Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

«Կփորձենք ֆիլմը ներկայացնել Netflix, Hulu եւ Amazon հարթակներին». ցեղասպանությունից փրկվածների մասին՝ «Ամերիկացի բարի սամարացիները» ֆիլմի պրեմիերան՝ Երեւանում

14:34, 19 մարտի

Մարտի 18-ին «Մոսկվա» կինոթատրոնում կայացավ «Ամերիկացի բարի սամարացիները» ֆիլմի պրեմիերան: Վավերագրական այս դրաման պատմում է ցեղասպանությունից փրկվածների ու նաեւ այն արտասովոր մարդկանց մասին, որոնց շնորհիվ իսպառ ոչնչացումից փրկվեցին հայ, հույն եւ ասորի ժողովուրդները:

«Այս ֆիլմը նաեւ մեր՝ հայերիս համերաշխության քայլն է մեր բախտակից ժողովուրդներին՝ որպես քրիստոնյաներ: Փորձել ենք ավելի համամարդկային դարձնել դրա պատմությունը, որը ոչ միայն մարդասիրական տեսանկյունից էր կարեւոր քայլ, այլեւ՝ մարքեթինգային. այն կնպաստի ֆիլմի ավելի լայնամասշտաբ տարածմանը: Մեր առաջին պատմության՝ «Փրկության քարտեզի» առանցքը Հայոց ցեղասպանությունն էր, ինչը որոշակի վերապահումների հանդիպեց, իսկ այս մեկն ընդհանուր՝ համամարդկային ողբերգության մասին է»,-ֆիլմին նախորդող ասուլիսի ժամանակ նշեց մտահղացման հեղինակ և պրոդյուսեր Մանվել Սարիբեկյանը: Ըստ նրա՝ Ֆիլմի հանրաճանաչման համար արդեն որոշակի գործողություններ եւ կարեւոր բանակցություններ են տարվում,-«Պետք է փորձենք այն ներկայացնել նաեւ Netflix,  Hulu եւ Amazon հարթակներին»,-հավելեց Սարիբեկյանը:

275875485_656924245584479_3963071367521782336_n.jpg (139 KB)

Վավերագրական դրամայի օրիգինալ լեզուն անգլերենն է. այն առայժմ թարգմանված է միայն հայերենով, սակայն պրոդյսւսերը չբացառեց, որ ֆիլմը հետագայում կթարգմանվի այլ լեզուներով եւս:

Բեմադրող օպերատոր Աշոտ Մկրտչյանն, անդրադառնալով վավերագրության բարդություններին, պատմեց, որ ստիպված է եղել որոշ նկարահանումներ շատ զգույշ կատարել՝ համապատասան թույլտվությունը չստանալու պատճառով: Նրա խոսքով՝ խնդիրները շատ էին, սակայն նկարահանումները հետաքրքիր են անցել: Ասում է՝ միայն ափսոսում է, որ շատ կադրեր դուրս են մնացել ֆիլիմից:

Ամերիկացի բարի սամարացիները, 1080x771.jpg (577 KB)

Խոսելով նկարահանումների մյուս դժվարություններից՝ Մանվել Սարիբեկյանը հավելեց,-«Մենք շատ զգույշ նկարահանումներ ենք ունեցել: Արդեն գիտենք՝ ինչպես աշխատել, որպեսզի չբախվենք խնդիրների: Իսկ Թուրքաիայից թույլտվություն խնդրելը նկարահանման համար աբսուրդ է: Ես երբեք չեմ փորձել, քանի որ դա ապարդյուն գործ է լինելու»:

Ֆիլմում օգտագործվել են նաև խաղարկային դրվագներ: Որպես պատմող նկարահանվել է ամերիկացի ցեղասպանագետ Փոլ Լեւինը:  Հարցին՝ որքանո՞վ է հավանական, որ վավերագրական պատմություններից մեկը հետագայում վերածվի խաղարկային ֆիլմի, պրոդյուսերը պատասխանեց.

«Եթե լինի այնպիսի մի սցենար, այնպիսի ռեժիսոր, որն ինձ կոգեւորի, կփորձենք աշխատել նաեւ խաղարկային ֆիլմի շուրջ»:

275839352_342581431217168_5610703481540699064_n.jpg (184 KB)

«Ամերիկացի բարի սամարացիները» «Երախտագիտության քարտեզ» ֆիլմաշարի երկրորդ ֆիլմն է: Առաջինը «Փրկության քարտեզն» էր, որը պատմում է եվրոպացի հինգ Մեծ հումանիստ կանանց կյանքի եւ Հայոց ցեղասպանության տարիներին նրանց մարդասիրական առաքելության մասին: Այն էկրան է բարձրացել 2015թ-ի ապրիլին, թարգմանվել 13 լեզուներով եւ ցուցադրվել է  արդեն 20 երկրների բազմաթիվ քաղաքների սրահներում, հայաստանյան հեռուստաալիքներով, գնացքներում եւ համացանցում: «Փրկության քարտեզ» ֆիլմի ռեժիսորը Արամ Շահբազյանն է:

Ֆիլմում օգտագործվել են ԱՄՆ-ի, Հունաստանի, Լիբանանի եւ Հայաստանի տարբեր արխիվների, գրադարանների եւ թանգարանների փաստագրական նյութերը: Որպես խորհրդատուներ պատմական փաստերի հավաքագրմանն աջակցել են ԱՄՆ-ի, Հունաստանի, Լիբանանի, Շվեդիայի եւ Հայաստանի ցեղասպանագետներ, պատմաբաններ, գիտական կենտրոնների պատասխանատուներ ու աշխատակիցներ:  

«Ամերիկացի բարի սամարացիները» ֆիլմի հեղինակը Մանվել Սարիբեկյանն է, սցենարի հեղինակը՝ Ամբեր Կարլինսը,  բեմադրող ռեժիսոր՝ Արա Մնացականյան, օրիգինալ երաժշտության հեղինակ՝ Արտաշես Քարթալյան, բեմադրող օպերատոր՝ Աշոտ Մկրտչյան, մոնտաժը՝ Տիգրան Բաղինյանի: Ֆիլմի համաշխարհային պրեմիերան տեղի է ունեցել 2021-ի նոյեմբերի 20-ին՝ Լոս Անջելեսում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search