• Ծնվել է Մարիա Չանդիրյանի առաջնեկը

  Լույս աշխարհ է եկել պարուհի Մարիա Չանդիրյանի առաջնեկը:…

• Մայրանալ պատրաստվող Ջուլիա Եղշատյանի նոր ֆոտոշարքը՝ ամուսնու հետ

  Ջուլիա Եղշատյանն օրերս գեղեցիկ տեսանյութով հետեւորդներին հայտնեց, որ պատրաստվում է մայրանալ...

• Անդրեն հերքել է որդի ունենալու լուրերը

  Երգիչ Անդրեն հերքել է երեկվանից սոցցանցերում ու լրատվականներում տարածվող այն լուրերը, թե ինքը որդի է ունեցել...

• «Լադանիվա»-ի փայլուն ելույթը՝ «Եվրատեսիլ 2024»-ի եզրափակչում (VIDEO)

  Մալմյոյում ընթանում է «Եվրատեսիլ 2024» երգի մրցույթի Մեծ եզրափակիչը, որին փայլուն ելույթ ունեցան Հայաստանի ներկայացուցիչները...

• Շառլ Ազնավուրի սիրավեպերը․ շանսոնյեի հարյուրամյակին

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի երգչի կյանքին ու գործունեությանը․․․

• «Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)

  Մայիսի 7-ին «Մոսկվա» կինոթատրոնում կայացավ «Վայ քու… կամ փարթամ կակտուսը» ֆիլմի պրեմիերան, որի բեմադրող ռեժիսորը Նառա Ղուկասյանն է...

• Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)

  Սիրված հերոսը մանուկների համար դարձել է էլ ավելի պատկերվոր, գունազարդ, հետաքրքիր ու ժամանակակից լուծումներով․․․

• «Սիրահարվեցի Հայաստանին». անգլիացի բլոգերի արձագանքը՝ «Լադանիվա»-ի եվրատեսիլյան երգի տեսահոլովակին

  Եվրատեսիլյան շաբաթը երեկ մեկնարկել է, եւ մրցույթի երկրպագուները փորձում են կանխատեսումներ անել...

Դերասանուհի Մերի Հակոբյանը ներկայացրել է իր առաջին տեսահոլովակը «Կսպանեմ քեզ» երգի հիման վրա։ Մերին մինչեւ վերջին պահն այս նորությունը գաղտնի էր պահում, իսկ երեկ մեծ շնորհանդես էր կազմակերպել, որով էլ տվեց երաժշտական պրոֆեսիոնալ կարիերայի սկիզբը։ Մինչեւ ուշ երեկո նա ընկերների եւ գործընկերների հետ տոնեց պրեմիերան:

Մերիի խոսքով՝ վաղուց էր ուզում երաժշտական կարիերա սկսել, քանի որ դերասանական կարիերային զուգահեռ երգում էր երաժշտական տարբեր ակումբներում, սակայն ներկայացնում էր cover–ներ։ Հիմա արդեն նա ունի իր երգը, որի հեղինակն Արտեմ Վալտերն է։ Տեսահոլովակը նկարահանել է ռուսաստանաբնակ հայ ռեժիսոր Արթուր New Way–ը։ Հերոսին մարմնավորում է դերասան Գեւորգ Գրիգորյանը։

«Կարծում եմ՝ ես ըստ արժանվույն եմ ներկայանում իմ լսարանին։ Արտեմ Վալտերի հետ երկար ժամանակ փորձում էինք գտնել ինձ հոգեհարազատ երգ։ Արդյունքում ստեղծվեց երգ, որտեղ կան եւ՛ մեր ժողովրդին, եւ՛ ինձ հարազատ տեմպ ու ռիթմ։ Տեսահոլովակում էլ ներկայանում եմ այնպիսի ոճով, ինչպես հասարակությունն  ինձ չի տեսել։ Այնքան ուրախ եմ, որ Արտեմը կարողացավ հասկանալ, իսկ Արթուրը՝ լավագույնս ներկայացնել ինձ»,– ասաց Մերին։

Տեսահոլովակի ռեժիսոր Արթուր New Way–ն էլ պատմեց, որ տեսահոլովակը նկարահանել է այն սցենարով, որը տեսել է երգն առաջին անգամ լսելուց անմիջապես հետո։

«Ես եւ՛ սցենարիստ եմ, եւ՛ ռեժիսոր, եւ՛ օպերատոր։ Ռեժիսորը պետք է ամեն ինչից հասկանա, որպեսզի կարողանա լավ աշխատանք մատուցել։ Ինքս մասնագիտական կրթություն չունեմ, սակայն 10 տարուց ավելի աշխատում եմ այս ոլորտում, իսկ փորձն ավելին է, քան թեորիան։  Ես շատ չեմ հետեւում հայկական շոու բիզնեսին, սակայն կան տաղանդավոր մարդիկ, որոնց մասին պարտավոր եմ իմանալ։ Ինձ համար Արտեմ Վալտերն առանձին տեղ է զբաղեցնում որպես երգիչ, երգահան։ Երգը լսելուց հետո առաջին հարցս էր՝ Վալտե՞րն է գրել, որովհետև նրա ձեռագիրը շատ տարբերվող է։ Շատ ուրախացա, որ երգի հեղինակն ինքն է։ Մենք շատ մեծ թիմային աշխատանք ենք արել, որտեղ յուրաքանչյուր անդամի գործը շատ կարեւոր էր»,– ասաց նա, ապա նկատեց, որ այս աշխատանքն էքսպերիմենտ է, հաջորդը եւս այդպիսին է լինելու։

Մերին էլ շեշտեց, որ փորձարկման հարցում վստահել է ռեժիսորին. «Նկարահանվել ենք 40 ժամ՝ առանց ընդմիջման։ Չենք քնել ու չնայած շատ հոգնած էինք՝ պիտի շարունակեինք աշխատանքը, քանի որ Արթուրը 2 օրով էր Մոսկվայից եկել Երեւան։ Մինչև Արթուրի Հայաստան գալն էլ մազերս ամբողջությամբ մանր հյուսքեր էինք արել կերպարներից մեկի համար, Արթուրը հասավ, նայեց և ասաց՝ քանդիր։ Ես հետևում էի նրա բոլոր ցանկություններին, քանի որ պրոֆեսիոնալ է։ Ես Արթուրին ուղղակի ասել եմ՝ ինչ ուզում ես, նկարիր, որովհետեւ վստահ էի արդյունքի վրա։ Նա տարիների աշխատանքային փորձ ունի ռուսական շոու բիզնեսում եւ վստահ էի, որ արդյունքը գոհացուցիչ է լինելու։ Հիմա նայում եմ տեսահոլովակն ու հասկանում, որ արժեր վստահել նրան»։

Մերին ասաց, որ սկսել է հաջորդ երգերի աշխատանքը. «Ես չեմ պատրաստվում պասիվանալ, քանի որ եթե մտնում եմ որեւէ ոլորտ, պետք է լինեմ լավագույններից մեկը։ Հուսով եմ՝ հասարակությունը կգնահատի մեր աշխատանքը։ Իհարկե, պատրաստ եմ տարբեր արձագանքների. նախ՝ կատարյալ ոչինչ չկա, երկրորդ՝ առողջ քննադատության վերլուծությամբ մեր հաջորդ աշխատանքն ավելի լավն է լինելու»։

Մերին հավելեց, որ շարունակելու է ներկայանալ նաեւ որպես դերասանուհի: Իսկ օրվա տորթի ընտրությունը պատահական չէր՝ դաշնամուրի և տեսախցիկի համադրությամբ: Այն խորհրդանշում էր Մերիի 2 մեծ սերը՝ երաժշտությունն ու կինոն:

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում