Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Աննա Խաչատրյանը՝ Շուշիին նվիրված իր նոր երգի տեսահոլովակի, տեւական դադարի ու հույզերը հաղթահարելու դժվարության մասին

16:04, 10 մայիսի

Աննա Խաչատրյանը շուտով իր լսարանին կներկայանա նորությամբ. երգչուհին Շուշիին նվիրված նոր երգի ու տեսահոլովակի շուրջ է աշխատում, որի անոնսը NEWS.am STYLE-ն արդեն ներկայացրել է: Մեզ հետ զրույցում Աննան խոստովանել է, որ հիմա շատ դժվար է երգել Շուշիի մասին, այնուամենայնիվ, երգչուհին իր երգով նոր հույզեր է փորձելու փոխանցել իր ունկնդրին:

«Երգը ստեղծվել է Շուշիի հանձնման օրը… Երաժշտության հեղինակը Շուշան Սարգսյանն է, որը շատ տարբեր ոճերի երգերի հեղինակ է, որոնցից ամենահայտնին, երեւի, «Հայաստան, երկիր իմ մայր» երգն է: Իսկ խոսքերի հեղինակը բանաստեղծ Ռաֆայել Սահակյանն է»,-պատմեց նա:

Տեսահոլովակում կլինեն արխիվային կադրեր Շուշիից, ինչպես նաեւ՝ կներկայացվեն Հայաստանի տեսարժան վայրերը.

«Պատերազմից հետո Արցախի մասին խոսելը, կարծում եմ, բոլորիս մոտ տարբեր հույզեր ու զգացմունքներ է առաջացնում. Շատ դժվար թեմա է, այս հույզերը, երեւի, երբեք չենք կարող հաղթահարել: Երբ երգում ենք Վանի, Մուշի, Սասունի մասին, հիմա այլ կերպ ենք ընկալում, որովհետեւ դա մենք չենք տեսել, իսկ Արցախի դեպքում՝ այլ էր…»,-խոստովանեց երգչուհին՝ հավելելով,-«Այս երգով փորձելու ենք փոխանցել հույզ, վստահություն, որ այդ ամենը պետք է մի օր վերադարձնենք, որ պիտի նորից վերածնվենք, ու այն, ինչ մերն է, պետք է մերը լինի»:

Անդրադառնալով երկար դադարից հետո «Շուշի» ստեղծագործությամբ երգարվեստ վերադառնալուն՝ Աննան նշեց.

«Ինչպես իմ բոլոր գործընկերների՝ ինձ համար եւս 2020-ը շատ ծանր տարի էր՝ թե կորոնավիրուսի, թե պատերազմի պատճառով: Բայց, իհարկե, ավելի ծանր էին պատերազմի հետեւանքները: Պանդեմիայի ժամանակ կային որոշ երգիչներ, որոնք ռեպերտուարային փոփոխություններ սկսեցին անել, բայց ես տրամադրություն չունեի, պատերազմից հետո՝ առավել եւս: Ես՝ ինքս, Արցախից չեմ, բայց այդ թեման ինձ համար շատ ծանր է, ու եթե հիմա ինչ-որ բանով պիտի ներկայանայի, այն պետք է ունենար ասելիք: Կարծում եմ՝ չեմ սխալվել, թեեւ ասելիքս այդ թեմայով ավելի շատ է...»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search