Մարդու հույզերը կարող են ազդել քրոնիկ ցավերի արտահայտման վրա եւ անգամ դրանց պատճառ դառնալ։ Անկասկած, ֆիզիկական վնասվածքներն ու տարբեր հիվանդությունները ցավերի հիմնական պատճառներն են։ Սակայն հուզական խնդիրները նույնպես կարող են ցավի աղբյուր դառնալ։
Առաջին հերթին անհրաժեշտ է բացառել ցավի ֆիզիկական աղբյուրները, դիմել մասնագետի եւ միայն դրանից հետո սկսել փնտրել ցավի հուզական պատճառները։
Ստորեւ մենք ուսումնասիրում ենք ցավի զգացողությունների ցուցակը, որոնք կարող են պայմանավորված լինել, ասենք, մկանը ձգելու, վնասվածքի կամ հիվանդության հանգամանքով։ Օրինակ՝
Գլխացավ, պարանոցի եւ ուսերի ցավեր
Ցավեր արմունկներում եւ ձեռքերում
Ազդրերի, ծնկների, սրունքների, թաթերի եւ կոճերի ցավեր
Հուզական ցավեր գլխում, պարանոցում եւ ուսերում
Գլխացավը կարող է պայմանավորված լինել մարմնի առաջնահերթ պահանջներով։ Միգրենը եւ այլ գլխացավերը կարող են վկայել ջրի, սննդի, օրգանիզմում որեւէ նյութի պակասի կամ ավելցուկի մասին։ Սակայն գլխավոր պատճառը սթրեսն է։ Հանգստացեք եւ թուլացեք։
Պարանոցի ցավը կարող է առաջանալ մեղքի զգացողության հետեւանքով, որից Դուք չեք կարողանում ազատվել։ Եթե Դուք ոչ մի կերպ չեք կարող ներել Ձեզ կամ Ձեր մտերիմ մարդուն, փորձեք մեդիտացիա անել այդ զգացողությունից ազատվելու համար։
Ամեն օր մեր ուսերին խնդիրների կույտ է դրվում բառացի եւ փոխաբերական իմաստով։ Այդ աներեւույթ բեռը ցավի զգացողություն է առաջացնում։ Սովորեք վերացարկվել խնդիրներից, հատկապես նրանցից, որոնք Դուք չեք կարող լուծել։
Մեջքի վերին եւ ստորին հատվածում ցավի հուզական աղբյուրներ
Հենց մեջքի վերին հատվածն է անհանգստացնում մարդկանց, որոնք մտերիմներից աջակցություն չեն ստանում։ Սիրո պակասը, ուշադրության եւ հոգատարության բացակայությունը այդ շրջանում ցավի հնարավոր աղբյուր են։ Հնարավոր է, եկել է ժամանակը ամրացնել կապերը մտերիմ մարդկանց հետ եւ գտնել սիրելիին։
Եթե ցավում է մեջքի ստորին հատվածը, դա կարող է նշանակել, որ Դուք վստահ չեք Ձեր ֆինանսական կայունության մեջ։ Ջանացեք լուծել ֆինանսական խնդիրները, գումար խնայեք եւ փորձեք գրագետ պլանավորել բյուջեն։
Արմունկներում եւ ձեռքերում ցավերի հուզական պատճառներ
Ձեռքերի վերին հատվածում եւ արմունկներում ցավերը կարող են նշանակել, որ բացակայում է ճկունությունը։ Կյանքում փոփոխությունները ծանր տանելը կարող են մարմնի այդ հատվածներում ցավերի պատճառ դառնալ։ Փորձեք ոչ թե դիմադրել փոփոխություններին, այլ ընդունել դրանք։ Հիշեք, որ փոփոխությունների մեծ մասը տանում է դեպի լավը։
Ընկերական շփման պակասը կարող է ձեռքերում ցավի պատճառ դառնալ։
Ընկերների կարիքը զգալը, ընկերական շփման պակասը կարող է ձեռքերի ստորին հատվածում, այդ թվում՝ ափերի մեջ ցավի պատճառ դառնալ։ Փորձեք ավելի ակտիվ շփվել գործընկերների հետ կամ հանդիպել հին ընկերներին, որպեսզի այդ ցավն ամոքեք։
Ազդրերի, ծնկների, սրունքների, կոճերի եւ թաթերի ցավ
Ազդրերի ցավը կարող է առաջ շարժվելու վախի եւ ցանկության բացակայության հետեւանք լինել։ Հնարավոր է՝ ազդրի ցավը կարեւոր որոշում կայացնել չցանկանալն է։ Հիշեք, որ բոլոր դժվարություններն ու արգելքները միայն ձեր գլխում են։ Բախվելով այդ վախերին՝ դուք կարող եք ազատվել դրանցից եւ բարելավել ձեր կյանքը։
Ծնկների ցավը հաճախ անհանգստացնում է այն մարդկանց, որոնք սիրում են, որ ամեն բան իրենց ուզածով լինի։
Շրջապատի պահանջներն ու զգացմունքներն ամբողջովին անտեսելը ծնկներում ցավի պատճառ է դառնում։ Մտածեք այն մասին, որ ժամանակն է սովորել զիջումների գնալ։
Սրունքները կարող են ցավել լարվածությունից, սթրեսից եւ խանդից։ Սովորեք ազատվել սթրեսից եւ վստահել զուգընկերոջը։
Կոճերում ցավի զգացողությունը կարող է վկայել կյանքում հաճույքների պակասի մասին։ Ուրախացեք կատարվող հետաքրքիր իրադարձություններից։
Դեպրեսիան կարող է թաթերում ցավի պատճառ դառնալ։ Նոր հոբբի գտեք, ընտանի կենդանի պահեք, հաճախ շփվեք ընկերների հետ, եւ ամեն բան տեղը կընկնի։
Ֆիզիկական ցավի աղբյուրը հստակ կախտորոշի միայն բժիշկը։ Դրական տրամադրվածությունն ու լավ տրամադրությունը, ընկերների ու մտերիմների հետ շփումը կարող են բարձրացնել ցանկացած բուժման արդյունավետությունը եւ օգնել խուսափել հուզական ցավից
Աղբյուրը՝ Kleo
Հետևեք NEWS.am STYLE-ին Facebook-ում, Twitter-ում և Instagram-ում
18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ11:44, 28 ապրիլի
Doja Cat-ը շատ համարձակ ու բաց լողազգեստով ցուցադրել է կազմվածքը10:35, 28 ապրիլի
Փերիս Հիլթոնը մերկացել է Flaunt ամսագրի շապիկի համար09:00, 28 ապրիլի
ԱՊՐԻԼԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը