Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

«Նկարահանման ժամանակ օտարերկրացի դերասանները շատ բաներ սովորեցին Հայոց ցեղասպանության մասին». «Խոստումը» ֆիլմից Ռոման Միտիչյանի հուշերը

16:04, 24 ապրիլի

2016 թ-ին էկրաններ բարձրացած «Խոստումը» ֆիլմը աշխարհում շատ հեռուստադիտողների ուշադրության կենտրոնում հայտնվեց ոչ միայն իրական պատմական փաստերի, այլեւ հոլիվուդյան աստղեր Օսկար Այզեքի, Քրիստիան Բեյլի եւ Շարլոտ Լե Բոնի մասնակցության շնորհիվ: Ռեժիսոր Թերի Ջորջի՝ Հայոց ցեղասպանության մասին պատմող այս ֆիլմը 4 տարի անց էլ շարունակում է ավելի լայն լսարանների հասցնել Հայոց պատմության ամենածանր էջի մանրամասները: Այս մասին փաստում է նաեւ ԱՄՆ-ում բնակվող դերասան Ռոման Միտիչյանը, որը ֆիլմասերներին ծանոթ է հոլիվուդյան մի շարք նախագծերում իր դերակատարումներով («Ֆորսաժ 7», «Կարիճը», «Փախուստի ծրագիր», «Ջոն Ուիք» եւ այլն), որոնցից մեկը «Խոստում»-ն է: Ռոմանը ֆիլմում մարմնավորում է Վանին՝ ազատամարտիկ, որը պայքարի հետ զուգընթաց օգնում է մարդկանց փախչել եւ պատսպարվել Օսմանյան կայսրության ոճրագործություններից:

NEWS.am STYLE-ը դերասանի հետ բազմիցս զրուցել է իր մասնակցությամբ հոլիվուդյան ֆիլմերի եւ աստղային համագործակցությունների մասին: Այսօր՝ Ապրիլի 24-ին, վերհիշել ենք «Խոստումը» ֆիլմի նկարահանման հրապարակը, դերասանների հետ նրա զրույցներն ու պարզել՝ ինչպես են ԱՄՆ-ում բնակվող մեր հայրենակիցները ոգեկոչում Հայոց ցեղասպանության զոհերի հիշատակը հայրենիքից հեռու…

Ռոմանը խոստոնավում է՝ երբ լսել է, որ Հոլիվուդում նման ֆիլմ է նկարահանվելու, աննկարագրելի էմոցիաներ է ունեցել.

«Երբ ստացա ֆիլմի սցենարը, ինձ այն այնքան հուզեց, որ մոտ 6 անգամ կարդացել եմ... Սովորաբար մյուս սցենարները կարդում եմ 3-4 անգամ: Ես հայ եմ, եւ մեր ժողովրդի պատմության մի մասնիկը լինելը շատ հատուկ բան է ինձ համար. նկարահանման հրապարակում անցկացրած ամեն օրն ու ամեն ժամն ինձ համար շատ հուզիչ էր` մարտի տեսարանից, մինչեւ սարեր բարձրանալը... Ամեն ինչ այնքան իրական էր թվում: Եղել են օրեր, երբ ինձ կորցրել եմ, դրա մասին չեմ ուզում հիմա խոսել, բայց, միգուցե, մի օր կիսվեմ այդ պատմությամբ եւս»:

Ռոմանը վերհիշեց նաեւ ֆիլմի դերասանական կազմի հետ իր նկարահանումներն ու զրույցները.

«Ես մարմնավորել եմ Վանին, որն ազատամարտիկ էր, որն օգնում էր մարդկանց ու պայքարում: Մի քանի դրվագ ունենք Օսկար Այզեքի եւ Ռեյդ Շերբեդջիայի հետ, որոնք միշտ կհիշեմ: Ֆիլմում ներառված օտարերկրացի դերասաններից շատերը, ցավոք, անգամ չէին իմանում Հայոց ցեղասպանության մասին, բայց նկարահանման ժամանակ շատ բաներ սովորեցին, ինքս էլ շատերի հետ զրուցել եմ ու պատմել: Փաստերով ներկայացրել եմ մեր պատմությունը, որպեսզի նրանք ավելի արժեւորեն իրենց ներկայությունն այս ֆիլմում եւ չընկալեն դա, որպես, ուղղակի, բարձր բյուջե ունեցող հերթական ֆիլմ, որտեղ կան հոլիվուդյան աստղեր: Իհարկե, զրույցներ ունեցել եմ նաեւ ֆիլմի աստղերի հետ: Նրանք 100%-ով հարգում են մեր պատմությունը: Թե´ Քրիստիան Բեյլը, թե´ Օսկար Այզեքը, թե´ Ժան Ռենոն, թե´ Ռեյդ Շերբաջիան` բոլորը ֆանտաստիկ աշխատանք են կատարել, եւ ես միշտ շնորհակալ կլինեմ նրանց»:

Դերասանն անդրադարձավ նաեւ աշխարհում Հայոց ցեղասպանության մասին իրազեկելու հարցում ֆիլմի հաջողությանը.

«Այո, ֆիլմը շատ բաներ է փոխել. շատ մարդիկ չգիտեին Հայոց ցեղասպանության մասին մինչ այս ֆիլմը: Պետք է միշտ մեծարենք Քըրք Քըրքորյանին, որը իրականություն դարձրեց այս գաղափարը, իմ լավ ընկերներ Էրիկ Էսրաելյանին, Սերժ Թանկյանին ու շատերին. սա մի ամբողջ պատմություն էր, իսկապես կրթող ֆիլմ»:

Ինչպես Հայաստանում՝ ԱՄՆ-ում բնակվող մեր հայրենայիցներն էլ այսօր հատուկ մոմավառությամբ հիշատակում են Հայոց ցեղասպանության զոհերի հիշատակը: Ռոմանն ասում է՝ այնտեղ էլ պատուհանագոգերին վառված մոմեր են տեղադրվում.

«Այստեղ էլ մարդիկ մոմեր են վառում պատուհանների մոտ, կարծում եմ` բոլոր հայերը այսօր պետք է այդպիսով հիշեն ու հարգեն 1915 թ-ի Մեծ Եղեռնի զոհերին»:

Սյունե Առաքելյան

Լուսանկարները՝ Ռոման Միտիչյանի արխիվից


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English


  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ