• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

Հունա-ալբանական սահմանի դիմաց, մայրցամաքից 2 կմ հեռավորությամբ տեղակայված կանաչ եւ լեռնային Կերկիրա կամ, ինչպես իտալական ձեւով այն անվանում են՝ Կորֆու կղզի ավելի լավ է այցելել մայիսին: Ո՛չ այն պատճառով, որ տարվա մյուս եղանակներին Կորֆու կղզին վատն է, այլ որովհետեւ հույների համար մայիսը սեզոնային չէ: Լողափերը դատարկ են եւ մաքուր, ռեստորանում միշտ ազատ սեղան կա՝ լավագույն տեսարանով, դատարկ են նաեւ ծովափին գտնվող առանձնատները: Զարմանալի՞ է: Օ՜, այո: Միակ թերությունը. ծովը բավական սառն է, բայց դա փոխհատուցվում է նրանով, որ այն կվայելեք հպարտ միայնության մեջ: «Զբոսաշրջիկները քիչ են, սեզոնը չէ»,- դեմքի տխուր արտահայտությամբ ձեզ կասեն հույները:

Ժայռային ռելիեֆով լողափերով եւ ընդհանուր հանգստացնող ջերմությամբ ձգվող ծովի երկայնքով զբոսանքը, կղզին եւ, ընդհանրապես, Հունաստանը, լավագույնն են:

Կորֆուն տեղակայված է Հունաստանի Իոնական կղզիախմբում, այնպիսի կղզիների հետ, ինչպիսիք են Զակինֆը եւ Կեֆալոնիան: Այն Աթենքից մոտավորապես հյուսիս-արեւմուտքում է, Ալբանիայից ոչ հեռու: Ուղիղ դեպի կղզի թռչում են Aegean Airlains ավիաընկերության ինքնաթիռները, մայիսին չարթերային չվերթներ ոչ միշտ կարելի է գտնել, իսկ ահա տարանցիկ ճանապարհով կարելի է թռչել տասնյակ ավիաընկերություններով: Կարելի է նաեւ փոքր-ինչ դժվարացնել երթուղին եւ դեպի Աթենք ուղիղ չվերթին ավելացնել, օրինակ, Աթենք-Կորֆու ներքին չվերթը: Առաջին հերթին կշահեք գնային առումով, բացի այդ, չվերթի եւ ժամանման ժամերը կարող են հարմար լինել հենց ձեզ: Օրինակ՝ չվերթը, որով մենք մեկնեցինք, Աթենք հասավ կեսօրին մոտ, իսկ ներքին փոխադրող Olympic Air-ի չվերթը Կորֆու մեկնեց երեկոյան 6-ին: Արդյունքում, լիարժեք 3 ժամ ունեցանք Աթենքում զբոսնելու համար: Տարանցիկ ճանապարհով չվերթը ժամանակային այդքան մեծ տարբերություն չէր տալիս. ժամերը կամ շատ քիչ էին՝ միայն օդանավակայանով անցնելու համար, կամ շատ երկար, ինչը նշանակում էր, որ կղզի ենք հասնում գրեթե կեսգիշերին:

Տեսականորեն, կարելի է Աթենքից մեկնել ավտոբուսով կամ գնացքով, իսկ հետո՝ շոգենավով: Գնային առումով այս տարբերակները համարժեք են չվերթին, շահույթը հավասար է շուրջ երկու տասնյակ եվրոյի, իսկ ժամային առումով կորցնում է նվազագույնը հինգ ժամ: Խնդիրն անձնական ընտրության մեջ է. տնտեսել ժամանակը կամ գումարը:

Նախ՝ հարկավոր է որոշել նպատակները: Կղզին հարմարվելու տարատեսակ հնարավորություններ է ընձեռում:

Եթե ցանկանում եք ոչ մի բանի մասին չմտածել եւ ստանալ փաթեթային շրջայցերի բոլոր առավելությունները, ապա ծովափին հյուրանոցը կատարյալ տարբերակ է: Ձեզ կկերակրեն, կառաջարկեն կղզով էքսկուրսիա եւ կապահովեն անհրաժեշտ ամեն ինչով, ընդհուպ՝ ռուսախոս ուղեկցորդով: Նման հյուրանոցներ կան կղզու ամբողջ հյուսիսային ափին, օրինակ՝ ավազային լողափերով Ախավարիում կամ Պալեոկաստրիցայում, Բարբատիում եւ Իպսոսեում ձեզ սպասում են մանր եւ ոչ շատ մանր խճաքարեր: Սովորաբար հյուրանոցային գինը ներառում է նվազագույնը նախաճաշը, իսկ սննդակարգը կարող է տարբերվել ԱՄԷ-ում եւ Եգիպտոսում սովորական «շվեդական սեղան»-ից: Ընթրիքը կարող է մատուցվել ճաշացանկով կամ այդ համակարգերի տարատեսակ տարբերակներով: Օրինակ՝ սառը խորտիկները ներկայացված են սրահում, իսկ տաք ճաշատեսակները ստիպված կլինեք ընտրել 2-3 տարբերակով օրվա ճաշացանկից:

Ուրբանիզացիայի սիրահարների համար կա կղզու ամենախոշոր եւ կենտրոնական քաղաքը՝ Կերկիրան: Կորֆու կղզում քաղաքում ապրելը նշանակում է խառնել, բայց չթափահարել պատմական գեղեցկությունը, լողափերով ծովը եւ խանութները-ռեստորանները-պարասրահները:

Կղզու ամբողջ ափով կարելի է գտնել տարբեր գների բնակարաններ: Դրանք սկսում են 15 եվրոյից՝ երկու տեղանոց սենյակ-ստուդիայի համար, ինչը նշանակում է, որ կունենաք ձեր սեփական ոչ մեծ խոհանոցը: Որպես կանոն, սնունդը գնի մեջ ներառված չէ: Բնակարանները հարմար են նրանով, որ ենթադրում են սնունդ պատրաստելու եւ հյուրանոցային կարգուկանոնից կախված չլինելու հնարավորություն:

Մեր ոչ մեծ Glyfa Apartments համալիրը տեղակայված էր Բարբատիի եւ Նիսակիի միջեւ, արժեր 54 եվրո եւ անթիվ առավելություններ ուներ: Նախ՝ մայիսի սկզբին այն դատարկ էր, 8 սենյակներից միայն մերն էր զբաղված: Տանտերն այնքան բարի էր, որ մեզ առաջարկեց ավելի լավ համար, քան մենք վճարել էինք. մեր տրամադրության տակ հայտնվեց երկու հարկ՝ հյուրասենյակով եւ երկու պատշգամբով: Երկրորդ՝ այն գտնվում էր անմիջապես ծովափին, փոքրիկ գեղեցիկ լողափի մոտ՝ շրջապատված ժայռերով եւ բուսականությամբ: Կարիք կա՞ ասել, որ լողափին մենք մենակ էինք: Եվ երրորդ՝ երկու լողավազան կար, խորովածի համար անհրաժեշտ բոլոր պարագաներով ու կահույքով ընդարձակ տարածություն:

Սակայն մինչեւ մոտակա ռեստորանն ու խանութը հարկավոր էր շուրջ 15 րոպե քայլել, իսկ անմիջական հարեւանությամբ ոչինչ չկար, բացի նմանատիպ առանձնատներից, որոնք վարձով տրված էին զբոսաշրջիկներին կամ ընդհանրապես դատարկ էին:

Երեկոյան տեսանելի էին Կերկիրայի հեռավոր լույսերը, վայրէջք կատարող ինքնաթիռները եւ սրճարաններից վեր բարձրացող գոլորշին: Իսկ առավոտյան վառ կապույտ ծովն աշխուժության այնպիսի լիցք եւ գեղեցկություն էր հաղորդում, որ անհնար էր նարնջի հյութը քիչ-քիչ խմել: Ցանկանում էինք անհապաղ ինչ-որ տեղ վազել, ներս սողալ կամ մագլցել: Ինչով եւ զբաղվում էինք:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում