• Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը

  Շների մասին բոլոր ֆիլմերը հաճոյախոսություններ են ստանում հանդիսատեսի կողմից․․․

• Հյու Ջեքմանը եւ Ջոդի Քոմերը կնկարահանվեն «Ռոբին Հուդի մահը» ֆիլմի գլխավոր դերերում

  Հյու Ջեքմանը եւ Ջոդի Քոմերը ճանապարհվում են դեպի Շերվուդ անտառ: «Ռոսոմախայի» աստղը եւ «Սպանելով Եվային» ֆիլմի դերասանուհին կնկարահանվեն «Ռոբին Հուդի մահը» ֆիլմում, որի ռեժիսորը Մայքլ Սառնոսկին է․․․

• Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական ​​թրիլլերում

  Քրիսթեն Ստյուարտը եւ Օսկար Այզեկը կնկարահանվեն 80-ականների վամպիրների մասին հեդոնիստական ​​թրիլլերում, որի ռեժիսորը Փանոս Կոսմատոսն է…

• Ֆիլմերում սեքսը կտրուկ նվազել է, բայց դարձել է ավելի բացահայտ

  Ըստ նոր հետազոտության՝ ֆիլմերում սեքսը կտրուկ նվազել է, բայց դարձել է ավելի բացահայտ․․․

• Ներկայացվել է դիսնեյան «Մուֆասա Առյուծ արքա» մուլտֆիլմի պրիկվելի թրեյլերը

  «Առյուծ արքա» անիմացիոն օրիգինալ ֆիլմի առաջին ցուցադրությունից 30 տարի հետո «Դիսնեյը» որոշել է հիշել Մուֆասայի ծագման պատմությունը․․․

• Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում

  Օսկարակիր դերասան Ռասել Քրոուն կնկարահանվի «Էկզորցիզմ»՝ առաջիկա սարսափ ֆիլմում…

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

Կողոպուտի եւ արկածախնդիրների մասին ֆիլմերը միշտ էլ կինոսերների մեծ բանակ ունեն, սակայն «Օուշենի ընկերներից» հետո թվում էր, թե ժանրը փոքր-ինչ իրեն սպառել է, ինչպես ժամանակին վեսթերնի ժանրը։ Բայց, վերածնունդը եկավ այնտեղից, որտեղից ոչ ոք չէր էլ կարող մտածել։

NEWS.am STYLE-ը ներկայացնում քրեական դրամա ժանրի «Թղթե տուն» սերիալը: Այն հեռարձակվում է իսպանական Antena 3 ալիքով եւ Netflix-ի սթրիմինգային ծառայությունում 2017 թվականի մայիսի 2-ից մինչեւ օրս: Թողարկվել է արդեն 4 սեզոն, 5-րդ եզրափակիչ սեզոնը ենթադրաբար կհեռարձակվի 2021թ․ մայիսի 8-ից։

Նախագծի շոուրաններն է Ալեքս Պինան, գլխավոր դերերում են Ալվարո Մորտեն, Ուրսուլա Կորբերոն, Իցիար Իտունյոն, Խայմե Լորենտեն, Պեդրո Ալոնսոն եւ ուրիշներ:

Գործողությունը ծավալվում է մի խումբ արկածախնդիրների շուրջ, որոնք քաղաքների անվանումներն օգտագործում են որպես իրենց մականուններ, նրանց ղեկավարում է խորհրդավոր «Պրոֆեսորը»: Նրանց ծրագիրը Իսպանիայի թագավորական դրամահատարանից 2,4 մլրդ եվրո գողանալն է։

Հասկանալի է, որ նկարահանել ինչ-որ օրիգինալ բան այս ժանրում պարզապես անհնար է, բայց իսպանացիները լավ փորձ արեցին։ Անսպասելի սյուժետային շրջադարձերը, հետաքրքիր, վառ հերոսները, դրայվը  եւ փոխհրաձգությունը, այս ամենը պատկերված է գերազանց։ Դե, այո, երբեմն, կա որոշակի ձգձգվածության զգացում, բայց շատ չնչին, այնպես որ, ընդհանուր առմամբ, դիտվում է մեկ շնչով։

Սերիալի հիմնական ձեռքբերումը կարելի է համարել, առաջին պլան մղված, գլխավոր հերոսի մտավոր ունակությունները: Մարդկային մտքի հանճարը սյուժեի այն առանցքն ու շարժիչն է, որի շնորհիվ սերիալը հայտնվել է Netflix-ի դիտումների թոփերում։ Մենք արդեն  հոգնել ենք նույնատիպ «էքշն» տեսարաններից եւ պայթյուններից, իսկ այստեղ մեզ տալիս են ոչ միայն խելացի հերոսներ եւ նրանց հակադրվողներ, այլ նաեւ առաջարկում են հանելուկներ, մտորումների մղում եւ սյուժետային ընտիր թվիստներ։

Մեր այն ընթերցողները, որոնք ժամանակին հիանում էին «Փախուստ» սերիալի Մայքլ Սքոֆիլդի խելքով ու հնարամտությամբ,  արժանիորեն կգնահատեն նաև «Թղթե տունը»։

Բայց, ինչպես հայտնի է, լավ գաղափարը, ոչինչ է առանց լավ մշակված եւ կերտված կերպարների։ Եվ այստեղ նույնպես սերիալը հաճելիորեն զարմացնում է: Մեծ առավելությունն այն էր, որ բոլոր դերասանները անհայտ են հանրությանը, եւ, հետեւաբար, հանդիսատեսին հետաքրքիր է դիտել նրանց խաղը, բացահայտելով ինչ-որ նոր բան։

Ալվարո Մորատե - Սերխիո Մարկինա / Սալվադոր Մարտին / «Պրոֆեսոր» - այս հերոսում համադրվում են հանճարեղ մարտավարն ու ռազմավարը և կենցաղային հարցերում միամիտ, սովորական մարդը:

Կարելի է ենթադրել, որ եթե նրա բարոյական կողմնացույցը չլիներ, ապա նա միանգամայն կարող էր դառնալ Արթուր Կոնան Դոյլի կերպարներից մեկը՝ հանցաշխարհի  Նապոլեոնը։

Իսիար Կուտունյո - Ռաքել Մուրիլյո / «Լիսաբոնը» փորձառու տեսուչ եւ բանակցող է, խիստ կին, որը մեծ խնդիրներ ունի անձնական կյանքում: Պրոֆեսորն ու տեսուչը խաղ են վարում, կարծես մարմնավորում են երկու աշխարհներ, քրեական և իրավական։ Սակայն, տարբերությունը նրանց միջեւ այնքան էլ մեծ չէ, արկածները եւ արկածախնդրությունը ակնհայտորեն նրանց սրտով են։

Պեդրո Ալոնսո - Անդրես դե Ֆոնոյոսա / «Բեռլին»: Առավել խարիզմատիկ անձը  ամբողջ այս խմբավորումում։ Գործի մարդ եւ դաշտային առաջնորդ, որը վիրաբուժական ճշգրտությամբ գիտի, թե ինչ եւ ինչպես պետք է անել, բայց միեւնույն ժամանակ, նրան  օտար չեն ինքնաբուխ գործողությունները։

Խայմե Լորենտե - Դանիել Ռամոս / «Դենվեր»: Երիտասարդ, որին կարելի է իրավամբ անվանել թիմի հոգին ու սիրտը։ Հեռուստադիտողը, իհարկե, հիանալու  է այլ կերպարներով՝ նրանց մտքի թռիչքով կամ առաջնորդի հատկանիշներով, բայց ասոցացանելու է իրեն հենց «Դենվերի» հետ։ Զվարճալի, հումորով, խարիզմայի չափաբաժնով եւ վարակիչ ծիծաղով: Բայց ամենակարեւորն այն է,  որ Լորենտեն կարողացել է ցույց տալ իր կերպարին որպես մի հասարակ հոգով և սրտով երիտասարդի, որին ուզում ես ապրումակցել։

Ի վերջո, մենք ունենք ընտիր սերիալ, որը շարունակում է լարված պահել հանդիսատեսին յուրաքանչյուր սերիայում։ Մինչեւ նոր սեզոնը բան չի մնացել, այնպես որ սպասում ենք նոր շրջադարձերի ու հանցավոր սխեմաների, որոնց վերջնական նպատակն իրականում ոչ այնքան փողն է, որքան սոցիալական անարդարության վրա կառուցված պետական համակարգը կոտրելու փորձ։ Կարճ ասած, հողերը գյուղացիներին, գործարանները՝ բանվորներին։

Սերիալը նաև կարողացել է վերականգնել  Երկրորդ համաշխարհային պատերազմի ժամանակների իտալական պարտիզանական «Բելլա Չաո» երգը, որն էլ խորհրդանշում է համակարգի դեմ այդ պայքարը։ Ի դեպ, հեռուստատեսային շարքի թողարկումից հետո Եվրոպայի շատ երկրներում սոցիալական բողոքները տեղի են ունեցել հենց Bella ciao-ի հնչյունների ներքո: Էլ չենք խոսում պայքարի խորհրդանիշ դարձած դիմակների մասին։

Հաճելի դիտում

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում