Նոր նախագիծ՝ Guess&Eat․ պաելա կարակատիցայի թանաքով

Fit&Style, մաս 2․ առողջ լինելը ոճային է

«Սողոմոնի երգերը» ֆիլմի հայաստանյան պրեմիերան, կարմիր գորգն ու հայտնի հյուրերը

Fit&Style. առողջ լինելը ոճային է

Պայթյուն նկարահանման հրապարակում. «Արյունոտ խաղադրույք» սերիալը՝ կադրից դուրս

Նոր կերպարներ ու զվարճալի իրավիճակներ. «Դեպի ճամպար 3»

«Կիրկորովից առաջարկ եմ ստացել իր հետ աշխատել». «Նոր Ալիք 2021»-ի հաղթող Սարո Գևորգյանը Երևանում է

Գոհար Հարությունյանի 42-ամյակն ու ամենաթան նվերը

Մոնիկան՝ «Միսս Տիեզերքի» կարծրատիպերի, իր կյանքի ցավոտ էտապի եւ այս տարվա գեղեցկուհիներին մոտիվացնելու մասին

«Ցենզուրայից դուրս ցանկացած գովազդում, ֆիլմում կամ տեսահոլովակում չեմ նկարահանվի»․ Ադրիանա Գալստյան

«Մայրս ինձ միայնակ է մեծացրել եւ դաստիարակել. իր շնորհիվ է այն ամենը, ինչով ես հպարտանում եմ». հարցազրույց Գոշ Հակոբյանի հետ

Exclusive. Աղաս Մանուկյանի անսպասելի անակնկալը կնոջը` Տաթևին 32-ամյակի առթիվ

BACKSTAGE «Սեւազգեստ կանայք». ինչպես են ընթանում ֆիլմի նկարահանումները

«Հատուկ նպատակ չունենք թաքուն պահել մեր երեխաներին»․ Արամեի նոր տեսահոլովակը՝ կնոջ եւ երեխաների մասնակցությամբ

Նորաձեւության ցուցադրություն բաց երկնքի տակ. Fashion Night Astghik Safaryan

«Ինձ համար կա մի տղամարդ, այն տղամարդը, որը իմն է եւ ես վստահում եմ իրեն». Ելենա Բորիսենկո

Խորհուրդներ Թերեզայից՝ ամռան նորաձեւության միտումները․ ինչ են կրելու նորաձեւ կանայք

«Վախենում էի ինձնից, որ տանը սկսել էի գործեր անել, եփել-թափել». Լիդուշիկ

«Իմ կյանքում կարեւորում եմ շատ «երեկը», որովհետեւ, եթե չլիներ անցյալը, չէինք լինի այսօր ու այսպիսին». 20 փաստ Մանե Մխոյանի մասին

18:11, 15 փետրվարի

Օրերս Երեւանում կայացավ Արշալույս Հարությունյանի «Հարսանիք թիկունքում» ֆիլմի պրեմիերան, որի առանցքային դերերից մեկը կատարում է դերասանուհի-հաղորդավարուհի Մանե Մխոյանը: Դերասանուհին հեռուստադիտողի շրջանում հայտնի է նաեւ «Պատվի համար» եւ «Անատոլիական պատմություն» հեռուստասերիալներից: NEWS.am STYLE-ը «20 փաստ հայտնիների մասին» խորագրի շրջանակում փորձել է Մանեին բացահայտել կադրից դուրս:

Մանե, օրդ սկսվում է...

Ամենաուշը առավոտյան 8-ին` մի բաժակ դառը սեւ սուրճով, բայց եթե աշխատանքի եմ լինում` ժամը 6-ին, որպեսզի կարողանամ կարգավորել ձայնս ու հեռուստադիտողին ասել` «Բարի լույս»:

Սնունդ կամ ըմպելիք, առանց որի չես պատկերացնում օրդ:

Առանց դառը սուրճի, որը միշտ օգնում է ուժերը հավաքել, վերականգնվել, եւ, իհարկե` առանց ջրի:

Կերակուր, որը տանել չես կարողանում:

Տանել կարողանում եմ, բայց երբեք չեմ փորձել խաշ, չգիտեմ` ինչ համ ունի, ու ինձ թվում է` չեմ էլ փորձի:

Հասակդ ու քաշդ:

Հասակս` 168 սմ, քաշս` 47 կգ:

Ամենալավ ու ամենավատ սովորություններդ:

Ամենավատ սովորությունս` շատ դառը սուրճ խմելը: Իհարկե, սա կատակ է, բայց կարծում եմ` իմ թե լավ, թե վատ սովորությունն այն է, որ փորձում եմ ամեն ինչում, բոլորի մեջ ու բոլոր տեսակի հարաբերություններում, իրավիճակներում գտնել դրական ու լուսավոր ինչ-որ բան:

Ամենասիրելի գիրքդ:

«Փոքրիկ իշխանը». այն երկար ժամանակ է` իմ սիրելի գրքերի շարքում առաջին տեղում է:

Ինչպե՞ս են քեզ դիմում մտերիմներդ:

Այդ առումով շատ հարուստ եմ (ծիծաղում է)` «Ման», «Մանե» տարբերակներով կազմվող բոլոր անուններով ինձ դիմում են. ամեն մեկն իր դիմելու ձեւն ունի:

Ի՞նչ ֆոբիաներ ունես:

Ժամանակին շատ փոքրիկ վախեր ունեցել եմ, բայց ֆոբիա չունեի... Հիմա արդեն ունեմ. չգտեմ` կա աշխարհում նման ֆոբիա, թե ոչ, բայց վախենում եմ պատերազմից...

Ամենատպավորիչ ֆիլմը, որ դիտել ես:

Ֆիլմեր շատ եմ սիրում, շատ եմ դիտում ու շատ եմ տպավորվում: Հաճախ ֆիլմերից ու կերպարներից ինչ-որ բաներ ասոցացնում եմ ինձ հետ, բայց ինձ համար ամենատպավորիչ «ֆիլմը» 2020 թ-ն էր, որին, եթե նայենք որպես ֆիլմ` ամբողջ աշխարհի համար էր «տպավորիչ» ու շատ դասեր տվող:

Ի՞նչը տանել չես կարողանում մարդկանց բնավորության մեջ:

Միայն բացասականը: Ինչքան էլ մարդ ունենա բնավորության վատ գծեր, բայց դրական տրամադրված լինի իր ընկերների, օրվա, շրջապատի նկատմամբ, ամեն ինչ լավ կլինի: Եթե չլինի նեգատիվը, ցանկացած բնավորության գիծ տանելի կդառնա:

Օր, որը կցանկանայիր ջնջել քո կյանքից:

Իմ կյանքում կարեւորում եմ շատ «երեկը», որովհետեւ, եթե չլիներ անցյալը, եթե չլիներ նախորդ օրը, չէինք լինի այսօր ու այսպիսին: Չեմ ուզում ջնջել որեւէ օր` լինի ուրախ, վատ կամ նեգատիվ, որովհետեւ հենց այդ օրերն են մեզ դարձնում այնպիսին, ինչպիսին կանք: Եթե ջնջեմ, այլ մարդ կլինեմ, ոչ թե ես:

Քո ականջակալներում հաճախ հնչում է...

Հաճախ լսում եմ Համասյան, որովհետեւ նրա երաժշտությունը կարողանում է ինձ հանգստացնել:

Կյանքում ի՞նչ երբեք չես անի:

Երբեք չեմ ասի «երբեք», որովհետեւ մարդն անկանխատեսելի է ու կարող է շատ տարբեր իրավիճակներում անել բաներ, որոնց մասին երբեւէ չի էլ մտածել...

Երեք իր, որ պարտադիր վերցնում ես տնից դուրս գալիս:

Բանալիներ, հեռախոս ու դրամապանակ:

Գույն, որը լավագույնս բնորոշում է քեզ:

Երեւի` սեւը, որովհետեւ սեւի մեջ բոլոր գույները կան` քիչ-քիչ:

Միջադեպ, որը ստիպել է քեզ ամաչել կամ անհարմար զգալ, որը մինչ օրս հիշում ես:

Այդպիսի միջադեպեր շատ կան իմ կյանքում ու շատ են պատահում ինձ հետ, բայց չկա այդպիսի մի դեպք, որը հիշելուց ամաչեմ: Հաստատ այդ պահին ամաչել եմ, կարմրել կամ ծիծաղել ու անցել:

Վերջին անգամ ինչի՞ց ես նեղվել:

Վերջին շրջանում նեղվելու առիթները շատ-շատ էին: Հիմա նեղվելու պահին ամեն ինչին փորձում եմ այլ կերպ նայել, ավելի սառը, ավելի սթափ դատել. փորձում եմ շատ էմոցիոնալ չարձագանքել կատարվող իրադարձթյուններին ու այն իրականությանը, որն ունենք:

Արտաքինումդ ի՞նչն ես ամենից շատ սիրում:

Արտաքինս սիրում եմ այնպիսին, ինչպիսին կամ ու չեմ փորձել երբեւէ փոփոխություններ անել, կոնկրետ ինչ-որ հատվածների վրա էլ չեմ կենտրոնանում, որովհետեւ ինձ ամեն ինչ դուր է գալիս:

Ի՞նչը կփոխեիր կյանքումդ:

Ոչինչ ու ոչ մեկին չէի փոխի իմ կյանքում: Այն մարդիկ, որոնք հայտնվել են իմ շրջապատում, որոնց հետ առիթ եմ ունեցել շփվել, աշխատել, իմ կյանքում որեւէ հետք թողել են` թե լավ, թե վատ:

Ամենաչսիրածդ հարցը, որ տալիս են:

Տանել չեմ կարողանում անձնական բնույթի հարցերը, մասնավորապես, երբ սկսում են ոչ թե հարցնել, այլ հարցաքննել (ծիծաղում է):

Սյունե Առաքելյան

Լուսանկարները՝ Մանե Մխոյանի ֆեյսբուքյան եւ ինստագրամյան էջերից


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության