Էստոնական հրաշքների կղզի Սաարեմաան ավելի վաղ կրում էր գերմանական Էզել անվանումը: Այն մեծությամբ երրորդն է Բալթիկ ծովի կղզիներից (Զելանդիայից եւ Գոտլանդից հետո):
Սաարեմաան հիասքանչ է, բայց նրա մայրաքաղաք Կուրեսսաարեն տուրիստական երազանքների գագաթնակետն է: Այստեղ ե՛ւ Հին քաղաք կա (XVII-XIX դ.դ.), ե՛ւ եպիսկոպոսական ամրոց, ե՛ւ բազմաթիվ հյուրանոցներ եւ սրճարաններ, ե՛ւ SPA-կենտրոններ: Հնությունների սիրահարների համար, անխոս, ամենահամեղ պատառը կղզու ամրոցն է, որ կառուցվել է XIII դարում: Այստեղ բազմաթիվ կարեւոր պատմական իրադարձություններ են տեղի ունեցել, բայց անձամբ ինձ ամենից շատ հիացրեց ճարտարապետությունը: Ամրոցը քառակուսի է՝ ամեն կողմից 43 մետր երկարությամբ՝ չորս կողմից շրջապատված ջրերով: Եվս մեկ հետաքրքիր մանրուք. նավերը կարող էին միանգամից մտնել ամրոց, ինչի վկայությունն են բակում կանգնած խարիսխները: Իսկ ահա եպիսկոպոսի միջնաբերդը. այն թանգարան է, որն աշխատում է շաբաթը 5 օր (բացի երկուշաբթիից եւ երեքշաբթիից), ժամը 11-ից 19-ը:
Կուրեսսաարեից №10 ավտոճանարհով ամեն օր ավտոբուսներ են ուղեւորվում դեպի Տալին, Պյարնու եւ Տարտու: Նաեւ նավային եւ օդային հաղորդակցություն կա այլ կղզիների եւ մայրցամաքի հետ:
Նարվա
Կար ժամանակ, երբ Նարվան անվանում էին «Բալթիկ ծովի բարոկկոյի մարգարիտ», բայց Երկրորդ աշխարհամարտի ընթացքում, ցավոք, այն ավերվել է: Եվ որքան էլ պարադոսք թվա, Նարվա գետի ափերին (Եվրամիության եւ Ռուսաստանի միջեւ բնական եւ քաղաքական սահմանը) կանգնած է Էստոնիայի ամենից լավ պահպանված ամրոցը՝ Նարվայի կամ Գերմանի ամրոցը:
Տարտու
Դիտելու բան կա նաեւ Տարտուում՝ Բալթյան երկրների հնագույն քաղաքում (հիմնադրվել է շուրջ 1030 թվականին): Տարտուն մտավոր մայրաքաղաքն է, քանի որ այստեղ է գտնվում Հյուսիսային Եվրոպայի հնագույն համալսարանը, հենց այստեղ են ծնվել էստոնական թատրոնը, էստոնական երգի տոնը եւ Էստոնիական պետությունը:
Իսկ գուցե հոգնել եք աղմկոտ քաղաքներից եւ հանգի՞ստ եք փնտրում: Այդ դեպքում Էստոնիան պատրաստ է ձեզ ներկայանալ բոլորովին այլ կողմից:
Էստոնիայի բնությունը տարբերվում է հյուսիսային զսպվածությամբ, բայց այդ էլ իր հմայքն ունի: Էստոնիայի բնության վրա մեծ ազդեցություն է թողել սառցադաշտը, որն իրենից հետո բազմաթիվ խոշոր քարեր (այս պետության յուրօրինակ խորհրդանիշը) եւ լճեր է թողել: Այստեղ ջերմաստիճանի կտրուկ տատանումներ, լանդշաֆտային բազմազանություն, վառ գույներ չկան, փոխարենը կա մաքուր օդ (Տալինը ճանաչվել է Եվրոպայի էկոլոգիապես ամենամաքուր մայրաքաղաքը) եւ ուրբանիզացիայի չենթարկված լայն տարածություններ:
Հետևեք NEWS.am STYLE-ին Facebook-ում, Twitter-ում և Instagram-ում
13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին