2018 թ-ին հայկական գեղեցկությունն իր ողջ հմայքով փայլեց ԱՄՆ-ի ազգային գեղեցկության մրցույթում: 25-ամյա Նարինե Իշխանովան տարվա սկզբին դարձավ «Միսս Յուտա ԱՄՆ 2018» մրցույթի հաղթող, որից հետո Յուտա նահանգը ներկայացրեց մայիսի 21-ին կայացած «Միսս ԱՄՆ» մրցույթում: Չնայած գեղեցկության աշխարհի նվաճումներին՝ հայուհին նշում է՝ իր համար մրցույթներն ու մոդելինգը զուտ հոբբի են, իսկ թե որոնք են կյանքում իր առաջնային սկզբունքները, Յուտայի տիտղոսակիր գեղեցկուհին պատմել է NEWS.am STYLE-ին:
Նարինե, գիտեմ, որ Թուրքմենստանում եք ծնվել եւ մեծացել: Ինչպե՞ս է ստացվել, որ Ձեր ընտանիքը Հայաստանից տեղափոխվել է այնտեղ:
Իմ նախապապը Հայոց ցեղասպանության ժամանակ փախել է Իրան՝ իր հետ տանելով նաեւ ընտանիքը, այդտեղից էլ նրանք տեղափոխվել են Թուրքմենստան: Ահա, թե ինչպես եմ ես ինքս էլ այնտեղ հայտնվել:
Երբեւէ Հայաստանում եղե՞լ եք: Խոսո՞ւմ եք հայերեն, ծանո՞թ եք մեր մշակույթին:
Ես երբեք չեմ եղել Հայաստանում… Դա այժմ իմ նպատակն է: Մի փոքր հասկանում եմ հայերեն, մի քիչ էլ ինքս եմ խոսում, բայց ավելի սահուն խոսում եմ ռուսերեն: Ինչ վերաբերում է հայկական մշակույթին, այո, շատ լավ ծանոթ եմ, քանի որ մեր ընտանիքը այն պահպանել է: Իմ մշակույթն ինձ համար ամեն ինչ է, ես այն բոլոր հնարավոր հարթակներում փորձում եմ ներկայացնել:
Ի՞նչ կրթություն ունեք:
Սովորել եմ քիմիայի ֆակուլտետում, այնուհետեւ մագիստրատուրաս ավարտել եմ՝ ստանալով հոգեբանի կրթություն: Հիմա էլ ատամնաբույժի կրթություն եմ ստանում:
Իսկ ինչպե՞ս եք սկսել մոդելի կարիերան: Ինչպե՞ս սկսեցիք մասնակցել գեղեցկության մրցույթների:
Շատերն են ինձ այս հարցը տալիս… Սկբնական շրջանում եւ, նույնիսկ, հիմա ես չեմ կենտրոնացել կամ կենտրոնանում մոդելային կարիերայիս վրա: Ինձ համար սա հոբբի է, որը ես անում եմ հանուն իմ սեփական հաճույքի: Ինձ համար ամենակարեւորը լավ ատամնաբույժ դառնալն է, ցանկանում եմ իմ սեփական բուժկենտրոնն ունենալ: Իսկ գեղեցկության մրցույթն իմ կյանքում հայտնվեց, երբ մայրս ասաց, որ շատ է ցանկանում, որ ես դառնամ առաջին բնիկ հայուհին, որը կներկայանա «Միսս ԱՄՆ» մրցույթին:
Ո՞րն եղել Ձեզ համար ամենակարեւոր մրցույթը:
Ես երկու մրցույթ կառանձնացնեմ՝ «Միսս Յուտա ԱՄՆ 2018»-ը, որի շրջանակում ես դարձա հաղթող, եւ «Միսս ԱՄՆ»-ն, որն, ուղղակի, երազանքի պես մի բան էր ինձ համար:
«Միսս Յուտա» մրցույթին ես 6 տարի շարունակ մասնակցել եմ, եւ իմ 6-րդ փորձը պսակվեց հաջողությամբ: Իրականում, ոչինչ էլ հեշտ չէր, հատկապես, որ ես տեղացի չէի, բայց ես հասա հաջողության: Դե, ինչպես արդեն նշեցի, մրցույթին մասնակցել եմ նոր հնարավորություններ ձեռք բերելու համար, նաեւ ցանկանում էի լինել այն հայուհին, որը կներկայանար «Միսս ԱՄՆ» մրցույում: Բացի այդ, ես շատ էի ցանկանում իմ ծառայությունը մատուցել այն հրաշալի նահանգին, որտեղ բնակվում եմ:
Ո՞րն էր Ձեզ համար ամենակարեւոր մրցանակը:
«Միսս ԱՄՆ»-ը մրցույթից շատ բաներ եմ շահել: Ունեցա նոր ընկերներ, հնարավորություններ, ձեռք բերեցի ինքնավստահություն, աշխատեցի ոգեշնչող մարդկանց հետ, նույնիսկ, մի քանի նոր բաներ բացահայտեցի սեփական անձիս մասին:
Ո՞րն է լինելու Ձեր հաջորդ ձեռքբերումը:
Հաջորդ ձեռքբերումս կդառնա ատամնաբույժների դպրոցում սովորելը, ինչը կնպաստի, որ զարկ տամ իմ նախընտրելի բիզնեսին:
Շատերը կենտրոնում են իրենց կարիերայի վրա՝ մոռանալով անձնական կյանքն ու ընտանիքը: Ձեզ համար ի՞նչն է կյանքում առաջնային:
Անկախ ամեն ինչից, ինձ համար կյանքում առանջնայինն իմ ընտանիքն է, հետո նոր՝ կարիերան: Այդպես են ծնողներս ինձ դաստիարակել:
Սյունե Առաքելյան
Լուսանկարները՝ Նարինե Իշխանովայի ֆեյսբուքյան էջից
Հետևեք NEWS.am STYLE-ին Facebook-ում, Twitter-ում և Instagram-ում
19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի