«Մումիան» ֆիլմի աստղ Բրենդան Ֆրեյզերը նոր հարցազրույց է տվել GQ ամսագրին՝ պարզաբանելով, որ կհրաժարվի մասնակցել «Ոսկե գլոբուս» մրցանակաբաշխությանը, նույնիսկ եթե առաջադրվի կամ մրցանակ շահի Դարեն Արոնոֆսկու առաջիկա «Կետը» դրամայի համար։
Այս որոշման պատճառը 2003 թվականին նրա հետ տեղի ունեցած միջադեպն է։ Այն ժամանակ Հոլիվուդի արտասահմանյան մամուլի ասոցիացիայից (HFPA) Ֆիլիպ Բերկը, հայտարարել է, որ Ֆրեյզերը սեռական ոտնձգություն է իրականացրել, ինչի պատճառով դերասանը տարիներ շարունակ չի նկարահանվել ֆիլմերում։ Դեպքի մասին նա առաջին անգամ խոսել է 2018 թվականին:
«Ես ավելի շատ վատ հիշողություններ ունեմ HFPA-ի վերաբերյալ, քան հարգանք նրանց նկատմամբ: Ո՛չ, չեմ մասնակցի եւ հենց այդ պատմության պատճառով: Մայրս կեղծավոր չի դաստիարակել»,- ընդգծել է Ֆրեյզերը:
Ի պատասխան ոտնձգությունների մասին լուրերի՝ HFPA-ն հայտարարություն է տարածել, որում դատապարտել է Բերկի պահվածքը, սակայն նրա նկատմամբ կարգապահական տույժ չի ձեռնարկել։ Բերկն ինքնին, իր գործողություններում դիտավորություն չի տեսել եւ իր պահվածքը արակել է որպես հումոր: Նա հեռացվել է կազմակերպությունից 2021 թվականին՝ ռասիստական արտահայտությունների պատճառով։
Ֆրեյզերը կարծում է նաեւ, որ իրենից ներողություն խնդրելը բավարար չի լինի, քանի որ շատ այլ մարդիկ են տուժել ասոցիացիայի գործողություններից:
«Կետը» դրամայում Ֆրեյզերը մարմնավորել է գեր անգլերենի ուսուցչի, ով ցանկանում է շտկել իր հարաբերությունները դեռահաս դստեր (Սենդի Սինք) հետ՝ իր անխուսափելի մահից առաջ: Ֆրեյզերի խաղը բուռն արձագանքների է արժանացել քննադատների եւ հեռուստադիտողների կողմից, ինչպես նաեւ բուռն ծափահարություններ առաջացրել Վենետիկի, Տորոնտոյի, Լոնդոնի եւ այլնի փառատոների շրջանակում։
80-րդ «Ոսկե գլոբուսը» ուղիղ եթերում կցուցադրվի NBC հեռուստաալիքով 2023 թվականի հունվարի 10-ի լույս 11-ի գիշերը: Թեկնածուները հայտնի կդառնան դեկտեմբերի 11-ին։
Լուսանկարը՝ Getty Images
Հետևեք NEWS.am STYLE-ին Facebook-ում, Twitter-ում և Instagram-ում
23:11, 14 մայիսի
Աշխարհի ամենաթանկ շրթներկների հնգյակը22:34, 14 մայիսի
Ինչո՞ւ են հասուն կանայք նախընտրում ավելի երիտասարդ տղամարդկանց21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը19:35, 14 մայիսի
«Սարսափելի գիշեր էր». Բրենդոն Լիի մահից 30 տարի անց16:13, 14 մայիսի
«Դաունթոնի աբբայության» հիման վրա երրորդ ֆիլմը կնկարահանվի15:23, 14 մայիսի
Նաոմի Քեմփբելը «նրբագեղության մարմնացում է» դասական փոքրիկ սեւ զգեստով14:37, 14 մայիսի
Ջորջ Քլունին իր դեբյուտը կկատարի Բրոդվեյում14:04, 14 մայիսի
Սերժ Թանկյանը ցանկանում էր հեռանալ System of a Down-ից13:16, 14 մայիսի
Քեյթ Մոսը սիրավե՞պ ունի Բոբ Մարլիի թոռան հետ12:35, 14 մայիսի
Շերը շլացուցիչ սեւ բոդիով է ներկայացել «Բոբ Մաքի. մերկ պատրանք» ֆիլմի պրեմիերային11:58, 14 մայիսի
Ինչու էին Շարլիզ Թերոնն ու Թոմ Հարդին ատում միմյանց «Խենթ Մաքսը» ֆիլմի նկարահանման հրապարակում