• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

• «Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)

  Հայոց ցեղասպանության զոհերի հիշատակի օրվա կապակցությամբ «Եվրատեսիլ 2024»-ում Հայաստանի դեսպանները՝ «Լադանիվա» խմբի անդամներն, այցելել են Ծիծեռնակաբերդի հուշահամալիր...

• «24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան

  «Ինձ ասում են մոռացի՜ր, մի հիշիր ու մի պահանջիր աշխարհից պատմությանդ ճշմարտությունն ու ճակատագրիդ ողբերգական էջերը, ասում են,անցիր, մի հիշիր...»…

Ինեսսա Թադեւոսյանը բոլորովին վերջերս միջազգային գեղեցկության մրցույթում նվաճեց Miss Talent տիտղոսը: Ցավոք, նա ներկայացնում էր ոչ թե Հայաստանը, այլ Կանադան: NEWS.am STYLE-ը որոշեց պարզել մանրամասները:

Ինեսսա, պատմիր, խնդրում եմ, ինչպե՞ս սկսվեց մոդելային կարիերան:

Ամեն ինչ սկսվեց 12 տարեկանում, երբ պատահաբար Հայաստանում հայտնվեցի նորաձեւության տանը: Այնտեղ մանկական խմբակ էր բացվել, սովորեցնում էին մոդելային քայլվածք, դերասանական արվեստի դասեր էին տալիս:

Նորաձեւության ցուցադրության առաջին անգամ մասնակցեցի 13 տարեկանում: Արտակ անունով հայ դիզայների աշխատանքների ցուցադրություն էր: Դրանից հետո հայտնվեցի Atex նորաձեւության տանը: 2001 թվականին առաջին անգամ մասնակցեցի «Միսս ուսանողուհի» գեղեցկության մրցույթին, ընդգրկվեցի Top 12-ում:

2003-ին Miss Tattoo Art Club-ի մրցույթում ստացա իմ առաջին թագը եւ արժանացա «Առաջին վիցե-միսս» տիտղոսին: 2004-ին Miss Yerevan մրցույթում ստացա 2-րդ մրցանակը: Իսկ 2005-ին նկարահանվեցի Արա Մարտիրոսյանի «Վառել եմ մոմերս» տեսահոլովակում:

Միջազգային մրցույթներում եւս ունես հաղթանակներ: Կպատմե՞ս դրանց մասին:

2005-ին մասնակցեցի «Միսս Կովկաս» մրցույթին, արժանացա գլխավոր մրցանակին: Ի դեպ, անմիջապես հետո ինձ հրավիրեցին մասնակցելու CUBE հեռուստաշոուին, որտեղ ընգրկվեցի լավագույն եռյակի մեջ: Դրանից հետո մետ մեկ տարի աշխատեցի TV5 հեռուստաընկերությունում: Վարում էի Առավոտյան փոստը ուղիղ եթերում: Այնուհետեւ  Armenia հեռուստաընկերության «Բարի լույս, Հայաստան» ծրագրում ֆիտնես էջն էի վարում: 2007-ին Miss Russian Bikiniմրցույթում արժանացա «Վիցե-միսս» տիտղոսին, սկսեցի իմ միջազգային մոդելային գործունեությունը՝ ի շնորհիվ Աշոտ Խաչատրյանի, որը ինձ ներկայացնում էր արտերկյա մրցույթներում եւ իմ մոդելային ղեկավարն էր:

2008-ին Ալբանիայում կայացած առաջին միջազգային  Miss Globe International 2008 մրցույթում արժանացա 3-րդ մրցանակի եւ թագ ստացա: Miss Bikini 2008, Miss Disco Queen 2008 ev Miss Talent 2008.

Նույն թվականին մեկնեցի Լաս Վեգաս՝ Հայաստանը ներկայացնելու Miss Hawaian Tropic International 2008 մրցույթին: Այնտեղ ինձ շնորհեցին Best Body տոտղոսը: 2009-ին Բուլղարիայում ներկայացրել եմ Հայաստանը Best Model Of The World 2009-ին: 2010ճին Դոմինիկյան Հանրապետությունում արժանացա  Best in Swim Wear տիտղոսին Miss Intercontinental 2010 մրցույթի շրջանակներում:

2012-ին՝ արդեն լինելով Կանադայի քաղաքացի, մասնակցեցի Miss Universe Canada 2012-ին՝ ընդգրկվելով լավագույն 12-ի մեջ: Եւ, 2013-ին, մայիսի  6-16-ը Թուրքիայի Բոդրում քաղաքում կայացած Miss 7 Continents գեղեցկության մրցույթում արժանացա Miss Talent տիտղոսին ու ընդգրկվեցի  Top 5-ի մեջ՝ արժանանալով 4-րդ մրցանակին:

Բավականին հետաքրքիր էր: Իսկ Կանադա ինչպե՞ս հասար: Չէ՞ որ Երեւանից ես:

Արդեն 6 տարի է՝ Կանադայում ներկայանում եմ որպես GWT Corporation ապրանքանիշի դեմք, որը զբաղվում է թանկարժեք զարդերի արտադրությամբ: Նկարահանվել եմ տեսահոլովակում:

Պարի իմ դպրոցն ունեմ, որը կոչվում է Dance Mania By Inessa. Կանադայում ապրում եմ 2006-ից: Տեղափոխվելու պատճառն ընտանիքիս միանալն էր, քանի որ մայրս ավելի քան 10 տարի այստեղ է ապրում: Ցավոք, հնարավորություն չունեցա համալսարանում ուսումս ավարտել: Շատ արագ տեղափոխվեցի Կանադա եւ ստիպված եղա ամեն ինչ զրոյից սկսել:

Դժվա՞ր է, երբ մասնակցում ես որեւէ մրցույթի եւ Հայաստանը չես ներկայացնում: Օրինակ` վերջերս Թուրքիայում:

Այո՛, իհարկե: Անգամ փորձերի ընթացքում, երբ կանչում էին երկրներով, ամեն անգամ Արմենիա լսելիս վազում էի: Բոլորը ծիծաղում էին: Բացի այդ, անսովոր էր բեմում հայկական տարազի փոխարեն հայտնվել Native ամերիկացու տեսքով:

Մոդելները գաղտնիքներ ունե՞ն, այդ թվում՝ դու:

Հիմնականում դրանք գաղտնիքներ չեն, այլ տարիների փորձ բեմում: Ինչ վերաբերվում է կազմվածքիս, ապա այն հեշտ է պահել, քանի որ օրական 6-8 ժամ պարում եմ: Սոված չեմ մնում:

Հայկական դիզայներների հետ համագործակցո՞ւմ ես: Ո՞ւմ հետ եւ ի՞նչ ծրագրի շրջանակում:

Հայաստանում ապրելու տարիներին համագործակցել եմ շատերի հետ: Կանադա փոխադրվելուց հետո, բնականաբար, մասնագիտական կապը կորել է: Սակայն անչափ ուրախ էի Բոդրումում Էլիզաբեթ Սարգսյանին տեսնելու համար, ով իր դիզայներական աշխատանքներն էր ներկայացնում Miss 7 Continents մրցույթի շրջանակում: Այն կոչվում էր Elizabeth F Fashion Line: Էլիզաբեթը ներկայացրեց 5 զգեստ եւ 5 զույգ աննկարագրելի գեղեցկության եւ արվեստի վառ ապացույց կոշիկ: Երջանիկ էի, քանի որ հնարավորություն ունեցա այդ հավաքածուի նմուշնելով բեմ դուրս գալ:

Ո՞ր մրցույթում կցանկանայիր հաղթել:

Հավանաբար Miss Universe-ում: Բայց ծրագրում եմ առաջիկայում այլեւս չմասնակցել գեղեցկության մրցույթների, քանի որ ամեն ինչ իր ճիշտ սկիզբը եւ ավարտն ունի:

Բոդրումում կայացած մրցույթից լուսանկարներդ էի դիտում: Հետաքրքիր է, որ Հայաստանը ներկայացնող Զառա Վարդանյանի հետ համատեղ նկար չունեք: Նա էլ հարցազրույցում նշել էր, որ ընկերացել է միսս Ռուսաստանի, միսս Ուկրաինայի, բայց ո՛չ միսս Կանադայի հետ: Ի՞նչն է խնդիրը:

Զառայի հետ լուսանկարներ ունենք, նաեւ շփում կար: Սակայն նման մրցույթներում հիմնական խնդիրն այն է, թե ում հետ ես ապրում միեւնույն սենյակում: Ես կարող եմ նույնն ասել, որ ամենից շատ մտերիմ էի Միսս Էստոնիայի հետ, քանի որ միասին էինք ապրում: Ինչպես նաեւ Միսս Լատվիայի հետ էի մտերիմ, քանի որ նրա հետ էլ ընդհանուր հետաքրքրություններ ունեինք. նա նույնպես պարուհի է եւ իր դպրոցն ունի:

Walsh ազգանունն ինչպե՞ս ծնվեց եւ ի՞նչ է նշանակում:

Walsh ազգանունը բեմական է եւ հիմնականում արտերկրի համար է: Շատերը պարզապես դժվարանում են հայկական ազգանունս արտասանել:

Հայաստան վերադառնալո՞ւ ես:

Վերջին անգամ Հայաստանում եղել եմ 2008 թվականին: Շատ եմ կարոտել Հայրենիքս: Հուսով եմ՝ մոտ ապագայում եւս մեկ հնարավորություն կունենամ:

Ի՞նչ կասեք հայ աղջիկներին:

Բոլոր նրանց, ովքեր զբաղվում են կամ ծրագրում են զբաղվել մոդելային գործունեությամբ, ցանկանում եմ ասել. ձեր երազանքն իրականություն դարձրեք, քանի որ նպատակները հասանելի են, եթե, իրոք, մեծ ցանկություն ունեք դրանց հասնելու:

Մի մոռացեք, որ բեմը մնում է բեմ: Կարեւորն այն է, որ բարձր պահած գլխով իջնենք այնտեղից՝ չկորցնելով մարդկային հատկությունները, չէ՞ որ օրվա ավարտին բոլորս նայում ենք հայելու մեջ: Համոզված եղեք, որ անկեղծ եք այն պատկերի հետ, որ տեսնում եք հայելում:

Մարինա Ադուլյան

Հետևեք NEWS.am STYLE-ին Facebook-ում, Twitter-ում և Instagram-ում