Սպտեմբերի 18-ից 24-ը Դուբայում կայացել են Junior Model International եւ Miss Teen Super Globe մրցույթները, որտեղից Հայաստանը վերադարձել է հաղթանակներով։ Մեր երկիրը Junior Model International մրցույթում ներկայացնում էր 7-ամյա Դիանա Բարսեղյանը, որն արժանացել է Առաջին մրցանակի, իսկ Miss Teen Super Globe-ում ներկայացել են 14-ամյա Արինա Ալեքսանյանն ու 16-ամյա Անի Հարությունյանը։ Արինան Հայաստան է վերադարձել Առաջին մրցանակով, իսկ Անին՝ Գրան պրիով։
Պատանի մոդելները «Աստղերի ֆաբրիկա» մոդելային գործակալության սաներն են։ Դուբայում կայացած մրցույթներին նրանց ուղեկցել է գործակալության համահիմնադիր Սուսաննա Բուդաղյանը, որը NEWS.am STYLE-ին տրամադրել է մրցութային օրվա լուսանկարներից ու պատմել Հայաստանի հաղթանակների մասին։
Սուսաննան տեղեկացրեց, որ երկու մրցույթներն էլ անցկացվում են նույն կազմակերպչի կողմից, միմյանցից տարբերվում են միայն տարիքային շեմով։ Junior Model International-ին կարող են մասնակցել մինչեւ 13 տարեկան երեխաներ, իսկ Miss Teen Super Globe-ին՝ 14-ից 18 տարեկան պատանիներ։
«Մրցույթներին մասնակցել են մոտ 47 երկրների ներկայացուցիչներ։ Երեխաները հանդես են եկել տարբեր փուլերով՝ անգլերենով ներկայացրել են իրենց, պատասխանել են ժյուրիի հարցերին, ցուցադրել իրենց տաղանդը։ Մեր երեք մասնակիցներն էլ Տաղանդի փուլում պարային համարներով են հանդես եկել, բայց ներկայացել են տարբեր ոճերով եւ մոտեցումներով։ Երրորդ փուլում կազմակերպվել էր երկրների ցուցահանդես․ տաղավարներ էին տեղադրվել, որոնցում յուրաքանչյուր երկիր ցուցադրում էր իր ազգային ուտեստները, խմիչքը եւ մշակութային մյուս առանձնահատկությունները։ Այս տարի հետաքրքիր միտք ունեցանք․ մեզ հետ մրցույթին եկել էր նաեւ Կոմիտասի անվան պետական կոնսերվատորիայի սաներից Մհեր Ամիրջանյանը, եւ նրա օգնությամբ ներկայացրինք հայկական դուդուկն ու մյուս երաժշտական գործիքները։ Հայկական տաղավարում հնչեց դուդուկը, քոչարի պարեցինք ու բոլոր մասնակիցներին հրավիրեցինք մեզ հետ պարելու»,-պատմեց Սուսաննան։
Նա հավելեց, որ աղջիկները բարձր տրամադրությամբ ու մեծ ոգեւորությամբ են վերադարձել հայրենիք։
Մրցույթում մեր մասնակիցներն ընտրվել են նախընտրական փուլից հետո, որն անցկացվել էր փետրվարին՝ «Աստղերի ֆաբրիկա» մոդելային գործակալության՝ «Հայաստանի դեմքը» մրցույթի միջոցով։ Այն արդեն երրորդ տարին է անցկացվում Հայաստանում եւ հնարավորություն տալիս պատանի մոդելներին ներկայանալ միջազգային տարբեր հարթակներում։ Սուսաննայի խոսքով՝ չի բացառվում, որ Հայաստանի հաջող մասնակցությունից հետո Junior Model International եւ Miss Teen Super Globe մրցույթները հաջորդ տարի հյուրընկալվեն Հայաստանում։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը