• Ինչպես անզգամին տարբերել հոգեգարից. գիտնականները գտել են պատասխանը

  Ցանկանո՞ւմ եք իմանալ գարշելի բնավորությամբ կնոջ և կատարյալ հոգեգարի տարբերությունը…

• Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն

  Փորձագետ Էսթեր Սարֆաթին ընդգծել է երկու բան, որոնք, նրա խոսքով, կանայք «երբեք չպետք է անեն»․ դրանք են՝ «բողոքելը կամ բացատրություններ տալը»․․․

• Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել

  Միայնակ ամերիկացին, ով հուսահատ սեր է փնտրում, որոշել է շաբաթական 400 դոլար արժողությամբ հսկայական գովազդային վահանակ տեղադրել՝ ամուսնանալու հույսով․․․

• Օպտիկական պատրանքը կարող է ցույց տալ՝ որքան «փակ մարդ եք» դուք

  Օպտիկական պատրանքը կարող է բացահայտել՝ արդյոք դուք «փա՞կ» մարդ եք, թե՞ չափազանց «շփվող»…

• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Մարկ Ցուկերբերգն ապացուցում է, որ մորուքով տղամարդիկ ավելի գրավիչ են

  Մորուքով տղամարդիկ ավելի գրավիչ են։ Մարկ Ցուկերբերգի խմբագրված լուսանկարը․․․

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

1. «Ես հավատում եմ քո ուժերին»

Մի կին այս թեմայով իր զվարճալի պատմությունն է ներկայացրել: Նա 3 տարեկան որդուն ասել է «Ես հավատում քո ուժերին» եւ այդ հավատը բումերանգի նման վերադարձել է նրան: Մի անգամ կինը երկար ժամանակ բնակարանի բանալին է փնտրել եւ չկարողանալով գտնել՝ հուսահատ նստել է բազմոցին: Այդ պահին որդին ասել է նրան. «Մայրի՛կ, գիտեմ, որ կարող ես գտնել բանալիդ: Ես հավատում եմ քո ուժերին»: Այս բառերը կարծես մոգական ազդեցություն են ունեցել: Նա տեղաշարժել է պահարանն ու գտել բանալին: «Ես հավատում եմ քո ուժերին» արտահայտությունն իսկապես շարժիչ ուժ է:

2. «Երբեք մի հանձնվիր»

Այս արտահայտությամբ կարելի է ուժ տալ երեխային, լիցքաթափել մթնոլորտը՝ այն արտաբերելով թեթեւակի խաղացկուն հնչերագնով: Դուք պետք է նրան մղեք իրավիճակից ելք գտնել: Հարկավոր է երեխային բացատրել, թե որքան կարեւոր է չհանձնվել, ինչպես նաեւ այն, որ հարկավոր է բաց լինել նոր լուծումների համար:

3. «Մենք ընթացքում ենք սովորում»

Ձեր երեխան պետք է հասկանա, որ դժվարություններն ու սխալները նորմալ են: Փորձեք նրան սովորեցնել թեւաթափ չլինել ոչ մեծ բացթողումների համար: Կարեւոր է նրան հիշեցնել այդ մասին ոչ միայն պարտության պահին, այլեւ նրա կյանքի կարեւոր, պատասխանատու եւ վճռորոշ իրադարձություններից առաջ:

4. «Յուրաքանչյուր մասնագետ ժամանակին քեզ նման աշակերտ է եղել»

Շատ կարեւոր է ժամանակ առ ժամանակ երեխային հիշեցնել, որ յուրաքանչյուր հաջողակ մասնագետ իր կյանքի ուղու մեկնարկին պրոֆեսիոնալ չի եղել: Թող ձեր երեխաները մեծանան ընկալումով, որ սխալվելը նորմալ է, պարտվելը նորմալ է, պայքարելը՝ նույնպես: Նորմալ չէ մտածել, որ սխալները, պարտությունն ու պայքարը շարունակական են: Երեխային հասկացրեք, որ համբերատարությունը, համառությունն ու ջանասիրությունը շատ ավելի կարեւոր են, քան կատարելությունը:

5. «Պարտությունն ընտրություն չէ»

Ձեր երեխայի հետ խոսեք այն մասին, թե ինչ է նշանակում այս արտահայտությունը: Բացատրեք, որ նա պետք է հասնի իր նպատակին, ցանկացած փորձ որպես դաս ընկալի, դրանում ոչ թե պարտություն, այլ սովորելու նոր հնարավորություններ տեսնի, նոր ռազմավարություն փնտրի: Պարտությունը չի կարող ընտրություն լինել: Ընտրություն է սովորելը, աճելը, համառության համար ինքն իրեն սիրելն ու իր ուժերին հավատալը:

6. «Դու պետք է սովորես յուրաքանչյուր կապտուկից»

Ամեն անգամ, երբ ձեր երեխան ինչ-որ բան այնպես չի անում, տհաճ իրավիճակի մեջ է ընկնում, հարցրեք, թե ինչ սովորեց այդ փորձից: Խոսեք նրա հետ այդ մասին, բացատրեք, որ բոլորս էլ սովորում ենք սխալների, բացթողումների ու կապտումների միջոցով: Նրան սովորեցրեք յուրաքանչյուր իրադարձությունից եզրահանգումներ անել:

7. «Դու անվտանգության մեջ ես՝ շրջապատված սիրով եւ հոգատարությամբ»

Կարո՞ղ եք ձեր մանկությունից դրվագ հիշել, երբ ձեզ անվտանգության մեջ եք զգացել, շրջապատում՝ սեր ու հոգատարություն: Դրանք հանգստության ու ջերմության, ներդաշնակության պահեր են: Չափազանց կարեւոր է երեխային սիրո եւ հոգատարության մթնոլորտում մեծացնել, որպեսզի նա իրեն անվտանգության մեջ զգա: Դա դրական է ազդում ինքնագնահատականի վրա, օգնում է ուժեղ եւ քաջ զգալ: Ամեն երեկո քնելուց առաջ ձեր փոքրիկին ասեք. «Դու անվտանգության մեջ ես: Դու շրջապատված ես սիրով եւ հոգատարությամբ»: Այդ բառերն ասեք քնքուշ եւ հանգիստ, որպեսզի նա կարողանա դրանք հիշել սթրեսի եւ դժվարությունների ժամանակ:

Աղբյուրը՝ Soulpost

Հետևեք NEWS.am STYLE-ին Facebook-ում, Twitter-ում և Instagram-ում