Նոր նախագիծ` Guess&Eat. հավով ապուր

Մհեր Մխիթարյանի «Պոնտեր» Stand Up-ն ու հայտնի հյուրերը

Նոր նախագիծ` Guess&Eat. բաստուրմա` թունա ձկից

Fit&Style, մաս 4. յոգա

«Անսովոր է, որ նկարահանումները անցկացվում են մեր տանը». Գրիգի և Սոնայի անձնական առօրյան շուտով եթերում

Գոհար Հարությունյանի զույգի 4-ամյակը

«Բլբուլյանները» սիթքոմը կադրից դուրս

Fit&Style, մաս 3. մարզում ենք ամբողջ մարմինը

Նոր նախագիծ՝ Guess&Eat․ պաելա կարակատիցայի թանաքով

Fit&Style, մաս 2․ առողջ լինելը ոճային է

«Սողոմոնի երգերը» ֆիլմի հայաստանյան պրեմիերան, կարմիր գորգն ու հայտնի հյուրերը

Fit&Style. առողջ լինելը ոճային է

Պայթյուն նկարահանման հրապարակում. «Արյունոտ խաղադրույք» սերիալը՝ կադրից դուրս

Նոր կերպարներ ու զվարճալի իրավիճակներ. «Դեպի ճամպար 3»

«Կիրկորովից առաջարկ եմ ստացել իր հետ աշխատել». «Նոր Ալիք 2021»-ի հաղթող Սարո Գևորգյանը Երևանում է

Գոհար Հարությունյանի 42-ամյակն ու ամենաթան նվերը

Մոնիկան՝ «Միսս Տիեզերքի» կարծրատիպերի, իր կյանքի ցավոտ էտապի եւ այս տարվա գեղեցկուհիներին մոտիվացնելու մասին

«Ցենզուրայից դուրս ցանկացած գովազդում, ֆիլմում կամ տեսահոլովակում չեմ նկարահանվի»․ Ադրիանա Գալստյան

«Տիտղոսը ծառայելու է միայն դրականին, բարուն ու լուսավորին». Ադրիանա Գալստյան

15:05, 24 սեպտեմբերի

Դերասանուհի, ֆոտոմոդել Ադրիանա Գալաստյանն այս տարի որոշեց նոր նվաճումներ ունենալ իր կարիերայում՝ իրականացնելով եւս մեկ երազանք ու գրանցեց նոր հաջողություն: Մասնակցելով «Միսս Տիեզերք Արմենիա» մրցույթին՝ Ադրիանան ճանաչվեց «Առաջին Վիցե Միսս»:

NEWS.am STYLE-ն Ադրիանայի հետ զրուցել է իր նվաճման, ձեռքբերումների ու հետագա քայլերի մասին:

Դերասանուհին նշում է՝ չնայած բեմում լարված պահերին՝ ինքն իրեն հանգիստ ու խաղաղ էր զգում՝ վստահ լինելով, որ ամեն բան լավ է լինելու.

«Շատ դրական զգացողություններ ունեի բեմին, բավական հանգիստ ու խաղաղ էի: Ամեն ինչ շատ լավ ու ճիշտ էր կազմաերպված, կիքսեր  չկային, երեկոն շատ ստացված էր: Մրցույթի հաջորդ օրը շատ պայծառ ապրումներով եմ արթնացել: Առհասարակ, երբ ամեն օր բացում եմ աչքերս ու ինքս ինձ ասում՝ Ադրիանա, դու առողջ ես, լսում ես, խոսում ես, տեսնում ես, ընտանիքիդ անդամները, ընկերներդ առողջ են, կողքիդ են՝ վերջ, արդեն օրն ինձ համար ստացված է»:

Անդրադառնալով մրցույթից ունեցած ձեռքբերումներին՝ Ադրիանան կարեւորում է դեֆիլեի փորձը. «Մրցույթի շրջանակում ես աշխատելու հնարավորություն ունեցա ինձ համար շատ գնահատելի մարդու՝ Մարիկա Թունյանի հետ: Ունեցա հնարավորություն ծանոթանալու եւ ընկերանալու հետաքրքիր ներաշխարհով աղջիկների հետ: Առաջին իսկ օրվանից պատրաստակամությամբ ու պատասխանատվությամբ եմ վերաբերվել այս մրցույթին»:

Որպես «Առաջին Վիցե Միսս» իր գործունեության մասին խոսելով՝ Ադրիանան նշեց.

«Այն գործունեությունը, որն իրականացրել եմ մինչ օրս, որպես Ադրիանա, ունենալու է շարունակական եւ ավելի ընդլայնված բնույթ: Ես դա ոչ թե դիտարկում եմ, որպես պարտավորություն, այլ՝ քայլերի հաջորդականություն, որն անելու եմ սիրով: Տիտղոսը ծառայելու է միայն դրականին, բարուն ու լուսավորին»:

«Առաջին Վիցե Միսս» տիտղոսից բացի՝ Ադրիանան հաղթող ճանաչվեց նախապես հայտարարված առցանց քվեարկության արդյունքներով: Դերասանուհին կարեւորում է մարդկանց կողմից տվյալ գնահատականն ու նշում՝ «Ինձ համար կարեւոր է, որ մարդիկ, պարզապես, քեզ չեն վերաբերվում, որպես ճանաչված անձնավորության, նրանք հասցրել են գնահատել քեզ ու կողքիդ լինել քեզ համար կարեւոր փուլում»:

«Միսս Տիեզերք Արմենիա»-ն առաջին գեղեցկություն մրցույթն է, որին Ադրիանան մասնակցեց:  Հարցին՝ արդյոք կփորձի՞ իր ուժերը մյուս տարի այս կամ այլ մրցույթում, դերասանուհին պատասխանեց՝ չնայած հեռատես անձնավորություն է, այս պահին հստակ չի կարող նշել իր հաջորդ տարվա մտադրությունները:

«Այս ընթացքում ամբողջ ուշադրությունս, ներուժս եւ էներգիաս ներդրել եմ այս մրցույթի մեջ, աշխատանքս մի կողմ էի դրել: Հիմա նույն ներուժով պետք է անդրադառնամ դրան. ինչպես գիտեք՝ դասավանդում եմ անգլերեն, զբաղվում եմ նաեւ ինստագրամյան բրենդների վիզուալների մշակումով՝ փորձելով օգտատերերի համար ստեղծել էսթետիկ հարթակ տվյալ սոցցանցում: Սկսելու եմ նույն տեմպով աշխատել, սովորելու ու ուսումնասիրելու դեռ շատ բաներ կան… Թվում է՝ այս կյանքում երբեք չես կարող ասել՝ վերջ, ես կատարելագործվել եմ: Ինչ վերաբերում է հասարակական գործունեությանս՝ ինձ համար ամենակարեւորը մարդ արարածին օգնելն ու բարձրացնելն է: Սա նպատակ է, որն ամեն օր կիրառելի է ինձ համար՝ մինչեւ կյանքիս վերջ»,-հավելեց նա:

«Միսս Տիեզերք Արմենիա» եւ «Միսս Աշխարհ Արմենիա» մրցույթների եզրափակիչը կայացել է սեպտեմբերի 22-ին: Առաջին մրցույթի հաղթող ճանաչվել է 24-ամյա Նանե Ավետիսյանը, երկրորդինը՝ 19-ամյա Միրնա Պստիկյանը: «Միսս Տիեզերք Արմենիա»-ի «Առաջին Վիցե Միսս» ճանաչվել է Ադրիանա Գալաստյանը, իսկ «Միսս Աշխարհ Արմենիա»-ի «Առաջին Վիցե Միսս»՝ Փրենի Դավթյանը:

Սյունե Առաքելյան

Լուսանկարները՝ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ