• Իսպանական քաղաքը խեղդվել է լոլիկի մեջ. 20,000 մարդ կազմակերպել է զանգվածային լոլիկի կռիվ  

  Աշխարհի տարբեր ծայրերից հազարավոր մասնակիցներ հավաքվել են իսպանական Բունյոլ քաղաքում՝ մասնակցելու հայտնի «Լա Տոմատինային»՝ աշխարհի ամենամեծ ամենամյա «սննդի կռվին»։ Մի քանի ժամվա ընթացքում քաղաքի փողոցները վերածվել են լոլիկի իսկական ծովի...

• Վահան Տերյանի և Հովհաննես Թումանյանի գրական երկխոսությունը՝ նոր բացահայտումների լույսի ներքո

  Հայ գրականության երկու մեծերի՝ Վահան Տերյանի և Հովհաննես Թումանյանի ստեղծագործական ու մարդկային կապերի մասին նոր փաստեր են ներկայացվել Սուսաննա Հովհաննիսյանի նոր ուսումնասիրությունում...

• «90-ականները մեկ օրով վերադառնում են Հայաստան». Ալեքսանդր Մհերյանը՝ Retro Stars Fest-ի գաղափարի, աստղերի և սպասվող անակնկալների մասին

  Այս առաջին փառատոնը կոչվում է Retro Stars Fest — Disco Legends։ «Առաջին» բառը այստեղ պատահական չէ...

• Առաջին անգամ Հայաստանում՝ համերգ, որտեղ ոչինչ չեք տեսնի

  Պատկերացրեք՝ մտնում եք համերգասրահ, նստում ձեր տեղում, և… լույսերն ամբողջությամբ անջատվում են...

• «Գութան» փառատոնը նվիրված կլինի Գագիկ Գինոսյանի 60-ամյակին և կրկին կհամախմբի հայկական երգի և պարի լավագույն խմբերին

  Օգոստոսի 22-ին՝ ժամը 19:00-ին, «Մրրո» հայ ազգային արվեստի կենտրոնի նախաձեռնությամբ Երևանի Գաֆէսճյան քանդակների պարտեզում (Կասկադ) տեղի կունենա «Գութան» Հայաստանի ազգային-ավանդական երգի-պարի ամենամյա փառատոնը…

• «Երազ Այգում» կանցկացվի Ազգային տարազի փառատոնը

  Օգոստոսի 16-ին «Երազ Այգի»-ում տեղի կունենա Ազգային տարազի փառատոնը, որը մեկ հարթակում կմիավորի հայկական ազգային տարազը, ավանդական արհեստները, երաժշտությունը, էթնոդիզայնն ու Խաղողօրհնեքի դարավոր ավանդույթը...

• Եկեղեցական մոմի լույսի ներքո. Ազգային պատկերասրահում բացվեց Կարեն Օհանյանի «Նուրբ բան» ցուցահանդեսը

  Նկարչությունը երբեմն այնքան չի ցուցադրում, որքան ստիպում է մեզ նայել…

• «Նավասարդ» հայ-իրանական փառատոնը նշում է 5-րդ հոբելյանը․ Սիսիանում սպասվում են երկու օր տևող մշակութային ու խոհարարական տոնակատարություններ

  Այս տարի «Նավասարդ» հայ-իրանական մշակութային և խոհարարական փառատոնը նշում է իր 5-ամյակը...

Հոկտեմբերի 17-ից 22-ը Երեւանում անցկացվելու է Շեքսպիրյան 16-րդ միջազգային թատերական փառատոնը։ Այս տարի թատերական իրադարձությունը միավորելու է հասարակական-բարեգործական եւ մշակութային արժեքները։ Կլինի տոմսերի վաճառք եւ փառատոնից ստացված ողջ հասույթը կուղղվի բարեգործության։ 

Փառատոնի կարեւորագույն հաղորդագրություններից մեկը դառնալու է ադրբեջանական ագրեսիայի դեմ կոչը․

«Այս տարի փառատոնը միտված է քաղաքականության․ բացի մշակութային մեծ հրավառությունից, մենք նաեւ շատ կարեւոր առաքելություն ենք իրականացնում։ Սեպտեմբերի 13-ին սկսված ծանր օրերից հետո մեր գլխավոր հովանավոր՝ «ՄԵՆՔ» բարեգործական հասարակական կազմակերպության  հետ որոշեցինք, որ պետք է ունենանք նաեւ ակցիա, որպեսզի մեր ձայնը լսելի դառնա միջազգային հանրության համար, եւ հանդես ենք գալիս «Save culture and stop aggression» (փրկեք մշակույթը եւ դադարեցրեք ագրեսիան) թեմայով։ Բացի այդ՝ այս տարի տոմսերից ստացված ողջ հասույթն ուղղվելու է բարեգործության»,-նշեց փառատոնի տնօրեն Կարո Բալյանը։

Անդրադառնալով Շեքսպիրյան փառատոնին իրենց աջակցության կարեւորությանը՝ «ՄԵՆՔ» բարեգործական հասարակական կազմակերպության հիմնադիր Հայկ Գրիգորյանը հավելեց․

«Փառատոնին միացել ենք անցած տարի, բայց այս տարի որոշեցինք նոր շունչ տալ դրան, որով այն էլ ավելի շատ կնպաստի իր նպատակին։ Այն ինչ մենք ծրագրում էինք իրականացնել, բացարձակ կապ չունի այն ամենի հետ, ինչ մենք արդյունքում անելու ենք՝ պայմանավորված սեպտեմբերին տեղի ունեցած իրադարձություններով, եւ հաշվի առնելով փառատոի միջազգային գործոնը՝ հասկացանք, որ դա պետք է օգտագործել մեր մեսիջը միջազգային լսարանին հասցնելու համար։ Իմ կարծիքով՝ դա պետք է Հայաստանում բոլորն անեն։ Սա բացարձակ կապ չունի քաղաքականության հետ, սա պետականամետ ու հայապահպան մոտեցում է։ Մենք խնդիր ունենք բարձրաձայնելու մեր խնդիրների մասին։ Սա նաեւ համամարդկային խնդիր է, քանի որ, գրեթե, բոլոր երկրներում ինչ-որ բան տեղի է ունենում, եւ այս ագրեսիան, ինքնին, գոյություն ունի ամեն տեղ, եւ մեր ասելիքն այն է, որ դա պետք է դադարեցնել։ Իսկ մենք այս պահի ունենք հրատապության խնդիր»։

Այս տարի Շեքսպիրյան փառատոնը կհյուրընկալի 10 երկրից ժամանած ավելի քան 250 մասնակցի եւ հյուրի՝ նրանց թվում են հեղինակավոր արվեստագետներ, միջազգային փառատոների տնօրեններ Իտալիայից, Հունգարիայից,  Ռումինիայից, Ղազախստանից, Իրանից, Բուլղարիայից, Ռուսաստանից, Վրաստանից և Ֆրանսիայից։

Երեւանյան 11 բեմահարթակում կցուցադրվի ավելի քան 19 ներկայացում՝ 18 թատերախմբի մասնակցությամբ։
Երեւանի Շեքսպիրյան 16-րդ միջազգային թատերական փառատոնի հեդլայներ կդառնան Սանկտ-Պետերբուրգի պատանի հանդիսատեսի թատրոնի «Ձմեռային հեքիաթ» (Ռուսաստան) եւ IM Perfect թատերախմբի «Ռոմեո եւ Ջուլիետ» (Իտալիա) ներկայացումները։

Ներկայացում կցուցադրվի նաեւ Գյումրու Վ. Աճեմյանի անվան դրամատիկական թատրոնի բեմում։ Նովոռոսիյսկի դրամատիկական թատրոնը (Ռուսաստան) կներկայացնի «Լիր արքան»։ Փառատոնի շրջանակում կանցկացվի նաեւ հատուկ ծրագիր «FestOFF» խորագրով, որը նախատեսված է ուսանողների եւ անկախ թատերախմբերի համար։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում