«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Խիզախ հայուհու մասին իրական պատմություն՝ անիմացիոն լուծումներով․ «Օսկար»-ին ներկայացված «Ավրորայի լուսաբացը» ֆիլմի երեւանյան պրեմիերան

11:25, 4 նոյեմբերի

Ինչպե՞ս 14-ամյա աղջիկը քաջության ու համառության շնորհիվ ոչ միայն փրկվեց ցեղասպանությունից, այլեւ իր պատմությունը ճանաչելի դարձրեց աշխարհին ու այդքան հավատարիմ մնաց իր հայ տեսակին․ «Ավրորայի լուսաբացը» վավերագրական-անիմացիոն ֆիլմը 1915 թ-ին ցեղասպանությունից մի կերպ մազապուրծ եղած դեռատի հայուհու՝ Արշալույս Մարտիկյանի մասին է։ Արշալույսը, որը ԱՄՆ-ում հայտնվելուց հետո ստանում է Ավրորա անունը, ականատես էր եղել իր ամբողջ ընտանիքի սպանությանը, բռնել էր գաղթի ճամփան, հայտնվել թուրքական հարեմի գերության մեջ եւ անցել անասելի արհավիրքներով։

Սակայն իր կամքի ուժի, խելամտության եւ անդրդվելի վճռականության շնորհիվ նրան հաջողվել է ողջ մնալ, եւ 1917թ-ին, Զորավար Անդրանիկի եւ «Մերձավոր Արեւելքում ամերիկյան օգնության կոմիտե»-ի օգնությամբ, փրկություն գտնել ԱՄՆ-ում։ 

1919 թ-ին Արշալույսը հերոսաբար համաձայնում է իր կյանքի դաժան փորձությունների մասին պատմող հոլիվուդյան «Հոգիների աճուրդ» համր ֆիլմում ինքն իրեն մարմնավորել՝ հասկանալով, որ ֆիլմը մեծապես կնպաստի, որ աշխարհը իմանա հայերի կոտորածների մասին, իսկ ֆիլմի եկամուտների մեծ մասը կուղղվի հայ որբերի փրկության գործին։

ARS_9215.JPG (226 KB)

Ռեժիսոր Իննա Սահակյանի «Ավրորայի լուսաբացը» ֆիլմում գլխավոր հերոսուհուն՝ Ավրորային կամ Արշալույսին, մարմնավորել է 23-ամյա Անժելիկա Հակոբյանը։ Նա Երեւանի Կոմիտասի անվան պետական կոնսերվատորիայի ուսանողուհի է, դերասանական մեծ փորձ չունի, բայց մեծ պատասխանատվությամբ է մոտեցել իրեն վստահված դերին․

«Շատ ուրախ եմ, որ հենց ես եմ ստանձնել Ավրորայի դերը, որ ինձ է վստահվել նման լուրջ ու պատասխանատու աշխատանքը, եւ ես պատրաստակամորեն կատարել եմ իմ առջեւ դրված խնդիրները»,-երեկ՝ նոյեմբերի 3-ին, «Մոսկվա» կինոթատրոնում կայացած ֆիլմի ցուցադրությանը լրագրողների հետ զրույցում նշեց դերասանուհին։ Ավրորայի դերակատարը հավելեց, որ քասթինգին մասնակցել է ընկերների խորհրդով,-«Անկեղծ ասած՝ չէի սպասում, որ ես կընտրվեմ այս դերում, քանի որ կային թեկնածուներ, որոնք իրական Ավրորային ավելի նման էին, քան ես, բայց, երեւի, իմ խառնվածքի շնորհիվ հենց ինձ ընտրեցին։ Երբ իմացա, որ ֆիլմն անիմացիոն է, մտածեցի, որ աշխատանքը պետք է, որ ավելի հեշտ լինի, բայց իրականում պարզվեց՝ խնդիրն ավելի բարդ էր, քան պատկերացնում էի, քանի որ անիմացիայի դեպքում պետք է կրկնակի ցույց տաս էմոցիաներդ, եւ քանի որ ինքս դերասական փորձ ու կրթություն չունեի, սկզբնական շրջանում ինձ համար բարդ էր։ Հետո ռեժիսորի հետ աշխատանքի շնորհիվ կարողացա հաղթահարել այդ դժվարությունները»։

Ֆիլմի գլխավոր պրոդյուսերը Վարդան Հովհաննիսյանն է։ Նրա խոսքով՝ աշխարհում տիրող այս քաոսային իրավիճակում, հատկապես, կարեւոր է այս աշխատանքը ներկայացնելը․

ARS_9286.JPG (249 KB)

«Երբ մենք սկսեցինք աշխատել ֆիլմի շուրջ, ցեղասպանության թեման այնքան էլ ակտուալ չէր, բայց այժմ, երբ պատերազմներն, առհասարակ, շատացել են աշխարհում, թեման դարձել է շատ արդիական։ Մենք պետք է դասեր քաղենք մեր պատմությունից, դրանով ֆիլմն այս ժամանակաշրջանում դարձավ շատ կարեւոր։ Այն արդեն ներկայացվել է բազմաթիվ փառատոնների՝ Գերմանիայում, Ամերիկայում, Ֆրանսիայում․․․ Ֆիլմը շատ լավ է ընդունվում ամբողջ աշխարհում»,-նշեց նա։

Ֆիլմը նաեւ Հայաստանի պաշտոնական հայտն է «Օսկար»-ի 95-րդ մրցանակաբաշխության «Լավագույն արտասահմանյան ֆիլմ» անվանակարգում։

«Ավրորայի լուսաբացը» ֆիլմի սցենարի հեղինակներն են ռեժիսոր Իննա Սահակյանը, Կերստին Մեյեր-Բիցը եւ Պիտեր Լյախովը։ Պրոդյուսերներն են Քրիստիան Բիցը, Յուստե    Միխայլինայտեն, Կեստուտիս Դռազգաուստասը, Էրիկ Իսրաելյանը եւ Իննա Սահակյանը, կոմպոզիտորները Քրիստինե Աֆդերհարը, Անդրանիկ Բերբերյանը եւ Գարեգին Առաքելյանն են։

Ֆիլմը էկրաններին կլինի մինչեւ նոյեմբերի 17-ը։ ֆիլմը ստեղծվել է Զորյան ինստիտուտի ակադեմիական ներդրման շնորհիվ. դրա հիմքում ինստիտուտի «Բանավոր Պատմության» արխիվն է։

Երեկվա ցուցադրության հայտնի հյուրերը՝ NEWS.am STYLE-ի ֆոտոռեպորտաժում։

ARS_9208.JPG (235 KB)

ARS_9220.JPG (215 KB)

ARS_9223.JPG (230 KB)

ARS_9228.JPG (224 KB)

ARS_9232.JPG (217 KB)

ARS_9237.JPG (223 KB)

ARS_9244.JPG (249 KB)

ARS_9247.JPG (251 KB)

ARS_9250.JPG (257 KB)

ARS_9255.JPG (250 KB)

ARS_9259.JPG (258 KB)

ARS_9262.JPG (254 KB)

ARS_9268.JPG (240 KB)

ARS_9272.JPG (245 KB)

ARS_9277.JPG (227 KB)

ARS_9282.JPG (244 KB)

ARS_9287.JPG (212 KB)

ARS_9289.JPG (220 KB)

ARS_9292.JPG (266 KB)

Սյունե Առաքելյան
Լուսանկարները՝ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search