Ուկրաինական «Ձայնը» նախագծի ժյուրիի անդամներն արդեն որերորդ եթերաշրջանն է` հնարավորություն են ունենում հիանալու հայ մասնակիցների վոկալային տվյալներով: Օրերս նրանց կրկին անակնկալի բերեց 14-ամյա Լիանա Անդրեասյանը, որը «Մանկական Ձայնը» նախագծում կատարեց KAZKA խմբի «Плакала» երգը: Ու թեեւ ժյուրիի անդամները, գրեթե, ձեւավորել էին իրենց խմբերը` երգիչ DZIDZIO-ն չդիմացավ գայթակղությանն ու շրջվեց հայուհու կատարման ընթացքում:
Լիանայի ելույթը անտարբեր չի թողել նաեւ NEWS.am STYLE-ին: Պատանի երգչուհու հետ զրուցել ենք մրցույթին մասնակցության եւ ակնկալիքների մասին:
Լիանան ծնվել է Հայաստանում, բայց ապրում է Մոսկվայում: Երգում է տասը տարեկանից: «Ձայնը» երգչուհու առաջին մրցույթը չէ. շատերը նրան կհիշեն նաեւ «Դեպի Մանկական Եվրատեսիլ» նախագծից, որին երգչուհին մասնակցել է անցած տարի, իսկ ուկրաինական նախագծին մասնակցել է, որովհետեւ նրան միշտ դուր է եկել այդ մրցույթի մոտեցումը.
«Ինձ հատկապես դուր է գալիս ուկրաինական «Ձայնը» նախագծի որակը, դրա համար էլ ես եւ մայրիկս որոշեցինք այդ նախագծի մասնակցության հայտը լրացնել»,-NEWS.am STYLE-ին պատմեց երգչուհին` հավելելով, որ մրցույթի նախնական փուլերին պատրաստվել են մայրիկի հետ: Իր մարզչի` DZIDZIO-ի արձագանքն էլ որքան անսպասելի է եղել, նույնքան` հաճելի.
«Աննկարագրելի էր, երբ նա շրջվեց: Հրաշալի է, որ գնահատեց կատարումս: DZIDZIO-ի հետ աշխատելը շատ հեշտ է. նա շատ բարի է, ունի հումորի մեծ զգացում եւ միշտ աջակցում է իր բոլոր մասնակիցներին»:
Լիանան դեռեւս չի կարող բացահայտել, թե ինչ է ներկայացնելու հաջորդ փուլում, բայց նշում է. «Երկրորդ փուլի համարի շուրջ շատ ենք աշխատել: Դեռ չգիտեմ` երբ, բայց հուսով եմ` շատ շուտով այն կլինի եթերում»:
Երգչուհին «Կույր լսումներ» փուլում նշել էր, որ իրեն հատկապես ոգեշնչել է «Ձայնը» նախագծում Սրբուհի Սարգսյանի մասնակցությունն ու հաջողությունը: Ի դեպ, Սրբուկն այդ տեսանյութը տեղադրել էր Instagram-ում եւ հաջողություն մաղթել Լիանային, ինչը 14-ամյա հայուհուն էլ ավելի է ոգեւորել:
Լիանան մեծ սպասումներ ունի մրցույթից. «Քանի որ «Ձայնը» նախագիծը շատ հեղինակավոր ծրագիր է, շատ մարդիկ են ծանոթաում իմ երգեցողությանը, ինչն ինձ ոգեւորում է ու ոգեշնչում հետագա քայլերիս համար»,-ասում է նա:
Սյունե Առաքելյան
Լուսանկարները`Լիանայի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում22:24, 8 մայիսի
Մայքլ Դուգլասը համեմատել է սեքսուալ տեսարանների նկարահանումները իր ծաղկման ժամանակների հետ. «Ես անցել եմ այն տարիքից, երբ պետք է անհանգստանայի»21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին