Երգչուհի Ժաննա Ֆրիսկեի ծնողները նրա նախկին ամուսնուց՝ հեռուստահաղորդավար Դմիտրի Շեպելեւից դատարանի միջոցով յոթ մլն ռուբլի կստանան, հայտնում է «Մոսկովսկի կոմսոմոլեց»-ը։ Մոսկվայի դատարանը քննության ընթացքում հեռուստահաղորդավարին պարտավորեցրել է Օլգա եւ Վլադիմիր Ֆրիսկեներին վճարել պարտքի (21,6 մլն ռուբլի) մեկ երրորդը, որը նրանցից բռնագանձել էին հօգուտ «Ռուսֆոնդ» բարեգործական կազմակերպության։
Դատարանը «Ռուսֆոնդ»-ի հայցը բավարարել է 2017թ.-ի մայիսին՝ Ֆրիսկեի ծնողներին ու Շեպելեւին պարտավորեցնելով վերադարձնել միջոցները, որոնք հատկացվել էին քաղցկեղից երգչուհու բուժման նպատակով։ Այդ ժամանակ որպես պատասխանող հանդես են եկել Օլգան ու Վլադիրմիրը, Շեպելեւն ու նրա ու Ֆրիսկեի որդին՝ Պլատոնը։ Արդյունքում պարտքը մարել են երգչուհու ծնողները։
Դրանից հետո նրանք պահանջել են, որ Շեպելեւը, որի հետ Պլատոնը շարունակում է ապրել, իրենց վերադարձնի գումարի մեկ երրորդը, որը վճարվել է հիմադրամին։ Իր հերթին Շեպելեւը Ժաննայի ծնողներին հակընդդեմ նյութական պահանջներ է ներկայացրել 10,1 մլն ռուբլու չափով՝ 21,6 մլն ռուբլու մեկ երրորդն ու այդ ընթացքում կուտակված տոկոսները։ Հեռուստահաղորդավարի կարծիքով՝ այդ գումարը պետք է պատկանի անչափահաս Պլատոնին։
Դատարանը պահանջները քննել է մի գործի շրջանակներում։ Նիստի ընթացքում պարզվել է, որ Շեպելեւը Ֆրիսկեի ծնողներին առաջարկել է խաղաղ համաձայնության գալ, սակայն նրանք հրաժարվել են։ «Մենք հավատում էինք, որ ամբողջ գումարը ծախսվել է Ժաննայի կարիքների համար։ Ժաննայի մահվանից երկու շաբաթ առաջ գումարը հանելու փաստն արձանագրվել է միայն Պերովսկի շրջանի դատարանի կողմից։ Այդ ժամանակ Շեպելեւն իմացել է, որ Ժաննայի հարազատները այն «պահել են թոռան համար»,- հայտարարել է հեռուստահաղոդավարի ներկայացուցիչը։
Երգչուհու մայրը նախորդ նիստի ընթացքում պնդել է, որ այդ գումարը հանել է դստեր խնդրանքով, որն այն ծախսել է իր հայեցողությամբ։ «2014թ.-ի դեկտեմբերից Ժաննան չէր քայլում, իսկ 2015թ.-ի մարտից կոմայի մեջ էր։ Ինչպե՞ս կարող էին նրանք այդ գումարը փոխանցել Ժաննային, եթե նա չէր կարող պատասխան տալ իր համար»,- նշել է Շեպելեւի փաստաբանը։ Նա հավելել է, որ Ֆրիսկեի ծնողները գումարն իրենց մոտ են պահել, սակայն գումարը չեն գտել ոչ երգչուհու, ոչ նրա ծնողների հաշիվներում։
Լսելով երկու կողմերի ներկայացուցիչներին՝ դատարանը որոշում է կայացրել հօգուտ երգչուհու ծնողների։
Աղբյուրը՝ RBC
Հետևեք NEWS.am STYLE-ին Facebook-ում, Twitter-ում և Instagram-ում
16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ