• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• «Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար

  «Breaking Bad»-ի աստղ Ջանկառլո Էսպոզիտոն իր կարիերայի ընթացքում մի պահ այնքան կոտրված է եղել, որ մտածել է վարձել մարդասպանի, որպեսզի վերջինն իրեն սպանի՝ իր երեխաներին ապահովագրելու համար…

• Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ

  Քիմ Քարդաշյանին մեղադրել են Instagram-ի նոր հրապարակման համար, որում, ըստ շատերի, նա ավելի լավ տեսք ունի, քան քույրերը՝ Քլոեն եւ Քորթնին…

• Անզուգական Մոնիկա Բելուչին ասում է, որ «համակերպվել է ծերության հետ»

  Մոնիկա Բելուչին հայտնվել է Elle Spain-ի մայիսյան համարի շապիկին՝ ստիպելով սրտերին արագ բաբախել․․․

• Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին

  15-ամյա աղջիկը, որին անվանել են Սերաֆինա Ռոուզ, այժմ կրում է Ֆին անունը եւ օգտագործում է «նրանք» դերանունը․․․

• Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը

  Վիկտորյա Բեքհեմը լուսանկարվել է ELLE Spain-ի ֆոտոշարքում եւ բացահայտել ամուսնու՝ Դեւիդի հետ իր երջանիկ ամուսնության գաղտնիքը․․․

• Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին

  Քանյե Ուեսթին մեղադրել են, քանի որ նա բռնունցքով հարվածել է մի տղամարդու դեմքին, երբ վերջինը սեռական ոտնձգություն է կատարել իր կնոջ՝ Բիանկա Սենսորիի նկատմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

Արդեն վեցերորդ անգամ Երեւանում անցկացվում է երաժշտական ամենաթեժ իրադարձություններից մեկը՝ Yerevan Music Night-ը, որն այս տարի տեղի ունեցավ սեպտեմբերի 10-ին։ Ինչպես միշտ, այս անգամ եւս Շառլ Ազնավուրի հրապարակը մարդաշատ էր, իսկ բեմը՝ աստղաշատ։ Երաժշտական օրը մեկնարկել էր 16:00-ից, իսկ երեկոյան բեմահարթակը տրամադրվեց միջոցառման այս տարվա հատուկ հյուրերին․ ինքնատիպ կատարումներով ելույթ ունեցան Կարինա Առուստամյանն ու The Band-ը, անհավանական էներգիայով կիսվեց Սրբուկը, ժամանակակից հիթերով ոգեւորեցին Լիլիթն ու A Chilla-ն, հանդիսատեսին հիթաշատ ստեղծագործություններ մատուցեց Kami Friends-ը, երեկոն իր ներկայությամբ, իմպրովիզներով ու անմիջականությամբ թեժացրեց Էրիկը։ Միջոցառման հանդիսավարը Ներսես Ավետիսյանն էր, որից հանդիսատեսը եւս սպասում էր կատարումների․ «Այսօր վարում եմ, գուցե մյուս տարի երգեմ»,-կատակեց հաղորդավարը։

Посмотреть эту публикацию в Instagram

Публикация от NEWS.am STYLE (@style.news.am)

Yerevan Music Night-ն արդեն հաճելի ավանդույթ է դարձրել միջոցառման շրջանակում քաղաքում հյուրընկալել համաշխարհային աստղերի։ Այս տարի երաժշտական երեկոն իր ներկայությամբ պատվեց գերմանացի երգչուհի Oceana-ն, որը լայն լսարանին հայտնի է «Endless Summer» հիթով։ Այս երգը հնչել է 2012 թ-ի Ֆուտբոլի Եվրոպայի առաջնության փակման արարողության ժամանակ ու միանգամից վերածվել հիթի։ Հայ հանդիսատեսը եւս անհամբերությամբ էր սպասում այդ երգի կատարմանը Երեւանում, իսկ երկկողմանի էմոցիաներն աննկարագրելի էին։

Բեմում իր էներգիան նվիրելուց հետո գերմանացի երգչուհին ետնաբեմում մոտ 30 րոպե սիրով լուսանկարվեց հայ հանդիսատեսի հետ, այնուհետեւ NEWS.am STYLE-ին պատմեց իր տպավորությունների մասին։

Oceana-ն նշեց, որ առաջին անգամ է Հայաստանում, բայց մեր երկրի մասին շատ բաներ հասցրել է իմանալ մտերիմ ընկերներից մեկի՝ երգչուհի Իվետա Մուկուչյանի պատմածներից․

Посмотреть эту публикацию в Instagram

Публикация от NEWS.am STYLE (@style.news.am)

«Իվետայի հետ մենք Համբուրգում, կարելի է ասել, միասին ենք սկսել մեր երաժշտական կարիերան։ Ինձ դուր է գալիս նրա երաժշտությունը, եւ, առհասարակ, հայկական երաժշտությունը։ Հայաստանի մասին շատ բաներ հենց Իվետայից եմ լսել։ Մենք միմյանց հետեւում ենք եւ, ժամանակ առ ժամանակ, կիսվում նորություններով, եւ երբ ստացա այստեղ գալու հրավերը, ասացի նրան՝ «Այո, վերջապես հնարավորություն կունենամ տեսնելու քո հայրենիքը»։ Երեւանը շատ գեղեցիկ է, այսօր զբոսնել եմ քաղաքով, կարծում եմ՝ չափազանց գեղեցիկ են նաեւ այստեղի մարդիկ։ Ինձ, իսկապես, դուր է գալիս քաղաքի էներգետիկան, դրա համար էլ շատ հեշտ եմ ելույթ ունեցել այս բեմից, եւ կարծում եմ, որ բոլորս միասին հրաշալի ժամանակ անցկացրինք։ Դեռ այդ էմոցիաներն եմ ապրում»,-խոստովանեց երգչուհին։

Oceana-ն գիտի՝ տարբեր երկրներում հանդիսատեսը, հատկապես, անհամբերությամբ է սպասում իր՝ «Endless Summer» երգի կատարմանը, սակայն ինքը՝ երգչուհին, իր երգացանկից նախընտրում է ավելի մեղեդային, զգացմունքային կատարումները․

«Ես իմ բոլոր երգերն էլ սիրում եմ եւ հաճույք եմ ստանում յուրաքանչյուրը կատարելիս, քանի որ դրանք բոլորն էլ տարբերվում են մեկը մյուսից։ «Endless Summer»-ը սիրում եմ, քանի որ այն շատ էներգետիկ, տրամադրություն բարձրացնող երգ է, վստահորեն «Cry Cry»-ն էլ է իմ սիրելի երգերի շարքում․ այն առաջին երգն էր, որի շնորհիվ իմ կարիերան առաջխաղացում ապրեց․ շատ էմոցիոնալ ստեղծագործություն է։  Սիրում եմ էմոցիոնալ երգերս, քանի որ ինքս էլ զգացմունքային մարդ եմ։ Գիտե՞ք, ես շատ երգեր ունեմ, որոնք մարդիկ, հնարավոր է, չիմանան, դրանցից, օրինակ, այսօր կատարել եմ»։

Իսկ այն, որ հայ հանդիսատեսը ջերմ է լինելու, երգչուհին զգացել էր դեռեւս համերգային փորձի ժամանակ։ 

«Վստահ էի, որ լավ ժամանակ պիտի անցկացնենք։ Երբ համերգից առաջ փորձ էի անում, բեմի շուրջ արդեն մարդիկ կային հավաքված, ինձ ոգեւորում էին։ Իսկ շոուից, իսկապես, հաճույք եմ ստացել։ Հայաստանն իմ պարտադիր այցելության երկրների ցանկում էր, ու ես դա, վերջապես, արեցի։ Ցավոք՝ այստեղ երկար ժամանակով չեմ կարող մնալ․ մենք այս գիշեր մեկնում ենք, բայց, իհարկե, շատ կցանկանամ վերադառնալ»,-հավելեց նա։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում