• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Այսօրվանից սկսած ԱՄՆ-ում բնակվող հայ հեռուստադիտողները հնարավորություն կունենան դիտելու հայկական արտադրության նոր հեռուստասերիալ՝ «Քեզ հետ, առանց քեզ»։ Հեռուստասերալի սաունդթրեքը Նարեկ Մակարյանի համանուն երգն է, որն արդեն ծանոթ է հայ երաժշտասերներին։

Նոր հեռուստասերիալի ռեժիսորը դերասան Աշոտ Տեր-Մաթեւոսյանն է, որը նաեւ հանդես կգա դերասանական կազմում։ Ֆիլմում հեռուստադիտողը կտեսնի նաեւ արդեն հայտնի ու սիրված շատ դերասանների, այդ թվում՝ Սոֆյա Պողոսյանին, Գայանե Բալյանին, Սամվել Թոփալյանին, Սյուզան Պապյանին, Անուշիկ Առաքելյանին եւ այլն։ Հեռուստսերիալում նկարահանվում է նաեւ «Երեւի» սերիալից հայտնի դարձած երիտասարդ դերասանուհի Ջուլիա Եղշատյանը։

Դերասանուհու նոր կերպարը առիթ դարձավ նրա կարոտած երկրպագուների համար նոր հարցազրույցի։ Ջուլիայի հետ, ի դեպ, զրուցել ենք ոչ միայն նոր հերոսուհու մասին․․․

Նախորդ՝ «Երեւի» հեռուստասերիալի ամբողջ ընթացքում հեռուստադիտողը քննարկում էր Ջուլիայի եւ հեռուստասերիալի գլխավոր դերակատար Սարգիս Ավետիսյանի հարաբերությունները՝ նրանց վերագրելով սիրավեպ, թեեւ դերասանական զույգը երբեք չէր հաստատել այդ խոսակցությունները։ Մեզ հետ զրույցում Ջուլիան նշեց․

«Սարգիս Ավետիսյանը իմ հարազատ մարդկանցից է: Յուրաքանչյուրս էլ ունենք նկարներ մեր հարազատ մարդկանց հետ: Ես կարծում եմ, եթե յուրաքանչյուրի մասին ձևավորվեր նման կարծիք, կհնչեր իմ՝ վերևում ասված պատասխանը»։

Ջուլիան հասկանում է հանրության հետաքրքրությունը հայտնի մարդկանց անձնական կյանքի հանդեպ, բայց հավելում․

«Հանրության համար որքան էլ հետաքրքիր լինի հայտնի մարդկանց անձնական կյանքը, ամեն դեպքում անձնականի մասին հայտնին կարող է բարձրաձայնել միայն այն ժամանակ, երբ ինքն է դա ցանկանում: Իսկ, առհասարակ, անձնականը հանրային դարձնելը իմ տարերքի մեջ չէ, սակայն երբ հասունանա պահը, սիրով կկիսվեմ իմ հեռուստադիտողի հետ»:

Դերասանուհին խոստովանեց, որ իր սիրտն առայժմ ազատ է, սակայն սիրո տոներին երկրպագուների ուշադրության պակաս չի զգացել․

«Երկրպագուներն, իհարկե, չէին անցնում անտարբեր և մատուցում էին հետաքրքիր անակնկալներ: Սակայն իմ սիրտն ազատ է, իսկ անակնկալներն ու նվերները չընդունելը, մարդուն վիրավորանք հասցնող փաստ է: Այդ պատճառով խորհուրդ բոլոր աղջիկերին՝ եթե անգամ մերժում եք տղային, մի նետեք նվերները աղբամանը: Գնահատեք այն սերը, որը դրված է մարդու կողմից ձեզ ուղարկված նվերի մեջ: Դեռևս սիրո տոները ինձ համար ուղղակի օրեր են»։

Ինչեւէ, անցնենք դերասանուհու նոր կերպարին․

«Քասթինգի չեմ մասնակցել, ստացա առաջարկը ու իմանալով, թե ինչ թիմի հետ եմ աշխատելու՝ սիրով ընդունեցի այն, մանավանդ, որ դերը շատ հեաքրքիր էր։ Այս դերը լրիվ տարբերվում է «Երևի»-ում իմ կերտած կերպարից: Այնտեղ կերպարս բացասական գծեր ուներ, իսկ այստեղ ծայրահեղ դրական է: Ուսանողուհի է, որն ունի շատ խնդիրներ և փորձում է հաղթահարել դրանք: Շատ դրական, բարի, անուշիկ աղջկա կերպարով եմ ներկայանալու: Հուսով եմ՝ հեռուստադիտողին դուր կգա: Արդեն շատ լավ ճանաչում եմ իմ կերպարին, սկսել եմ նրան շատ լավ հասկանալ, սիրել եւ կապվել նրա հետ։ Հուսով եմ՝ կկարողանամ ճիշտ ներկայացնել կերպարս եւ կանեմ հնարավոր ամեն բան, որ հեռուստադիտողի կողմից էլ այն սիրվի»։

Իսկ խոսելով նախորդ տարի ձեռք բերած ճանաչվածության մասին՝  դերասանուհին հավելեց․

«Ամենամեծ հաջողությունը դա հայտնիություն ձեռք բերելը չէ: Հաջողությունը սիրելի լինելն է քո հանդիսատեսի կողմից, ինչն էլ համարում եմ մեծ ձեռքբերում դերասանի համար: Չէ՞որ, բացասական պահվածքն էլ մարդուն կարող է հայտնի դարձնել, դրականն էլ, իսկ մեզ մնում է ընտրել ճանապարհը հայտնի դառնալու:

2018 թվականը շատ լավ տարի եղավ ինձ համար՝ զբաղվեցի իմ սիրելի մասնագիտությամբ, ձեռք բերեցի լավ ընկերներ, ունեցա շատ լավ օրեր, կարևորը՝ չունեցա կորուստներ։ 2019-ի հետ մեծ հույսեր եմ կապում, տարին սկսվել է գործնական առաջարկներով և նորից զբաղվում եմ իմ մասնագիտությամբ: Բոլորին ցանկանում եմ լավ տարի․ թող այս տարի ոչ մի մարդ անկատար երազանք չունենա»:

Սյունե Առաքելյան

Լուսանկարները՝ Սոնա Հակոբյանի

Հետևեք NEWS.am STYLE-ին Facebook-ում, Twitter-ում և Instagram-ում