• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• «Դժոխք Երկրի վրա». դրախտային հունական լողափը վերածվել է մղձավանջի զբոսաշրջիկների բազմության պատճառով

  Հունաստանի գեղատեսիլ լողափը անվանվել է «դժոխք երկրի վրա», քանի որ այն լցվել է անթիվ զբոսաշրջիկների բազմությամբ...

• Փախուստ քաղաքակրթությունից. ինչու են մոլորակի ամենահարուստ մարդիկ հանգստավայրերի փոխարեն ընտրում անտառային խորքերն ու վայրի բնությունը

  Շվեդիայի ամենահյուսիսային դահուկային հանգստավայրը՝ ընդամենը 60 բնակիչ ունեցող Ռիկսգրենսենը, ձմռանն իսկական մագնիս է դառնում ադրենալինի սիրահարների համար։ Բևեռային շրջանից ընդամենը 200 կիլոմետր հեռավորության վրա գտնվող այս փոքրիկ ավանը վերածվել է ֆինանսիստների, տեխնոլոգիական հսկաների ու թոփ-մենեջերների թաքստոց-դրախտի։ Այստեղ սովորական ճոպանուղիներին փոխարինում են ուղղաթիռները, իսկ աղմկոտ զբոսաշրջիկների բազմությանը՝ անմարդաբնակ, վայրի լանջերը, գրում է Robb Report-ը...

Եթե հավատանք ռուսերենով թայլանդական ամսագրին, որ ես պատահաբար հայտնաբերեցի ինչ-որ խանութում, ապա Փհուկետում եղանակը գրեթե միշտ հրաշալի է: Կարծում եմ՝ ձեզ հետաքրքիր կլինի այս տեղեկությունը.

- Հունվար-փետրվար. ծովը հանգիստ է եւ խաղաղ, շատ շոգ չէ: Ամեն օր լավ եղանակ է:

- Մարտ. օրերի մեծ մասն արեւոտ են, օդը տաք է եւ խոնավ: Լավ ժամանակ է առագաստանավային սպորտի համար:

- Ապրիլ-մայիս. եղանակը հրաշալի է: Մայիսի վերջին հնարավոր են կարճատեւ անձրեւներ:

- Հունիս-սեպտեմբեր. անձրեւների շրջան է, աստիճանաբար շոգ եւ խոնավ է դառնում: Ծովն անհանգիստ է, քամի է բարձրանում:

- Հոկտեմբեր. ամսվա սկզբին հնարավոր են անձրեւներ, բայց կեսերից եղանակը կայունանում է:

- Նոյեմբեր. եղանակը հրաշալի է, անձրեւներ չկան, շատ շոգ չէ:

- Դեկտեմբեր. սեզոնի գագաթնակետն է: Ծովը խաղաղ է, երկինքը՝ մաքուր, արեւը՝ վառ:

Պատրաստ եղեք այն բանին, որ այստեղ, ամեն դեպքում, տրոպիկական խոնավ կլիմա է: Շոգին ավելի դժվար ես դիմանում: Ձեր օրգանիզմին կօգնի հարմարվել ջուրը: Չմոռանաք նաեւ արեւից պաշտպանող միջոցների եւ գլխարկի մասին:

Դուք օտար երկրում եք, դուք հյուր եք, հարգալից եւ քաղաքավարի եղեք: Անհարմար դրության մեջ չընկնելու համար առաջարկում եմ ծանոթանալ մի քանի շատ կարեւոր օրենքների:

Թայլանդացիները շատ են սիրում իրենց թագավորին, բառացիորեն աստվածացնում են, այդ պատճառով խորհուրդ եմ տալիս նրա մասին հարգալից խոսել: Թագավորին վիրավորելու համար օրենքով 7 տարի ազատազրկում է նախատեսվում:

Թայլանդում պետական կրոնը, ինչպես գիտեք, բուդդայականությունն է: Բուդդայի արձաններին եւ պատկերներին ընդունված է պատկառանքով վերաբերվել: Ի դեպ, իրենց տան առջեւ թայլանդացիները Բուդդայի արձան են կանգնեցնում, ուր ամեն առավոտ, որպես հարգանքի նշան, միրգ եւ գինի են բերում (նույնիսկ առեւտրային տաղավարներում փոքրիկ արձանիկներ կան, որոնք, ինչպես մեզ բացատրեցին, հաջողություն են բերում):

Վանականները հասարակության ամենից պատվավոր անդամներն են: Կանանց խստիվ արգելվում է դիպչել վանականին կամ նրա հագուստին: Տաճար մտնելիս կոշիկները հանում են, իսկ հագուստը պետք է ծածկի ուսերն ու ծնկները:

Երբեք ձեռք մի տվեք ոչ մեկի գլխին կամ մազերին, իսկ եթե պատահաբար դիպչել եք, անմիջապես ներողություն խնդրեք:

Թմրանյութերի տարածման, օգտագործման եւ պահպանման համար պատիժը խիստ է, ընդհուպ մինչեւ մահապատիժ: Կատակ չէ:

Հարազատների եւ մտերիմների համար հուշանվերներ խորհուրդ եմ տալիս գնել տեղական շուկայում. այնտեղ ավելի էժան է, քան տարատեսակ էքսկուրսիաների վայրերում, լողափերին կամ օդանավակայանում: Թայլանդացիների հետ կարելի է եւ պետք է սակարկել: Իհարկե, նրանք ավելի քչախոս են, քան, օրինակ, արաբները, բայց եւ այնպես… Նաեւ նրանք այսպիսի առանձնահատկություն ունեն. շատ են վիրավորվում եւ նույնիսկ ագրեսիվ են դառնում, եթե իրենց ապրանքի գինը հարցնում ես, սակարկում, իսկ հետո առանց որեւէ բան գնելու հեռանում ես: Նրանց համար անհասկանալի է, որ մենք ինչ-որ իրի գին կարող ենք հարցնել հետաքրքրությունից դրդված կամ հասկանալու համար, թե որքան կարող են զեղչել նախապես ասվածից:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում