Այսօր կյանքի ռիթմն այնքան արագ եւ հագեցած է, որ կինը ժամանակ չի կարողանում գտնել իր համար, մոռանում է սեփական երջանկության ու հանգստության մասին եւ կորցնում իր կանացիությունը:
Կանացիությունը տարբեր է լինում: Լինում են դեպքեր, որ կնոջ արտաքինը շատ կանացի է, բայց նրա կողքին անհնար է ապրել: Սակայն առավել գնահատելի է, որ կինը կանացի լինի եւ արտաքնապես, եւ ներաշխարհով: Այս հարցում կարող են օգնել կյանքի հետեւյալ չորս մակարդակները՝
Ֆիզիկական մակարդակ. այն ինչ վերաբերում է մեր մարմնին
Զգայական մակարդակ. ներառում է այն ամենը, ինչ կապված է հարաբերությունների հետ
Ինտելեկտուալ մակարդակ. մեր գիտելիքները, տեղեկությունները եւ այլն
Հոգեւոր . շփում Աստծո հետ, կյանքի իմաստը հասկանալու մակարդակ
Կանացիությունը ֆիզիկական մակարդակում
Այս մակարդակում առաջին հերթին ընդգրկված է ձեր արտաքին տեսքը, հագուստը: Որքանո՞վ է հագուստը ընդգծում ձեր մարմինն ու կանացիությունը, որքանո՞վ է այն պահպանում կնոջ էներգիան: Մի՞գուցե այն սադրիչ է եւ գայթակղու՞մ է դիմացինին: Ի՞նչ տեսք ունի ձեր մաշկը: Արդյո՞ք հարկավոր է խնամել մաշկը: Ճի՞շտ են համադրված աքսեսուարները: Իսկ մազե՞ր. առողջ եւ փայլուն տե՞սք ունեն դրանք...
Բացի նշված երեւույթներից, կարեւոր է նաեւ մեր եւ միջավայրի ներդաշնակությունը: Կարողանու՞մ ենք արդյոք գեղեցիկ մթնոլորտ ստեղծել ձեր շուջը: Կարողանու՞մ եք ազատվել ձեր կյանքում այլեւս տեղ չունեցող երեւույթներից: Հաջողվու՞մ եք պահպանել մաքրությունը։: Կարողանու՞մ եք սերը դնել ամեն ինչում եւ այլն:
Կանացիության զգայական մակարդակ
Քանի որ այս մակարդակը մեծապես կապված է հարաբերություններով, ապա այստեղ ամեն ինչ շատ ավելի դժվար է: Հասկանու՞մ եք ինքներդ ձեզ, ձեր պահանջներն ու ցանկությունները: Կարողանում եք ճիշտ շփվել հարազատների հետ: Հասկանու՞մ եք ձեր մտերիմների ցանկությունը: Կարողանու՞մ եք հաճույք ստանալ հարաբերություններից:
Կարողանու՞մ եք երջանկություն պարգեւել դիմացինին: Գիտեք ներել կամ հանդուրժել վիրավորանքը: Կարող ենք ընդունել ձեր հարազատներին՝ իրենց բոլոր առավելություններով եւ թերություններով հանդերձ: Զբաղվու՞մ եք ինքնազարգացմամբ, արվեստով: Կարողանու՞մ եք աջակցել, սատարել, ոգեշնչել տղամարդուն, թե միայն պահանջներ եք ներկայացնում եւ ճնշում նրան: Սրտո՞վ եք ապրում, թե՞ ուղեղով, կարողանում եք հասկանալ այն, ինչ զգում եք: Կարողանու՞մ եք ընդունել սերը նրանից, ով նվիրում է այն ձեզ: Ինչու՞ եք փորձում կանացի լինել՝ ձեզ համար, թե ինչ-որ մեկի կյանքը լուսավորելու եւ նոր գույներով լցնելու համար...
Ինտելեկտուալ կանացիություն
Արդյոք համատեղելի՞ են կանացիությունն ու ինտելեկտը: Կարծիք կա, որ կանացի եւ գրավիչ կինը փոքր-ինչ հիմար է, սակայն կանացիությունը ենթադրում է նաեւ իմաստություն: Իսկական կինը գիտի, թե ինչ է ցանկանում, ինչ կարող է անել: Նա գիտի, թե ինչպես պետք է խոսի եւ դրսեւորի իրեն հասարակության շրջանում, ընդ որում առանց ձեւացնելու, առանց դիմակի: Պարզապես նա մարդկանց տհաճ հարցեր չի տալիս, գռեհիկ չի լինում եւ սխալ քայլերի համար ներողություն է խնդրում: Գիտի տղամարդուն լսել. սկզբում՝ հորը, իսկ հետո՝ ամուսնուն: Նա խոսում է ճիշտ բառապաշարով: Կանացիությունը ենթադրում է նաեւ ձգտում լավագույնին:
Հագեւոր կանացիություն
Հասկանու՞մ եք, որ դուք ինչ-որ մի ամբողջի մասնիկ եք, թե կարծում եք շուրջն առկա ամեն ինչ ձեր ձեռքբերով եք ստեղծել: Շնորհակա՞լ եք վերին ուժերին այն ամենի համար, ինչ ունեք, թե միայն խնդրում ու խնդրում եք: Մտածու՞մ եք, որ վերին ուժերն ավելի ճիշտ գիտեն, թե երբ եւ ինչ պետք է պատրաստեն ձեզ համար: Կարողանու՞մ եք բացել ձեր սիրտը վերին ուժերի առաջ: Կարողանու՞մ եք աղոթել հարազատների համար: Հասկանու՞մ եք, որ ամեն ինչից առավել մարդիկ սիրո եւ ջերմության կարիք ունեն: Օգնու՞մ եք ուրիշներին: Բարեգործությամբ զբաղվու՞մ եք. թեկուզ ժամանակ առ ժամանակ...
Իհարկե, կլինեն մարդիկ, որ միգուցե այս ամենը հիմարություն համարեն եւ չհավատան կանացիության զորեղ ուժին: Սակայն իրական կանացիությունը կասկածներ չի հարուցում: Նման կնոջ մեջ տղամարդիկ առաջին հերթին կին են տեսնում:
Աղբյուրը՝ Creu.ru
Հետևեք NEWS.am STYLE-ին Facebook-ում, Twitter-ում և Instagram-ում
23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix Էքսկլյուզիվ ֆիլմեր և սերիալներ՝ առանց սահմանափակումների, առանց գովազդի և ֆանտաստիկ որակի21:34, 2 մայիսի
1968 թվականի Grand Seiko ժամացույցն աճուրդում վաճառվել է ավելի քան 90,000 դոլարով20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը15:10, 2 մայիսի
Քիմ Քարդաշյանը պատրաստվում է նոր ֆոտոշարքի14:38, 2 մայիսի
Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար13:53, 2 մայիսի
Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»13:20, 2 մայիսի
Քենդալ Ջենները կիսվել է գեղեցկության իր գաղտնիքներով12:56, 2 մայիսի
«The View»-ն քննարկում է այն լուրերը, ըստ որոնց ԱՄՆ նախկին նախագահ Դոնալդ Թրամփը դատավարության ժամանակ «գազեր է բաց թողնում»