• Բարբարա Պալվինը պատմել է ծննդաբերությունից ընդամենը վեց շաբաթ անց Victoria’s Secret-ի պոդիում վերադառնալու մասին․«Հետծննդյան շրջանը յուրաքանչյուր կնոջ համար տարբեր է»

  33-ամյա մոդել և նորաթուխ մայրիկ Բարբարա Պալվինը շարունակում է համատեղել մայրությունն ու մասնագիտական գործունեությունը՝ սեփական ընտրությամբ…

• Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

  Հայաստանում Հելոուինը տարեցտարի ավելի նկատելի ներկայություն է ձեռք բերում…

• Սիդնի Սուինին «Տանը մենակ» մուլտֆիլմի մեծահասակների համար նախատեսված տարբերակ է ներառել Syrn-ի նոր ներքնազգեստի գովազդային արշավում

  Սիդնի Սուինին վերաիմաստավորել է «Տանը մենակ» պաշտամունքային կատակերգությունը իրյուրօրինակ ոճով՝ բացահայտող հագուստով, խաղային տեսարաններով և սեռականության վրաշեշտադրմամբ…

• Լամին Յամալի և Ինես Գարսիայի ներդաշնակ կերպարները՝ «Ոսկե գնդակ 2026»-ի կարմիր գորգին

  Հոկտեմբերի 26-ին Լոնդոնի Պալադիումում կայացած «Ոսկե գնդակ 2026»-ի 70-րդ մրցանակաբաշխության ընթացքում ֆուտբոլային աստղերն ուշադրության կենտրոնում էին ոչ միայն իրենց մարզական նվաճումներով, այլև կարմիր գորգի վրա ցուցադրած ոճային կերպարներով…

• Նախկին «Միսս Շվեյցարիա»-ն Դոնալդ Թրամփին մեղադրել է բռնաբարության մեջ

  «Միսս Շվեյցարիա» մրցույթի նախկին մասնակից Բեատրիս Քոյլը պնդել է, որ Դոնալդ Թրամփը բռնաբարել է իրեն Նյու Յորքի «Պլազա» հյուրանոցում՝ 1993 թվականի նոյեմբերին…

• 59-ամյա Նիկոլ Քիդմանը՝ Vogue Australia-ի համարձակ ֆոտոշարքում

  Նիկոլ Քիդմանը հայտնվել է Vogue Australia-ի անկեղծ ֆոտոշարքում՝ իր սովորական երեկոյան զգեստները փոխարինելով սև Chanel կրծկալով և փայլուն դետալներով ասեղնագործված ջինսերով…

• Արդյո՞ք Թոմ Բրեդիի հետ սիրավեպը պառակտում է առաջացնում Victoria's Secret-ի հրեշտակների միջև. Քենդիս Սվեյնփոլը` Իրինա Շեյքի և Ջոան Սմոլսի հետ դրամայի կիզակետում

  Սուպերմոդելների աշխարհում հասունանում է սոցիալական դրամա, որը ներառում է նախկին ընկերուհիներին, NFL աստղին և մի քանի բարձրակարգ սիրավեպեր…

• Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները (VIDEO)

  Ծաղիկներ, պաստառներ, դրոշներ, երգ ու պար. այսպիսի տրամադրություն էր տիրում լուսադեմին «Զվարթնոց» օդանավակայանում, որտեղ մի խումբ երկրպագուներ և ընկերներ եկել էին դիմավորելու «Մանկական Եվրատեսիլ 2026»-ի հաղթողին՝ Հայաստանի ներկայացուցիչ Նարեին…

«Միսս Տիեզերք Հայաստան 2021» Նանե Ավետիսյանը հայտնվել է ֆրանսիական հեղինակավոր ԶԼՄ-ի՝ «Brut»-ի ուշադրության կենտրոնում։ Ամենամեծ լսարան ունեցող ֆրանսիական մեդիա ներկայացուցիչներից մեկը հայ մոդելի մասնակցությամբ տեսանյութ էր պատրաստել։

«Մեծ պատիվ էր, որ համագործակցել եմ նման հեղինակավոր պարբերականի հետ։ Այն մեծ մասսայականություն է վայելում Ֆրանսիայում․ մոտ 3 միլիոն հետեւորդ Instagram-ում, մոտ 4 միլիոն՝ Facebook-ում, 1․5 միլիոն Youtube-ում եւ այլն։ «Brut»-ի տարածվածության եւ ընթերցողների մեծ բանակի մասին նույնիսկ խոսելն է ավելորդ։ «Brut»-ը փորձել է նաեւ իմ միջոցով ցույց տալ, թե ինչ է կատարվում մեր երկրում։ Նրանց հատկապես հետաքրքրել էր այն պահը, որ հայ մոդելն անհրաժեշտության դեպքում կարող  է զենք վերցնել՝ պաշտպանելու իր հայրենիքը»,-NEWS.am STYLE-ի հետ զրույցում ասաց Նանե Ավետիսյանը։

Նյութի հիմնական շեշտարումը հայ կնոջ եւ պատերազմական իրավիճակի մասին է․ Նանեն ֆրանսիական լրատվամիջոցի ուշադրությունը գրավել է սեպտեմբերի 13-ից հետո իր ծավալած գործունեության շնորհիվ․

«Ռազմական պատրաստություն էի անցնում, որտեղ ինձ նկատեց ֆրանսիական հայտնի «Le Figaro» պարբերականի լրագրող Աստղիկը՝ առաջարկելով հարցազրույց վերցնել հենց իրենց համար։ Ինչ խոսք, հպարտանալու եւս մեկ առիթ է, քանի որ «Le Figaro»-ն Ֆրանսիայում, նույնպես, մեծ հեղինակություն ունեցող պարբերական է։ Դրան էլ հաջորդեց «Brut»-ի առաջարկը։ Ինձ համար մեծ պատիվ է, որ կարող եմ մեր երկրի մասին խոսել նման մեծ լսարան ունեցող պարբերականների միջոցով»։

Նանեի խոսքով՝ «Brut»-ի անդրադարձին հաջորդել է օտարերկրացի հետեւորդների մեծ հետաքրքրվածությունն իր անձնի նկատմամբ, ինչն այս պարագայում տեսանելի էր հետեւորդների նոր քանակի ավելացումով։ Մոդելն ասում է՝ աշխարհի տարբեր ծայրերից քաջալերող նամակներ է ստանում, որոնցում նշում են, որ հպարտանում են իրենով, իր՝ ռազմական պատրաստություն անցնելու որոշումով։

«Դեռ 2020-ից սկսած անդադար մտածում էի ռազմական պատրաստություն անցնելու մասին։ Փորձում էի գիտելիքներ ձեռք բերել այդ ոլորտի մասին, տեսանյութեր էի դիտում, սակայն որոշումս հստակեցրի սեպտեմբերին տեղի ունեցած ադրբեջանական հարձակումից հետո՝     հասկանալով, որ որքան էլ մոդել եւ հաղորդավար եմ, միեւնույն է, պատերազմին պետք է պատրաստ լինել։ Ինչ խոսք, կյանքս այդ ամենից հետո շատ է փոխվել, չեմ կարող չխոստովանել, որ ռազմական պատրաստություն ունենալը դժվար էր համատեղել իմ բազմազբաղ առօրյայի հետ, սակայն մեծ ցանկություն ունեի համատեղելու։ Առհասարակ, բոլորին եմ հորդորում, եթե ցանկանում են մեր երկիրը տեսնել հզոր, ապա ռազմական նվազագույն գիտելիքներ պետք է ունենան, որոնք ամեն պահի կարող են պետք գալ, թեպետ ինքս ինձ անդադար ասում եմ, որ երանի այս գիտելիքներն ինձ երբեք պետք չգան, սակայն մեր տղաները միշտ պետք է իմանան, որ իրենց հետ ենք»։

Նանե Ավետիսյանը հայրենիքում տարած հաղթանակից հետո «Միսս Տիեզերք» հեղինակավոր մրցույթում Հայաստանի ներկայացուցիչն էր։ Գեղեցկուհին, ով նաեւ հանդես է գալիս որպես հաղորդավար, հպարտությամբ է նշում, որ Հայաստանում իրեն հաջողվել էր հաղթանակ գրանցել բավական թեժ մրցակցության պայմաններում՝ մոտ 700 մասնակիցներ էին հայտ ներկայացրել։ Խոսելով իր ներկայիս գործունեության մասին, Նանեն ասաց հետեւյալը․

«Ես բավական ակտիվ եմ համացանցում, որը կարծում եմ՝ այսօր շատերի համար է աշխատանքային գործիք։ Այս փուլում հանդես եմ գալիս որպես մոդել եւ հաղորդավար, մասնավորապես՝ միջոցառումներ եմ վարում, համագործակցում եմ բրենդների հետ․ վերջերս նկարահանվել եմ Նինա Սարկիսյանցի հարսանեկան հավաքածուի համար։ Հավելեմ, որ փորձում եմ նաեւ ակտիվ լինել բարեգործական ոլորտում՝ որպես գործադիր տնօրեն աշխատելով Թովմասյան հիմնադրումում: Մեր հիմնադրամը Հայաստանում զարգացնում է գիտությունը, սպորտը եւ մշակույթը։ Մեր վերջին ծրագրերից մեկի շրջանակում Մովսես Խորենացու անվան դպրոցում ինժեներական լաբորատորիա բացեցինք, որտեղ երեխաները սովորելու են ԱԹՍ-ների ծրագրավորում, ռոբոտաշինություն եւ շատ այլ գիտելիքներ են ստանալու, որոնք կներդնեն Հայաստանի զարգացման հարցում։ Այս գործունեությունս էլ պատահական չի եղել․ երկար էի մտածում՝ ինչ անեմ, որպեսզի օգտակար լինեմ երկրիս»։

Հետևեք NEWS.am STYLE-ին Facebook-ում, Twitter-ում և Instagram-ում