ու Իրանի միջեւ եղած սահմանները, կրոնը եւ այլն»,-նշեց բլոգերը՝ հավելելով.

«Հրաշալի է, երբ գալիս ես մի վայր, որը քեզ բոլորովին անծանոթ է, որտեղ չես եղել, եւ որտեղ այնքան շատ հրաշալի վայրեր կան ուսումնասիրելու: Շնորհակալ եմ ինձ այսքան լավ ընդունելու համար, ես արդեն զգում եմ Հայաստանի ջերմությունը»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել