• «Hahaha LA». Երբ մանկական հագուստը դառնում է մշակութային կամուրջ

  Լոս Անջելեսում հիմնադրված «Hahaha LA» հայկական ընկերությունը մանկական հագուստը վերածում է յուրօրինակ մշակութային կամրջի, որը կապում է սերունդներ, երկրներ և միմյանցից տարբեր մանկական աշխարհներ…

• «PROFAL․ ձայնամեկուսիչ է» արշավը երեք օր շարունակ գրավեց երևանցիների ուշադրությունը

  Երևան քաղաքի տարբեր փողոցներում երեք օր շարունակ հնարավոր էր տեսնել մի մեքենա, որը բառացիորեն ստիպում էր անցորդներին կանգ առնել ու պատրաստել հեռախոսները։ Քաղաքային աղմուկի ու եռուզեռի մեջ մեքենայի ներսում տիրում էր լիակատար անդորր ու խաղաղ մթնոլորտ...

• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

• Tsaghkunk Restaurant & Glkhatun դարձել է առաջին հայկական ռեստորանը «The World’s 50 Best Discovery» հարթակում

  Պատմական իրադարձություն հայկական գաստրոնոմիայի համար. Ծաղկունք Ռեստորան և Գլխատունը դարձել է առաջին ռեստորանը Հայաստանից, որ ընդգրկվել է «The World’s 50 Best Discovery» հարթակում՝ միջազգային ուշադրություն հրավիրելով երկրի զարգացող խոհարարական արվեստին...

• Jardins d'Arménie հայկական ռոյալ բրենդին Մոնտե-Կառլոյի հեռուստատեսային փառատոնին

  Pogossian Luxury Brand House-ն իր Jardins d’Arménie-ի բրենդով Մոնտե-Կառլոյի 65-րդ հեռուստատեսային փառատոնին հանդես է եկել որպես Բյուրեղյա գործընկեր ( Crystal Partner)` ներկայացնելով հայկական ժառանգությունը, վարպետությունն ու մշակութային գերազանցությունը Մոնակոյի ամենահեղինակավոր միջազգային հարթակներից մեկում....

• Արմեն Պողոսյանը ներկայացրել է Հայաստանը «Forbes Under 30 China» գագաթնաժողովում

  «Pogossian Luxury Brand House»-ի սեփականատեր Արմեն Պողոսյանն առաջին հայ գործարարն է, ով հանդես է եկել Չինաստանի «Forbes Under 30» հարթակում՝ սահմանելով կարևոր նշաձող հայկական ձեռնարկատիրության, լյուքս ոլորտի արհեստագործության և միջազգային բիզնես ներկայացուցչության համար...

• Երևանի կենտրոնում «Ազատությունն» է, «Ազատության» կենտրոնում ջազն էր. ջազային մթնոլորտում համագործակցության հուշագիր ստորագրվեց  

  Երևանյան ջերմ երեկո, ջազ, հեղինակային յուրահատուկ կոկտեյլներ և…«Ազատություն». պրեմիում դասի բազմաֆունկցիոնալ համալիրը հերթական միջազգային գործընկերությունը մեկնարկեց...

• Մտիր խաղի մեջ, հասիր FIFA Final. Ինեկոբանկն ու Visa-ն մեկնարկում են բացառիկ նախաձեռնություն Հայաստանում

  Ինեկոբանկն ու Visa-ն միավորում են ուժերը FIFA World Cup 2026™ -ին ընդառաջ՝ հատուկ նախաձեռնությամբ մեկտեղելու համաշխարհային ֆուտբոլի էներգիան և ժամանակակից բանկային փորձառությունը...

2023 թվականին 21-ամյա Արթուր Պողոսյանը Երևանում հիմնեց Christian.evn-ը՝ նորաձևությունը, արվեստը, ծաղիկներն ու գաստրոնոմիան միավորող կոնցեպտուալ սրճարան։ Նախագիծը հայտնի դարձավ համաշխարհային նորաձևության տներից ոգեշնչված հեղինակային դեսերտներով, որոնց ստեղծման ամբողջ ընթացքը հիմնադիրը ներկայացնում էր սոցիալական ցանցերում։ Թեև Christian.evn-ն արդեն մի քանի ամիս է՝ փակել է իր դռները, Պողոսյանը շարունակում է զարգացնել իր գաղափարները Միացյալ Նահանգներում։

Christian.evn-ի ստեղծումը. Դիորի զգեստից մինչև հեղինակային դեսերտներ

Christian.evn-ը բացվել է 2023 թվականի օգոստոսին՝ Երևանի Հանրապետության փողոցում։ Սրճարանի գաղափարը նորաձևությունը, ծաղիկները, արվեստն ու գաստրոնոմիան մեկ տարածքում համախմբելն էր՝ այցելուներին առաջարկելով ոչ միայն սուրճ և դեսերտներ, այլև դրանց ստեղծման պատմությունները։

Սրճարանի առաջին և առավել հայտնի դեսերտներից մեկը ստեղծվել էր Քրիստիան Դիորի 1949 թվականի «Junon» զգեստի հիման վրա։ Պողոսյանի խոսքով՝ հենց այդ զգեստն էր դարձել ամբողջ նախագծի գաղափարի գլխավոր ոգեշնչման աղբյուրը։

Բացումից հետո սրճարանն արագ ճանաչում ձեռք բերեց սոցիալական ցանցերում։ Հեղինակային դեսերտները գրավեցին այցելուների ուշադրությունը, իսկ չորս ամիս անց Պողոսյանն ընդլայնեց նախագիծը՝ Թումանյան 16 հասցեում բացելով ավելի ընդարձակ տարածք՝ նոր մենյուով։

Christian.evn-ի առանձնահատկություններից էր նաև ստեղծագործական գործընթացի հրապարակայնությունը։ Հիմնադիրը պարբերաբար ներկայացնում էր իր դեսերտների էսքիզները, նախնական տարբերակները, համային փորձարկումներն ու պատրաստման տեխնիկական դժվարությունները։

«Ես երբեք չեմ թաքցրել այն գործընթացը, որով աշխատում եմ։ Կիսվել եմ բոլոր էսքիզներով, պատմել եմ մանրամասները սոցիալական ցանցերում։ Շատերը կարծում էին, որ այդքան տեղեկություն հրապարակելը միամիտ քայլ է, բայց ես վստահ էի, որ իմ աշխատանքի մեթոդները կարող են օգտակար լինել նաև այլ հրուշակագործների համար։ Մեր փորձարկումները կարող են նպաստել ոլորտի զարգացմանը՝ այն ավելի հետաքրքիր դարձնելով թե՛ սպառողների, թե՛ մասնագետների համար»,— նշել է Պողոսյանը։

Կոնցեպտուալ սրճարանների զարգացումն ու Christian.evn-ի ազդեցությունը

Christian.evn-ի ստեղծման ժամանակ Երևանի սրճարանային ոլորտում արդեն զարգանում էին նոր ձևաչափեր։ Պողոսյանի նախագիծը տարբերվում էր նրանով, որ միավորում էր մի քանի ուղղություն՝ նորաձևություն, ծաղկային դիզայն, արվեստ և հեղինակային հրուշակագործություն։

Հետագա ամիսներին մայրաքաղաքում հայտնվեցին նաև այլ բազմաֆունկցիոնալ տարածքներ։ Christian.evn-ի բացումից մոտ յոթ ամիս անց Jazzve-ն ներկայացրեց իր թարմացված կոնցեպտը՝ ավելացնելով J-Flowers ծաղկային ուղղությունը։ Concept by Vremena Goda-ն իր հերթին գործարկեց Concept Bar-ը, որի գործունեությունը ներառում էր նորաձևությունից ոգեշնչված դեսերտներ, թեմատիկ միջոցառումներ և դասախոսություններ։

Այս նախագծերի և Christian.evn-ի միջև կան կոնցեպտուալ ընդհանրություններ, սակայն դրանց ստեղծման վրա Պողոսյանի անմիջական ազդեցությունը հաստատող անկախ տվյալներ ներկայացված չեն։

Հիմնադիրն ինքը սոցիալական ցանցերում անդրադարձել է Երևանում նոր կոնցեպտուալ տարածքների և դիզայներական դեսերտների տարածմանը՝ ողջունելով ոլորտում ստեղծագործական նոր մոտեցումների զարգացումը։

«Մարդիկ ակնկալում էին, որ կբարկանամ կամ կնեղվեմ, բայց փոխարենը հպարտանում եմ։ Երևանում ընթրիքից հետո հիմնականում առաջարկում էին նույն մեղրային տորթը, Նապոլեոնը կամ գաթան։ Հիմա հրուշակագործները մտածում են, թե ինչպես ստեղծել նոր զգացողություններ, ձևեր և տեքստուրաներ՝ հյուրերին զարմացնելու համար։ Ուրախ եմ տեսնել Christian-ի հետքերը ամբողջ քաղաքում»,— ասել է Պողոսյանը։

Միաժամանակ նա ընդգծել է ոգեշնչման և ուղղակի կրկնօրինակման տարբերությունը՝ մասնագետներին հորդորելով սեփական աշխատանքներում օգտագործել անձնական փորձը, արվեստը, ճարտարապետությունն ու կինոն։

«Կուզեի, որ փորձառու հրուշակագործները ոգեշնչվեին պատմություններից, սեփական երևակայությունից, ճարտարապետությունից կամ ֆիլմերից։ Իմ աշխատանքը կրկնելով՝ գուցե մեկ հաջող ամիս ունենան, իսկ սեփական գաղափարները զարգացնելով՝ կարող են ստեղծել մի ամբողջ նոր կատեգորիա»,— նշել է նա։

Դեսերտը՝ որպես արվեստի արտահայտման միջոց

Պողոսյանի մոտեցման հիմքում դեսերտը պարզապես սննդատեսակ չդիտարկելն է։ Նրա խոսքով՝ հեղինակային հրուշակագործությունը կարող է կապ ստեղծել արվեստի, նորաձևության և բարձր գաստրոնոմիայի միջև։

«Դեսերտը նաև արտահայտվելու, ստեղծագործելու և նորովի ներկայացնելու միջոց է։ Թանգարանում ցուցադրված նկարը և դիզայներական դեսերտը կարող են մարդու մեջ նույն զգացողություններն առաջացնել։ Ես հենց դրա համար եմ աշխատում»,— նշել է հիմնադիրը։

Christian.evn-ում յուրաքանչյուր նոր դեսերտի ստեղծմանը նախորդում էին էսքիզների մշակումը, նախատիպերի պատրաստումը, համային համադրությունների փորձարկումներն ու կառուցվածքային լուծումների որոնումը։ Առանձին բարդություն էին ներկայացնում դիզայներական հագուստի ձևերն ու մանրամասները հրուշակեղենի միջոցով վերարտադրելը՝ պահպանելով դեսերտի համը, քաշն ու տեքստուրան։

2024 թվականի հարցազրույցներից մեկում Պողոսյանը նշել էր, որ, թեև աշխարհում հայտնի են նորաձևության բրենդներին պատկանող սրճարանները, իր նպատակը տարբերվող փորձառություն ստեղծելն էր։ Նրա համար կարևոր էր ոչ թե պարզապես բրենդային սպասքով դեսերտ մատուցելը, այլ ուսումնասիրել նորաձևության տների արխիվները, դրանց պատմություններն ու դիզայներական աշխատանքները և այդ ամենը վերածել ուտելի ստեղծագործությունների։

Միջազգային ներկայացում և նախագծի հետագա զարգացումը

2024 թվականի նոյեմբերին Christian.evn-ը մասնակցեց THE ARMENIAN QUEST 2024: Golden Autumn միջոցառմանը՝ իր հեղինակային աշխատանքները ներկայացնելով միջազգային լրատվամիջոցների ներկայացուցիչներին և շեֆ-խոհարարներին։

Միջոցառումը հնարավորություն տվեց սրճարանին իր կոնցեպտը ներկայացնել նաև միջազգային մասնագիտական լսարանին։

Ներկայում Christian.evn-ը Երևանում չի գործում։ Նախագծի հիմնադիր Արթուր Պողոսյանը շարունակում է իր գործունեությունը Միացյալ Նահանգներում՝ զարգացնելով նորաձևության, արվեստի և գաստրոնոմիայի համադրության իր գաղափարները։

Նյութը` Կարինե Տերտերյան

Հետևեք NEWS.am STYLE-ին Facebook-ում, Twitter-ում և Instagram-ում