Ինչո՞ւ Հայկ Պետրոսյանը հանդես չի գա ներկայացումներով, եւ ի՞նչ շարժառիթ է ստեղծել արտիստի առաջին սերը

Գարիկ Մարտիրոսյանը խաղում է կարաոկե «ռուլետկա»

«Խնդրում եմ Աստծուց, որ առողջ լինենք ու երջանիկ լինեն իմ բալիկները». Օլյա Հակոբյանը որդիների հետ՝ NEWS.am STYLE-ի ամանորյա ֆոտոշարքում

Համեղ թխվածք ձեր ամանորյա սեղանին․ առաջարկում է Սիլվի Բարկովան

Ինչպե՞ս խուսափել Ամանորին ավելորդ քաշ հավաքելուց

Ի՞նչ դիմահարդարմամբ դիմավորել 2020թ․-ը․ տարվա թրենդներն ու հակաթրենդները

Սիլվի Բարկովան՝ Ամանորը Հայաստանում անցկացնելու եւ ամուսնուն սպասելու մասին

«Գրեմմի»-ի 10-ակի դափնեկիր Take 6 խմբի անդամները ժամանեցին Հայաստան

Արամեի մենահամերգն ու հայտնի հյուրերը

«Մահանալու ժամանակ չկա». պաշտոնական թրեյլերը

Ինչ է սպասվում կենդանակերպի նշաններին 2020 թվականին. Գուրգեն Հովհաննիսյան

Հրապարակվել է Ջեյմս Բոնդի մասին նոր ֆիլմի թիզերը

Ի՞նչ է կատարվել «Women’s Club»-ի հետնաբեմում եւ ինչեր են մնացել կադրից դուրս

Ո՞վ է արժանացել «Միսս Երեւան 2019» տիտղոսին և ի՞նչ նվեր է ստացել հաղթողը

Նոր հեռուստասերիալ Աշոտ Տեր-Մաթեւոսյանի, Սոֆյա Պողոսյանի, Սամվել Թոփալյանի եւ Լուիզա Ղամբարյանի մասնակցությամբ

Եվրոպայի ամենաէլեգանտ կնոջ՝ Մոնակոյի հմայիչ իշխանուհի Շարլինի ոճը

Էմոցիոնալ «Սիրո կինո». Միհրան Ծառուկյանի առաջին մենահամերգի հետաքրքիր դրվագները

Հայուհին 90-ականների հիթով գրավել է հունական «Ձայն»-ի ժյուրիին

«Արտավազդ» մրցանակաբաշխություն. Խորեն Լեւոնյանը՝ լավագույն դերասան, Տաթեւ Մելքոնյանը` լավագույն դերասանուհի

22:53, 27 մարտի

Ինչպես ամեն տարի, այս տարի եւս մարտի 27-ը` Թատրոնի միջազգային օրը, Երեւանում նշանավորվեց «Արտավազդ» մրցանակաբաշխությամբ, որի նպատակն է հայտարարել նախորդ տարվա լավագույն թատերական գործիչներին: Այս տարվա մրցանակաբաշխությունը նվիրված էր հայ ականավոր թատերական գործիչ, Պատանի հանդիսատեսի թատրոնի հիմնադիր Տիգրան Շամիրխանյանի 120-ամյակին:

Արարողության հանդիսավարներն էին Մարիամ Ղազանչյանն ու Ավո Խալաթյանը, որոնք բացման խոսքը տրամադրեցին Հայաստանի թատերական գործիչների միության նախագահ Հակոբ Ղազանչյանին:

«Շնորհավորում եմ թատերասեր հասարակությանը մեր պրոֆեսիոնալ տոնի՝ Թատրոնի միջազգային օրվա առթիվ, կասկած չունեմ, որ այն, ինչ տեղի կունենա այստեղ, ձեզ բոլորիդ դուր կգա, կարծում եմ՝ հավանություն կտաք մրցանակաբաշխության արդյունքներին: Այսօրվա մրցանակաբաշխությունը նվիրված է հայ մեծանուն թատերական գործիչ, դերասան, բեմադրիչ, թատերական գործի կազմակերպիչ Տիգրան Շամիրխանյանի 120-ամյակին:

Մրցանակաբաշխությունը ժամանակ առ ժամանակ փորձում է հիշեցնել մեզնից հետո եկող սերունդներին, որ եղել են հզոր դեմքեր, որոնք կայացրել են սովետահայ թատրոնը, որն իր պատմությամբ մեր մշակույթի հզորագույն էջն է: Իսկ Տիգրան Շամիրխանյանի ողջ ստեղծագործական կյանքը նվիրվել է թատրոնին»,-իր խոսքում նշեց նա:

Մինչ մրցանակաբաշխության մեկնարկը պատվոգրեր եւ մեդալներ հանձնվեցին մի խումբ թատերական գործիչների, որոնց համար տարին հոբելյանական էր եւ որոնք մեծ ներդրում են ունեցել թատերական կյանքի զարգացման մեջ: Մրցանակների արժանացան Սոնա Մելոյանը, Կարապետ Շահբազյանը, Անահիտ Բաբելյանը, Կարինե Ջանջուղազյանը, Արսեն Ղազարյանը, Աքսաննա Բաբաջանյանը եւ Րաֆֆի Գալստյանը:

Թատերարվեստին արժանապատիվ ծառայության համար մրցանակներ ստացան Յուրիկ Ոսկանյանը, Ռազմիկ Խոսրոեւը, Վլադիմիր Հովհաննիսյանը, Սերգեյ Մաղալյանը եւ Ռուբեն Հարությունյանը:

Տիգրան Շամիրխանյանի անվան հատուկ մրցանակը շնորհվեց Հակոբ Ղազանչյանին:

«Լավագույն դերասան» կոչմանն արժանացավ Խորեն Լեւոնյանը («Սասնա ծռեր»), որը, սակայն, ներկա չէր մրցանակաբաշխությանը: «Լավագույն դերասանուհի» ճանաչվեց  Տաթեւ Մելքոնյանը («Անպարկեշտ Թոմի մեկնաբանությունները»):

«Տարվա լավագույն ներկայացման» մրցանակը գնաց Ալ. Սպենդիարյանի անվան օպերայի եւ բալետի ազգային ակադեմիական թատրոն՝ շնորհիվ «Չիպոլինո» ներկայացման:

«Տարվա լավագույն երիտասարդ դերասաններ» ճանաչվեցին Սենիկ Բարսեղյանն ու Վիգեն Թադեւոսյանը: «Տարվա լավագույն երիտասարդ բեմադրիչ»՝ Արմեն Մարգարյանը:

Ստորեւ ներկայացնում ենք մյուս անվանակարգերն ու հաղթողներին.

«Տարվա լավագույն մանկական ներկայացում»՝ «Պոչատ աղվեսը», բեմադրիչ՝ Արմեն Սարգսյան:

«Ներկայացման լավագույն երաժշտության հեղինակ»՝ Վաչե Շարաֆյան, «Սասնա ծռեր»:

«Լավագույն սցենոգրաֆիա»՝ Վիկտորյա Ռիեդո-Հովհաննիսյան, «Սասնա ծռեր»:

«Տարվա լավագույն երկրորդ պլանի դերասանուհի»՝ Սաթենիկ Հախնազարյան, Աննա Բակլանդինա:

«Երկրորդ պլանի լավագույն դերասան»՝ Դավիթ Գասպարյան:

Հատուկ «Արտավազդ» մրցանակներ հանձնվեցին Գաբրիել Սունդուկյանի անվան թատրոնի տնօրեն Վարդան Մկրտչյանին, «Հարսանիք թիկունքում» ներկայացման բեմադրիչ Տիգրան Վիրաբյանին եւ Համլետ Ղալաչյանին:

Սյունե Առաքելյան

Լուսանկարները՝ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության