Հայտնի դառնալով՝ շատ աստղեր մոռանում են գումարի արժեքի մասին։ Նրանց մի մասը մի ամբողջ ունեցվածք է ծախսում առանձնատների, մյուսները՝ շքեղ իրերի եւ այլնի վրա։ Cosmo-ն ներկայացրել է աստղերի, որոնք բացառություն են կազմում։ Նրանք միլիոններ են աշխատում, բայց բավական համեստ են ապրում։
Կիանու Ռիվզ
Թեեւ Կիանու Ռիվազը հսկայական ունեցվածք ունի, նա իր համար թանկարժեք ավտոմեքենաներ ու հսկայական տներ չի գնում։ Դերասանը համեստ կյանք է վարում եւ գրեթե ամբողջ եկամուտը ծախսում է բարեգործության վրա։ Հոլիվուդյան համակրելի դերասանը երթեւեկում է մետրոյով, ընտրում մաս-մարկետի հագուստ եւ իրեն սուպերաստղ չի համարում։ Երբ նրա քրոջ մոտ ախտորոշվել է «լեյկեմիա» հիվանդությունը, Ռիվզը բարեգործական ֆոնդ է հիմնել, որն օգնում է մանկական հիվանդանոցներին եւ ֆինանսավորում հետազոտություններ քաղցկեղի բուժման ոլորտում։
Էշթոն Քաթչեր եւ Միլա Կունիս
Էշթոն Քաթչերն ու Միլա Կունիսը գիտեն՝ ինչ գնով է ձեռք բերվում գումարը։ Երկուսն էլ ծնվել են ոչ հարուստ ընտանիքում եւ շատ են աշխատել՝ իրենց ու երեխաներին անհոգ ապագա ապահովելու համար։ Թեեւ այժմ նրանք գումարի կարիք չունեն, խնայողական են ապրում։ Նրանք ուշադրությամբ են մոտենում ընտանեկան բյուջեի բաշխմանը եւ ավելորդություններ թույլ չեն տալիս։ Աստղերը նույն կերպ դաստիարակում են որդուն ու դստերը։
Ջենիֆեր Լոուրենս
Ջենիֆեր Լոուրենսի դեպքում եւս չեն նկատվում աստղային հիվանդության ախտանշաններ։ Նույնիսկ ճանաչում ստանալով պրոֆեսիոնալ ոլորտում՝ դերասանուհին հավատարիմ է մնացել իր սովորություններին եւ չի փոխել կենսակերպը։ Ջենը խոստովանում է, որ սիրում է տանը մնալ։ Դերասանուհուն ուրախություն են պարգեւում պարզ բաներ՝ համեղ ուտելիք եւ լավ կինո։ Եկամուտների մի մաըը նա ուղղում է բարեգործությանը, իսկ մնացած գումարը՝ հավաքում։
Ռասել Քրոու
Կարգավիճակն ու եկամուտները Ռասել Քրոուին թույլ են տալիս շքեղ ապրել, սակայն դա նրան հարկավոր չէ։ Դերասանը ռանչո է գնել Ավտսրալիանում եւ արդեն մի քանի տարի է՝ ապրում է այնտեղ։ «Ես Հոլիվուդ կտեղափոխվեմ, միայն եթե Ավստրալիան եւ Նոր Զելանդիան վերջնականապես ջրասույզ լինեն, եթե Եվրոպայում ժանտախտ լինի, իսկ աֆրիկյան մայրցամաքն անհետանա մարսեցիների հարձակումից»,- հարցազրույցներից մեկում հայտարարել է Քրոուն։ Նա վերանայել է իր վերաբերմունքը «կինոտուսովկայի» նկատմամբ եւ չի ցանկանում իրեն դրա մասը համարել։
Ջենիֆեր Գարներ
Ջենիֆեր Գարները եւս կարծես չի ճանաչում իր աստղային կարգավիճակը։ Դերասանուհին մթերք գնում է շուկայից եւ ամենասովորական խանութների հագուստ կրում։ Նա թիկնապահներ չունի. հանրային վայրերում նա հայտնվում է ընկերների ընկերակցությամբ։ Ջենը միլիոններ չի ծախսում առանձնատների եւ ավըոմեքենաների վրա եւ հեծանիվ է գերադասում։ Մի խոսքով, գրեթե ոչնչով չի տարբերվում մեզանից շատերից։
Կիրա Նայթլի
Կիրա Նայթլին փորձում է իրեն ետ պահել ինքնաբերական գնումներից։ Դերասանուհին իր համար ամսական սահմանաչափ է ընտել եւ ձգտում է դրանից շատ գումար չծախսել։ Նա հագուստի դեմոկրատական ապրանքանիշեր է ընտրում, չի օգտվում անձնական ոճաբանների ծառայությունից։ «Ինձ թվում է՝ լյուսքի ոճի կենսակերպ վարելով՝ դուք չեք կարող իսկապես շփել մարդկանց հետ, որոնք այլ կերպ են ապրում։ Դա հեռացնում է ձեզ։ Իմ լավագույն, ամենաուրախ ժամանակներն անցել են ամենաքիչ շքեղ վայրերում»,- ասում է նա։
Լուսանկարները՝ Getty Images, persona Stars, Glamour
Հետևեք NEWS.am STYLE-ին Facebook-ում, Twitter-ում և Instagram-ում
19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի