Յուրաքանչյուր նոր սեզոնի հետ սկսվում է զեղչերի հաճելի շրջանը: Իրենց արտասահմանյան մասնաճյուղերից 2 շաբաթ ուշացումով մայրաքաղաքի ցանցային խանութները հունիսի 25-ից գարնանային հավաքածուի զեղչեր են հայտարարել: Խանութներն արդեն հինգերորդ տարին ձգտում են կիրառել մարքեթինգի եվրոպական չափանիշները եւ գնորդներին ուրախացնում են սեզոնային զեղչերով:
NEWS.am STYLE-ը գնացել է գնումների, հետեւել որոշ խանութների առեւտրին, այդ պատճառով վստահորեն կարող է մի քանի խորհուրդ տալ սեզոնային զեղչերի վերաբերյալ:
Զեղչեր հայտարարում են՝ մնացած ապրանքը եւ ավարտվող սեզոնի հագուստը վաճառելու համար: Գներն իջնում են, քանի որ հավաքածուից եկամուտ արդեն ստացվել է:
Ամառային զեղչերը սովորաբար մեկնարկում են հունիսի երկրորդ շաբաթվա ընթացքում՝ նպատակ ունենալով մինչեւ արձակուրդների շրջանը վաճառել ապրանքը: Նշենք, որ բազմաթիվ խանութներ ազնիվ են գների իջեցման հարցում եւ զեղչերի սեզոնին կարելի է ապրանքներ ձեռք բերել 30, 50, նույնիսկ 70% իջեցված գներով:
Ներկայում Երեւանում զեղչերը հասնում են մինչեւ 50%-ի: Իհարկե, կարողացանք գտնել նաեւ խանութներ, որտեղ որոշ հագուստներ եւ կոշիկներ կարելի է գնել նաեւ արդեն 70% զեղչով:
Բայց ոչ բոլոր խանութներն են այնքան բարեխիղճ, որքան թվում է առաջին հայացքից: Որոշները երբեմն հատուկ բարձրացնում են ապրանքի գինը, որպեսզի հետո, զեղչերի սեզոնի հանդիսավոր բացման ժամանակ, գնապիտակի վրա գիծ քաշեն եւ նոր՝ 50% զեղչին համապատասխան գին փակցնեն: Նման դեպքերում միշտ հարկավոր է համեմատել ՄԻՆՉԵՎ եւ ՀԵՏՈ ներկայացված գները:
Լինում են նաեւ իրավիճակներ, երբ գնապիտակի վրա մի գին է, դրամարկղի մոտ՝ մեկ այլ, ավելի բարձր: Այդ կերպ վարվում են հատկապես հիպերմարկետները, քանի որ մեծ քանակությամբ ապրանք գնողները հաճախ ուշադրություն չեն դարձնում գնապիտակին եւ կտրոնում նշված ապրանքի արժեքի անհամապատասխանությանը:
Երբեմն պատահում է, որ մեծ զեղչերով ապրանքները խոտան են, կամ էլ այնպիսիք, որոնք վաղուց կորցրել են տեսքն ու որակը: Նման դեպքերում հարկավոր է մանրամասն ուսումնասիրել կարը, գործվածքի ամրությունը եւ գնվող հագուստի գույնը:
Հարկ է նկատել, որ վերը նշված բոլոր դեպքերում խախտվում են սպառողի իրավունքները: Խանութում նման բան հայտնաբերելու դեպքում անհրաժեշտ է դիմել Հայաստանի սպառողների իրավունքների պաշտպանության միություն:
Գնումներ կատարելուց առաջ նաեւ հարկավոր է որոշել, թե իրականում ինչ է անհրաժեշտ ձեռք բերել, որպեսզի վաստակած գումարը քամուն չտաք:
Գրիգոր Ավետիսյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը