• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Ինչպես նախորդ շաբաթների ընթացքում՝ այս շաբաթ էլ հայտնիներն Instagram-ում կիսվել են իրենց կարանտինային առօրյայով, սիրելի մարդկանց հետ լուսանկարներով, վառ դիմահարդարմամբ կամ անշպար կերպարներով:

Երգչուհի Լիլիթ Հովհաննիսյանն ինստագրամյան հրապարակմամբ տեղեկացրել է, որ Բրազիրլիայում է: Լիլիթը նշել է, որ այնտեղ մեկնել էր համերգի նպատակով, սակայն ստեղծված իրավիճակով պայմանավորված՝ ստիպված է անորոշ ժամանակով իր կարանտինն անցկացնել Բրազիլիայում:

«Արդեն Հայաստան վերադառնալս երազումս եմ տեսնում»,-գրել է երգչուհին:

Իսկ Անահիտ Սիմոնյանին հաջողվել է Մոսկվայից վերադառնալ Երեւան: Երգչուհի-դիզայներն այս մասին հայտնել է ինստագրամյան հրապարակումով: Անահիտն այս պահին ինքնամեկուսացած է: Ավելի ուշ երգչուհին պատասխանել է նաեւ երկրպագուներին հետաքրքրող հարցերին: Դրանցից մեկը վերաբերում էր թեստավորում անցնելուն: Անահիտը տեղեկացրել է, որ Մոսկվայում երկու անգամ կորոնավիրուսի թեստ է հանձնել, պատասխանը եղել է բացասական:

Շաբաթվա ամենասեքսուալ լուսանկարն, իհարկե, Լիլի Մորտոյի կողմից էր: Սկանդալային շիկահերն այս անգամ ցուցադրել է իր լողափնյա կերպարը՝ կրկին գրավելով իր բարեմասնություններով:

Զավեշտալի հոլովակ են ներկայացրել Զարուհի Բաբայանն ու դուստրը՝ Սոֆի Դեւոյան-կրտսերը: Նրանք ցույց են տվել 10 վայրկյանանոց հետաքրքիր հոլովակ, որը Զարուհու խոսքով՝ նկարահանել են 4 ժամում:

Посмотреть эту публикацию в Instagram

Публикация от Zaruhi Babayan (@zaruhibabayanofficial) 5 Апр 2020 в 5:47 PDT

Այս շաբաթն առանձնացավ նաեւ ամենագեղեցիկ տոներից մեկով, որն է՝ Մայրության եւ գեղեցկության օրը, որի շրջանակում շատերը շնորհավորեցին իրենց ամենաթանկ էակներին՝ մայրերին: Դերասանուհի Տաթեւիկ Ադումյանը մայրիկի հետ լուսանկար է հրապարակել՝ հուզիչ գրառում կատարելով:

«Մայրն ամենալավն է, ամենագեղեցիկն է, ամենաշատն է մեզ սիրում, ամենահոգատարն է, ամենաջերմն է մեզ գրկում, ամենաուժեղն է, այո, այո, հորից էլ ուժեղ է որոշ առումներով ... Չեմ վախենա ասել, որ մայրն ամենակարեւոր հերոսն է յուրաքանչյուրիս կյանքում։ Ուզում եմ, որ բոլոր մայրերը երջանիկ լինեն եւ գեղեցիկ մնան, որ շատ ուժեղ լինելու կարիք չունենան։ Իսկ իմ շատ սիրելի եւ գեղեցիկ մայրիկին ուզում եմ ասել, որ շատ եմ կարոտում եւ սպասում, որ շատ շուտով նորից հանդիպենք, որ քեզ պինդ գրկեմ»,-գրել է նա:

Ապրիլի 8-ին պարուհի Սոնա Եսայանը նշում էր ծննդյան 27-ամյակը, ինչի առիթով նրան շնորհավորել է ամուսինը՝ հումորիստ Գրիգ Գեւորգյանը: Նա կնոջ հետ լուսանկար է հրապարակել եւ անկեղծացել.

«Ի՞նչ մաղթեմ քեզ: Ուզում եմ` ուղղակի միշտ ժպտաս ու լինես անհոգ: Ոչ մի խնդիր մի լուծիր, պարզապես ուրախացիր, ժպտա ու պարիր: Ուրիշ ոչ մի բան... Մի մտածիր ոչ մի դժվարության մասին` դրանց մասին ես կմտածեմ: Դժվարը կհեշտացնեմ, անհարթը կհարթեցնեմ, անհնարը հնարավոր կդարձնեմ: Իսկ դու մենակ անհոգ ժպտա ու միշտ եղիր իմ կողքին:

Սիրում եմ քեզ: Շնորհակալ եմ մեր հանդիպման համար: Ես վայելում եմ մեր կյանքի ամեն մի ակնթարթը: Միշտ, հավերժ... Կյանքում միշտ գնա առաջ, միշտ, առանց կանգնելու, քո անիրական արագությամբ, քո ոչ ստանդարտ գաղափարներով, որոշումներով, քո մեծ հաղթանակներով: Գնա առաջ, ամեն վայրկյան ինչպես որ գնում ես, ու գնա միշտ համարձակ։ Ես քո մեջքի հետեւից գալիս եմ, իմ աղջիկ»,-գրել է հումորիստը:

Շաբաթվա ընթացքում հայտնի հայուհիներից մի քանիսը կիսվեցին նաեւ առանց դիմահարդարման լուսանկարներով, ինչը, կարծես, հաճելի ավանդույթ է դարձել հայտնիների շրջանում:

Իրենց բնական արտաքինն են ցուցադրել Սիլվի Բարկովան, Մարտան, Հասմիկ Խոջյանն ու Սրբուկը:

Մնացեք տանը եւ առողջ եղեք, իսկ մենք ամեն շաբաթ կշարունակենք հետեւել ձեզ հետաքրքրող աստղերի ինստագրամյան ակտիվությանը:

Հետևեք NEWS.am STYLE-ին Facebook-ում, Twitter-ում և Instagram-ում