Երեկ՝ սեպտեմբերի 17-ին, ամենահայտնի հայ մոդելներից մեկը՝ Թերեզա Մարտիրոսյանը, նշում էր ծննդյան 27-ամյակը: Մոդելը հատուկ խնջույք չէր կազմակերպել, բայց անակնկալ մատուցել են ընկերները, որի մասին Թերեզան պատմել է NEWS.am STYLE-ին:
Մոդելը նշեց, որ ոչ մի լուսանկար չունի ծննդյան օրվանից, քանի որ առանձնահատուկ պատրաստություն չէր տեսել, փոխարենը մեզ տրամադրեց իր իտալական հանգստից կադրեր, որոնք ներկայացնում ենք ձեր ուշադրությանը:
«Դարձա 27, բայց արդեն 5-րդ տարին է՝ ինձ թվում է, թե դեռ 22 եմ»,-զրույցի սկզբում նշեց նա:
«Ծննդյանս օրը սիրում եմ, բայց երբ մտածում եմ, որ եւս մի տարով մեծացա, հասկանում եմ, որ շատ բաներ այլեւս առաջվանը չեն լինի ու դա վախենցնում է»:
Ծննդյան օրը Թերեզան սկսել է աշխատավայրում.
«Աշխատակազմը, մեր բենդն ու մոդել Մարթա Բաղդասարյանն առաջինն էին, որոնք անակնկալ կերպով շնորհավորեցին ինձ: Շատ հաճելի էր… Ծննդյանս օրը մեծ միջավայրում չեմ նշել, հատուկ ոչինչ չեմ արել, դա կանեմ 30-ամյակիս:) Ամբողջ օրս անցավ Նրա հետ, իմ լավագույն ծննդյան տարեդարձն էր:) Անկեղծ եմ ասում…»,-խոստովանում է մոդելը:
Ինչ վերաբերում է երազանքներ պահելուն՝ Թերեզան ասում է.
«Միգուցե, շատ տարօրինակ հնչի ասածս, բայց ես արդեն շատ տարիներ երազանք պահելուց նույն բանի մասին եմ մտածում, որն անընդհատ կատարվում է, բայց ուզում եմ՝ չվերջանա»,-այնուհետեւ՝ հավելում.
«Նվերներ դեռ շատ չեմ ստացել, բայց ստացել եմ մի նվեր, որի մասին շատ վաղուց էի երազում, երբ տարիներ առաջ հնարավորություն չունեի գնելու, հետո էլ մոռացել էի դրա մասին, իսկ այսօր ուրախ եմ…»:
Իրեն նախատոնական անակնկալ Թերեզան մատուցել է սեպտեմբերի սկզբին:
«Սեպտեմբեր ամսին ես եւ քույրս նշում ենք մեր ծննդյան տարեդարձները՝ 15 օրվա տարբերությամբ: Արդեն երրորդ տարին է՝ այդ ամսին միասին մեկնում ենք հանգստի: Այս տարի Իտալիայում էինք, եղանք Վենետիկում, Լիդո Դի Յեզելոյում, Հռոմում: Ինձ թվում է՝ ամեն ինչը նոր էր: Ուզում եմ, որ բոլոր մարդիկ հնարավորություն ունենան ճանապարհորդնելու, որովհետեւ այդ ընթացքում դու ձեռք ես բերում բազում գիտելիքներ, նոր ծանոթություններ, վերադառնում ես նոր եռանդով եւ ինչ-որ նոր բան ստեղծելու ցանկությամբ: Հետաքրքիր ու զավեշտալի դեպքեր, իհարկե, եղել են, բայց չեմ պատմի:)»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը