• Այսօր «դեկոլտեի» միջազգային օրն է․ հայ եւ համաշխարհային հայտնիները՝ համարձակ եւ նրբաճաշակ լանջաբացվածքներով (ֆոտո)

  Լանջաբացվածքը՝ դեկոլտեն, գալիս է դարերից ու համարվում կանացի գրավչությունն ընդգծող ամենասեքսուալ միջոցներից․․․

• Levi's-ը ծրագրում է աշխատանքի մեջ ներգրավել արհեստական ինտելեկտի միջոցով ստեղծված մոդելներին

  Մենք նորաձեւությունն ու տեխնոլոգիան դիտարկում ենք որպես արվեստ եւ գիտություն․․․

• Հայ մոդելը՝ Befree-ի գարուն/ամառ 2023 գովազդային արշավում

  Լուսին Հարությունյանն այն աղջիկն է, ով զարդարել է Befree գովազդային արշավը․․․

• Հայկականը՝ միջազգային մատուցմամբ․ Լոս Անջելեսի կալիֆորնյան համալսարանի շրջանավարտներից եւ ուսանողներից ձեւավորված VEM լարային քառյակը ելույթ ունեցավ Երեւանում (ֆոտո)

  VEM լարային քառյակը երեկ՝ մարտի 29-ին, ելույթ ունեցավ Երեւանում...

• 39-ամյա մոդելը պնդում է, որ կարող է օրգազմի հասնել «մտքի ուժով»

  Տանտրա յոգան նաեւ սովորեցրել է Վոնկին «արտահայտել» այն, ինչ ցանկանում է իր օրգազմի ընթացքում․․․

• Օրվա look-եր. Աննա Թովմասյան, Տաթեւիկ Ադումյան, Աննա Մանուչարյան, Անիտա Ավետիսյան, Մերի Երեմյան

  NEWS.am STYLE-ը հայտնիների ինստագրամյան էջերից առանձնացրել է 5 կերպար, որոնք ներկայացնում ենք «Օրվա look-եր» խորագրում...

• Հայտնի մոդել Էմիլի Ռատակովսկին մտադիր է սառեցնել իր ձվաբջիջները

  Ես շատ եմ մտածել այդ մասին․․․

• Օրվա look-եր․ Սիրուշո, Աննա Դովլաթյան, Արենա Զեյնալյան, Դալիթա, Էմմա Սապունջյան (ֆոտո)

  Դասական, սպորտային կամ casual՝ ո՞ր ոճն ես նախընտրում դու։ Գարունը թույլ է տալիս զգեստապահարանում ունենալ հարուստ տեսականի...

«Միսս Տիեզերք Հայաստան 2021» Նանե Ավետիսյանը հայտնվել է ֆրանսիական հեղինակավոր ԶԼՄ-ի՝ «Brut»-ի ուշադրության կենտրոնում։ Ամենամեծ լսարան ունեցող ֆրանսիական մեդիա ներկայացուցիչներից մեկը հայ մոդելի մասնակցությամբ տեսանյութ էր պատրաստել։

«Մեծ պատիվ էր, որ համագործակցել եմ նման հեղինակավոր պարբերականի հետ։ Այն մեծ մասսայականություն է վայելում Ֆրանսիայում․ մոտ 3 միլիոն հետեւորդ Instagram-ում, մոտ 4 միլիոն՝ Facebook-ում, 1․5 միլիոն Youtube-ում եւ այլն։ «Brut»-ի տարածվածության եւ ընթերցողների մեծ բանակի մասին նույնիսկ խոսելն է ավելորդ։ «Brut»-ը փորձել է նաեւ իմ միջոցով ցույց տալ, թե ինչ է կատարվում մեր երկրում։ Նրանց հատկապես հետաքրքրել էր այն պահը, որ հայ մոդելն անհրաժեշտության դեպքում կարող  է զենք վերցնել՝ պաշտպանելու իր հայրենիքը»,-NEWS.am STYLE-ի հետ զրույցում ասաց Նանե Ավետիսյանը։

Նյութի հիմնական շեշտարումը հայ կնոջ եւ պատերազմական իրավիճակի մասին է․ Նանեն ֆրանսիական լրատվամիջոցի ուշադրությունը գրավել է սեպտեմբերի 13-ից հետո իր ծավալած գործունեության շնորհիվ․

«Ռազմական պատրաստություն էի անցնում, որտեղ ինձ նկատեց ֆրանսիական հայտնի «Le Figaro» պարբերականի լրագրող Աստղիկը՝ առաջարկելով հարցազրույց վերցնել հենց իրենց համար։ Ինչ խոսք, հպարտանալու եւս մեկ առիթ է, քանի որ «Le Figaro»-ն Ֆրանսիայում, նույնպես, մեծ հեղինակություն ունեցող պարբերական է։ Դրան էլ հաջորդեց «Brut»-ի առաջարկը։ Ինձ համար մեծ պատիվ է, որ կարող եմ մեր երկրի մասին խոսել նման մեծ լսարան ունեցող պարբերականների միջոցով»։

Նանեի խոսքով՝ «Brut»-ի անդրադարձին հաջորդել է օտարերկրացի հետեւորդների մեծ հետաքրքրվածությունն իր անձնի նկատմամբ, ինչն այս պարագայում տեսանելի էր հետեւորդների նոր քանակի ավելացումով։ Մոդելն ասում է՝ աշխարհի տարբեր ծայրերից քաջալերող նամակներ է ստանում, որոնցում նշում են, որ հպարտանում են իրենով, իր՝ ռազմական պատրաստություն անցնելու որոշումով։

«Դեռ 2020-ից սկսած անդադար մտածում էի ռազմական պատրաստություն անցնելու մասին։ Փորձում էի գիտելիքներ ձեռք բերել այդ ոլորտի մասին, տեսանյութեր էի դիտում, սակայն որոշումս հստակեցրի սեպտեմբերին տեղի ունեցած ադրբեջանական հարձակումից հետո՝     հասկանալով, որ որքան էլ մոդել եւ հաղորդավար եմ, միեւնույն է, պատերազմին պետք է պատրաստ լինել։ Ինչ խոսք, կյանքս այդ ամենից հետո շատ է փոխվել, չեմ կարող չխոստովանել, որ ռազմական պատրաստություն ունենալը դժվար էր համատեղել իմ բազմազբաղ առօրյայի հետ, սակայն մեծ ցանկություն ունեի համատեղելու։ Առհասարակ, բոլորին եմ հորդորում, եթե ցանկանում են մեր երկիրը տեսնել հզոր, ապա ռազմական նվազագույն գիտելիքներ պետք է ունենան, որոնք ամեն պահի կարող են պետք գալ, թեպետ ինքս ինձ անդադար ասում եմ, որ երանի այս գիտելիքներն ինձ երբեք պետք չգան, սակայն մեր տղաները միշտ պետք է իմանան, որ իրենց հետ ենք»։

Նանե Ավետիսյանը հայրենիքում տարած հաղթանակից հետո «Միսս Տիեզերք» հեղինակավոր մրցույթում Հայաստանի ներկայացուցիչն էր։ Գեղեցկուհին, ով նաեւ հանդես է գալիս որպես հաղորդավար, հպարտությամբ է նշում, որ Հայաստանում իրեն հաջողվել էր հաղթանակ գրանցել բավական թեժ մրցակցության պայմաններում՝ մոտ 700 մասնակիցներ էին հայտ ներկայացրել։ Խոսելով իր ներկայիս գործունեության մասին, Նանեն ասաց հետեւյալը․

«Ես բավական ակտիվ եմ համացանցում, որը կարծում եմ՝ այսօր շատերի համար է աշխատանքային գործիք։ Այս փուլում հանդես եմ գալիս որպես մոդել եւ հաղորդավար, մասնավորապես՝ միջոցառումներ եմ վարում, համագործակցում եմ բրենդների հետ․ վերջերս նկարահանվել եմ Նինա Սարկիսյանցի հարսանեկան հավաքածուի համար։ Հավելեմ, որ փորձում եմ նաեւ ակտիվ լինել բարեգործական ոլորտում՝ որպես գործադիր տնօրեն աշխատելով Թովմասյան հիմնադրումում: Մեր հիմնադրամը Հայաստանում զարգացնում է գիտությունը, սպորտը եւ մշակույթը։ Մեր վերջին ծրագրերից մեկի շրջանակում Մովսես Խորենացու անվան դպրոցում ինժեներական լաբորատորիա բացեցինք, որտեղ երեխաները սովորելու են ԱԹՍ-ների ծրագրավորում, ռոբոտաշինություն եւ շատ այլ գիտելիքներ են ստանալու, որոնք կներդնեն Հայաստանի զարգացման հարցում։ Այս գործունեությունս էլ պատահական չի եղել․ երկար էի մտածում՝ ինչ անեմ, որպեսզի օգտակար լինեմ երկրիս»։

Հետևեք NEWS.am STYLE-ին Facebook-ում, Twitter-ում և Instagram-ում