• Ռիհաննան Ֆրենսիս Քյուրքջյանի հետ Dior-ի համատեղ տեսանյութում փայլել է հայկական Yeprem ապրանքանիշի զարդերով

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացրել են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

• Հայաստան է գալիս աշխարհահռչակ TOM FORD բրենդը

  Երկարատև բանակցություններից հետո Հայաստան է գալիս աշխարհահռչակ TOM FORD բրենդը…

• Հայկական TERESS բրենդը ներկայացրեց իր աշուն-ձմեռ 26-27 հավաքածուն՝ հյուրերին հրավիրելով ինքնատիպ «դեգուստացիայի» (VIDEO)

  Հայկական TERESS բրենդը հետաքրքիր կերպով ներկայացրեց իր նոր՝ աշուն-ձմեռ 26-27 հավաքածուն...

• Գեղեցիկ և ֆունկցիոնալ տուն․ ինչպե՞ս համադրել տեխնիկան և ինտերիերը

  Ժամանակակից տունն այսօր միայն հարմարավետ կահույքի և գունային լուծումների համադրությունը չէ...

• «Կոկա-Կոլա ՀԲՔ Արմենիա» ՓԲԸ-ն նշեց իր գործունեության 30-ամյա հոբելյանը Հայաստանում

  «Կոկա-Կոլա ՀԲՔ Արմենիա» ՓԲԸ-ն սեպտեմբերի 24-ին կայացած հոբելյանական միջոցառմամբ նշեց Հայաստանում իր գործունեության 30-ամյակը՝ վերահաստատելով երկրում իր երկարաժամկետ հանձնառությունը և շարունակական ներդրումներն՝ ուղղված տնտեսական աճին, աշխատատեղերի ստեղծմանը, մատակարարների աջակցմանն ու համայնքների զարգացմանը...

• «Hahaha LA». Երբ մանկական հագուստը դառնում է մշակութային կամուրջ

  Լոս Անջելեսում հիմնադրված «Hahaha LA» հայկական ընկերությունը մանկական հագուստը վերածում է յուրօրինակ մշակութային կամրջի, որը կապում է սերունդներ, երկրներ և միմյանցից տարբեր մանկական աշխարհներ…

• «PROFAL․ ձայնամեկուսիչ է» արշավը երեք օր շարունակ գրավեց երևանցիների ուշադրությունը

  Երևան քաղաքի տարբեր փողոցներում երեք օր շարունակ հնարավոր էր տեսնել մի մեքենա, որը բառացիորեն ստիպում էր անցորդներին կանգ առնել ու պատրաստել հեռախոսները։ Քաղաքային աղմուկի ու եռուզեռի մեջ մեքենայի ներսում տիրում էր լիակատար անդորր ու խաղաղ մթնոլորտ...

• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

Հայկական անուն, հայկական բրենդ՝ հատուկ առաքելությամբ. չնայած ընդամենը մեկ տարվա գոյությանը՝ «Նազէ» բրենդը, որը ներկայացնում է հայկական արտադրության անկողնային պարագաներ, հասցրել է ոչ միայն ձեռք բերել մեծ պահանջարկ ու վաճառք, այլև՝ մերժել թուրքականն ու ապացուցել, որ հայկականն այլեւս մրցունակ է:

«Նազէ»-ն «Դիակոնիա բարեգործական հիմնադրամ»-ի սոցիալական նախաձեռնություններից է, որը միավորում է հիմնադրամի «Կարուձև» ուսումնական ծրագրի շրջանավարտներին` մասնագիտությունից զատ նրանց տալով արժանապատիվ աշխատանքի հնարավորություն։

«Նազէ»-ի հետեւում ստեղծագործ ու ուժեղ կանայք են, իսկ հիմքում՝ բարձրորակ գործվածքներ (բամբակ, սատին) եւ տեղական իդեալական կար։

«Դիակոնիա բարեգործական հիմնադրամ»-ն ունի կրթական ծրագիր՝ նախատեսված հիմնադրամի այն շահառուների համար,   ովքեր պատրաստ են եւ ուզում են ձեռք բերել նոր մասնագիտություն։ Այդ ծրագիրը 2011  թվականից էինք իրագործում, բայց անցած տարի ստեղծեցինք արտադրամաս, որտեղ այս պահին աշխատում են  ուսումնական ծրագրի լավագույն շրջանավարտները եւ ոչ միայն, դե իսկ մենք անվերջ մեծանում ու զարգանում ենք՝ աշխատատեղեր ստեղծելով»,-NEWS.am STYLE-ի հետ զրույցում նշեց  «Դիակոնիա բարեգործական հիմնադրամ»-ի փոխտնօրեն Աննա Ջամբազյանը:

«Ունեինք կարի արտադրամաս եւ ուսումնասիրելով շուկան՝ մեր թիմը որոշեց ստեղծել հայկական արտադրության բարձրորակ անկողնային պարագաներ, որոնք պատրաստված են ոչ թուրքական հումքից, ինչը շատ կարեւոր է: Քանի որ անկողնային պարագաների արտադրության ոլորտում մեծ բաց կա Հայաստանում.  դրանք հիմնականում ներմուծվում են Թուրքիայից: Ցավոք՝ շատերը գիտակցված, ոմանք՝ չգիտակցված հենց դա էին գնում, որովհետև այլընտրանք չունեին, եթե, իհարկե, խոսքը բրենդային տեսականու մասին չէ: Իսկ մենք հումքը ներմուծում ենք Ուզբեկստանից, Ռուսաստանից, շուտով նաեւ Չինաստանից»,-հավելեց ընկերության փոխտնօրենը:

«Նազէ»-ն իր սպառողին առաջարկում է մեկտեղանոց, երկտեղանոց եւ ընտանեկան անկողնային հավաքածուներ՝ տարբեր որակի եւ, համապատասխանաբար, տարբեր գների, իսկ դիզայնի հարցում բրենդի հիմնադիրները նախապատվությունը տալիս են պարզությանն ու մինիմալիզմին՝ խուսափելով շատ վառ գույներից ու ակտիվ պրինտներից:

Բրենդի առանձնահատկություններից է նաեւ այն, որ թիմը փորձում է հնարավոր ամենակարճ ժամկետում ստանալ հաճախորդի նախընտրած չափսի անկողնային հավաքածուն՝ լինի դա մեկտեղանի, երկտեղանի, թե ընտանեկան, եւ առաքում է նշված հասցեով՝ առանց ավելորդ անհարմարությունների։

«Սկզբնական շրջանում մենք կտորները ոչ մեծ քանակությամբ էինք գնում, քանի որ մտավախություն ունեինք, որ, միգուցե, արտադրանքը պահանջարկ չունենար։ Հիմա արտադրական ծավալները մեծացել են, ու յուրաքանչյուր մոդել կարվում է միանգամից մեծ քանակով: Սկզբում ունեինք ընդամենը 6 մոդել, այս պահին շուրջ 15 մոդել ունենք: Ուրախալի է նաև այն փաստը, որ մեր թիմը մեծացել է: Այս ամենն, իհարկե, վաճառքի ծավալների մեծացման շնորհիվ է եղել, արդյունքում «Նազէ»- ն ընդլայնում է նաեւ իր տեսականին. անկողնային պարագաներից զատ ներկայացնում է նաեւ հայկական արտադրության սփռոցներ, գոգնոցներ, սրբիչներ եւ փայտե ձեռագործ շերեփներ»։

Բրենդն առայժմ պատվերները կատարում է առցանց տարբերակով՝ «Նազէ»-ի ինստագրամյան եւ ֆեյսբուքյան էջերի միջոցով:

Հետևեք NEWS.am STYLE-ին Facebook-ում, Twitter-ում և Instagram-ում